ព័ត៌មានអន្ដរជាតិ
ចិន អួតថាអាចទប់ស្កាត់វីរុសបំប្លែងខ្លួន Omicron ដូចកាលធ្លាប់ធ្វើជាមួយ Delta
លោក Zhang Wenhong វេជ្ជបណ្ឌិតក្រុងសៀងហៃបានសរសេរនៅលើបណ្ដាញ Sina Weibo របស់លោកកាលពីថ្ងៃអាទិត្យថា វីរុសកូវីដបំប្លែងខ្លួនថ្មី Omicron ដែលអង្គការសុខភាពពិភពលោក (WHO) បានហៅថា “វីរុសគួរឲ្យព្រួយបារម្ភ” ហើយអាចចម្លងបានច្រើនជាងប្រភេទ Delta ទៀតនោះ នឹងមិនមានឥទ្ធិពលខ្លាំងលើប្រទេសចិនក្នុងដំណាក់កាលបច្ចុប្បន្ននេះនោះទេ ។
លោក Zhang បានសរសេរថា “យុទ្ធសាស្ត្របច្ចុប្បន្នរបស់ប្រទេសចិនក្នុងការឆ្លើយតបយ៉ាងរហ័ស និងគ្មានករណីឆ្លងនឹងអាចទប់ទល់វីរុសកូវីដបំប្លែងខ្លួនប្រភេទថ្មីៗ ។ បច្ចុប្បន្នចិនកំពុងពន្លឿនការកសាងការគាំទ្រផ្នែកវិទ្យាសាស្ត្រ រួមទាំងទុនបម្រុងនៃវ៉ាក់សាំង និងថ្នាំដែលមានប្រសិទ្ធភាព ក៏ដូចជាសុខភាពសាធារណៈ និងធនធានវេជ្ជសាស្ត្រ ដែលអាចគាំទ្រដល់ការបើកទូលាយរបស់ប្រទេសចិនទៅកាន់ពិភពលោក និងផ្តល់សិទ្ធិអំណាចដល់ប្រទេសក្នុងការដោះស្រាយការប្រយុទ្ធនឹងជំងឺរាតត្បាតធម្មតានៅដំណាក់កាលបន្ទាប់” ។
លោក Zhang ដែលជាប្រធាននាយកដ្ឋានជំងឺឆ្លងនៅមន្ទីរពេទ្យ Huashan និងមានទំនាក់ទំនងជាមួយសាកលវិទ្យាល័យ Fudan បាននិយាយថា ជាមួយនឹងវិទ្យាសាស្រ្ត និងសាមគ្គីភាព ប្រទេសនឹងដោះស្រាយជាមួយនឹងវីរុសបំប្លែងខ្លួន Omicron ឲ្យបានត្រឹមត្រូវដូចអ្វីដែលខ្លួនបានធ្វើជាមួយវីរុសបំប្លែងខ្លួន Delta ។
លោក Zhang បានសរសេរថា វានឹងចំណាយពេលជុំវិញពិភពលោកប្រហែល ២ សប្តាហ៍ ដើម្បីមើលថាតើវីរុសបំប្លែងខ្លួនថ្មីនេះនឹងបង្កការគំរាមកំហែងដល់ប្រព័ន្ធភាពស៊ាំប្រជាជនដែលងាយរងគ្រោះនៅក្នុងសង្គមមួយចំនួនឬយ៉ាងណានោះ ។
ទន្ទឹមនោះ លោកក៏បានពន្យល់ផងដែរអំពីមូលហេតុដែលប្រទេសមួយចំនួន ដូចជាចក្រភពអង់គ្លេស និងអ៊ីស្រាអែល បានរឹតបន្តឹងដើម្បីទប់ស្កាត់ជំងឺរាតត្បាតលើអ្នកធ្វើដំណើរចូលប្រទេស ។
ជាចុងក្រោយលោកបានសរសេរថា “ជាង ៨០ ភាគរយនៃពលរដ្ឋនៅក្នុងប្រទេសទាំងពីរនេះត្រូវបានចាក់វ៉ាក់សាំងពេញដូស ។ ប្រសិនបើវីរុសបំប្លែងខ្លួនថ្មីនេះអាចទម្លុះរបាំងភាពស៊ាំនៅទីនោះ ពិភពលោកប្រហែលជាត្រូវផ្លាស់ប្តូរយន្តការចាក់វ៉ាក់សាំងកូវីដរបស់ខ្លួន ដោយធ្វើវាទៅជាអ្វីមួយដូចជាជំងឺគ្រុនផ្តាសាយ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ ប្រទេសអឺរ៉ុបចំនួន ២ រកឃើញវីរុសកូវីដបំប្លែងខ្លួន Omicron ចំនួន ១៥ ករណីមកពី អាហ្វ្រិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ