អង់គ្លេស កំពុងខ្វះម៉ាស៊ីនតេស្តរកវីរុសកូវីដបំប្លែងខ្លួន Omicron

យោងតាមសារព័ត៌មាន BBC បានចុះផ្សាយថា នៅក្នុងចក្រភពអង់គ្លេសមានមន្ទីរពិសោធន៍ទំនើបៗធ្វើរោគវិភាគលើវីរុសបំប្លែងខ្លួន Omicron តិចតួចបំផុត ពោលមានតែ ៣ ទីតាំងប៉ុណ្ណោះ ។

បើយោងតាមអ្នកវិទ្យាសាស្ត្រអង់គ្លេសបានឲ្យដឹងថា ការធ្វើតេស្តរកវីរុសបំប្លែងខ្លួនថ្មី Omicron ក៏មិនខុសពីការធ្វើតេស្តរកវីរុសផ្សេងទៀតនោះទេ ដោយយកសំណាកទៅតេស្តក្នុងម៉ាស៊ីនធំ PCR រួចហើយបញ្ជូនទៅមន្ទីរពិសោធន៍ដើម្បីវិភាគធ្វើរោគវិនិច្ឆ័យថាតើវាជាវីរុសបំប្លែងខ្លួនប្រភេទណា ។

វាកើតឡើង ស្របពេលដែលរដ្ឋាភិបាលរបស់ចក្រភពអង់គ្លេសបានទទួចឲ្យពលរដ្ឋ និងអ្នកដំណើរដែលហោះចូលក្នុងប្រទេសមានការធ្វើតេស្តជាបន្ទាន់តែម្ដង ក្រោយរកឃើញករណីវីរុសបំប្លែងខ្លួន Omicron ជាបន្តបន្ទាប់ ។

បច្ចុប្បន្នចក្រភពអង់គ្លេសបានរឹតបន្តឹងជើងហោះហើរសម្រាប់ប្រទេសអាហ្វ្រិកចំនួន ៦ ដូចជា អាហ្រ្វិកខាងត្បូង ណាមីប៊ី ឡេសូតូ បុតស្វាណា អេស្វាធីនី និងស៊ីមបាវ៉េ ហើយរហូតមកដល់ពេលនេះបានកត់ត្រាករណីវីរុសបំប្លែងខ្លួនប្រភេទ B.1.1.529 ចំនួន ២២ ករណីហើយ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ប្រុងប្រយ័ត្ន! វីរុសកូវីដបំប្លែងខ្លួន Omicron ឆ្លងសាហាវជាង Delta រហូតដល់ ៥ ដង