ព័ត៌មានអន្ដរជាតិ
ភ្លេចខ្លួន លោក ចូ បៃដិន ហៅអ្នកកាសែតម្នាក់ថា កូនឆ្កែល្ងង់
ប្រធានាធិបតីសហរដ្ឋអាមេរិក លោក ចូ បៃដិន ត្រូវបានគេចាប់សំឡេងនិយាយតាមរយៈក្បាលមេក្រូកំពុងបើកកាលពីចន្ទ ទី២៤ ខែមករា ដែលលោកបានហៅអ្នកកាសែតរបស់សារព័ត៌មាន Fox News ម្នាក់ថាជា«កូនឆ្កែល្ងង់»នៅសន្និសីទមួយឯសេតវិមាន។
នៅពេលអ្នកសារព័ត៌មានបានកំពុងចាកចេញពីបន្ទប់ក្រោយពេលសន្និសីទចប់ អ្នកសារព័តត៌មានម្នាក់មកពី Fox News ដែលជាទីពេញចិត្តរបស់ក្រុមអភិរក្សបានសួរថា តើអតិផរណាគឺជាការទទួលខុសត្រូវនយោបាយ។
មេដឹកនាំប្រជាធិបតេយ្យដែលប្រហែលមិនបានដឹងថា ក្បាលមេក្រូរបស់លោកនៅបើកដំណើរការបានចាប់ផ្តើមនិយាយថា ៖«វាជាទ្រព្យសម្បត្តិដ៏អស្ចារ្យមួយ។ អតិផរណាកាន់តែច្រើន»។ បន្ទាប់មក លោកបានរអ៊ូថា ៖«កូនឆ្កែល្ងង់» មុនពេលលោកក្រឡេកមើលបន្តិច។
អ្នកសារព័ត៌មានដ៏កម្សត់ដែលស្ថិតនៅក្នុងបន្ទប់ពេលនោះបានសារភាពថា លោកមិនបានស្តាប់ឮអ្វីដែលលោក ចូ បៃដិន បានរអ៊ូនោះទេ ដោយសារមានសំឡេងរំខានច្រើន។
នៅក្នុងបទសម្ភាសនៅ Fox អ្នកកាសែតឈ្មោះ Peter Doocy បានគ្រវីក្បាលចំពោះការប្រមាថនេះ។ លោកបាននិយាយដោយមិនខ្វល់ខ្វាយច្រើនថា ៖«បាទ អត់មានអ្នកណាបានពិនិត្យការពិត ហើយថាវាមិនពិតទេ»។
លោក Doocy បានប្រាប់ថា ក្រោយមក លោក បៃដិន បានខលទូរសព្ទទៅលោកប្រហែលជាមួយម៉ោង និងបាននិយាយថា ៖«នោះមិនមែនជារឿងផ្ទាល់ខ្លួនទេ ប្អូន។ ហើយយើងបានជជែកគ្នាច្រើន។ យើងបានជជែកគ្នាពីការឆ្ពោះទៅមុខ ហើយខ្ញុំប្រាកដច្បាស់ប្រាប់លោកថា ខ្ញុំបានព្យាយាមសួរអ្វីក្រៅពីអ្នកដទៃសួរ។ លោកមានប្រសាសន៍ថា មែនហើយប្អូន»។
ពិធីករព័ត៌មាន Fox News លោក Sean Hannity បានសួរថា តើលោក បៃដិន បានសុំទោសទេ? លោក Doocy បានឆ្លើយថា ៖«យើងមានការជជែកគ្នាតាមទូរសព្ទដ៏ល្អ»។
ប៉ុន្តែលោក Hannity បានបញ្ជាក់ថា នោះមិនមែនជាចម្លើយដែលលោកចង់សួរនោះទេ។ លោក Doocy បានបន្ថែម ៖«ខ្ញុំមិនត្រូវការឲ្យនរណាម្នាក់សុំទោសទេ។ លោក (បៃដិន) អាចខលមកខ្ញុំពេលណាក៏បានឲ្យតែលោកចង់។ ខ្ញុំគិតថា នោះគ្រប់គ្រាន់ហើយ។ គ្រប់គ្រាន់ហើយ។ ដូច្នេះយើងអាចបន្តបាន។ ឥឡូវនេះ យើងអាចឆ្ពោះទៅមុខបាន។ ប្រហែលជាមានពេលវេលា៣ទៅ៧ឆ្នាំទៀតដែលនឹងសួរលោកអំពីបញ្ហាផ្សេងៗ»៕
ប្រែសម្រួល៖ វីរបុត្រ
ប្រភព៖ AFP
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)