ព័ត៌មានអន្ដរជាតិ

មេដឹកនាំកំពូលកាណាដា លោក Trudeau ឆ្លងកូវីដ-១៩

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

នាយករដ្ឋមន្ត្រីប្រទេសកាណាដា លោក Justin Trudeau បានប្រាប់កាលពីថ្ងៃចន្ទថា លោកបានតេស្តវិជ្ជមានកូវីដ-១៩ ប៉ុន្តែលោកមានអារម្មណ៍ធម្មតា និងអាចធ្វើការពីចម្ងាយបានដើម្បីគោរពតាមវិធានការការពារសុខភាពសាធារណៈ។

លោក Trudeau បានធ្វើចត្តាឡីស័កកាលពីសប្តាហ៍មុន បន្ទាប់ពីកូនរបស់លោកម្នាក់បានតេស្តវេជ្ជមាន ប៉ុន្តែការធ្វើតេស្តរហ័សនៅពេលនោះ លោកមិនទាន់មានវិជ្ជមានទេ។

លោក Trudeau ដែលមិនអាចចូលប្រជុំសភាកាលពីថ្ងៃចន្ទជាពេលបើកដំណើរការឡើងវិញក្រោយពេលសម្រាករដូវរងាបានសរសេរតាមបណ្តាញសង្គមថា ៖«ព្រឹកនេះ ខ្ញុំតេស្តវេជ្ជមានកូវីដ-១៩។ ខ្ញុំមានអារម្មណ៍ធម្មតា ហើយខ្ញុំនឹងធ្វើការពីចម្ងាយក្នុងសប្តាហ៍នេះ ពីព្រោះត្រូវគោរពតាមគោលការណ៍ការពារសុខភាពសាធារណៈ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Trudeau អាយុ៥០ឆ្នាំធ្លាប់បានធ្វើចត្តាឡីស័ករយៈពេល២សប្តាហ៍ម្តងហើយកាលពីខែមីនា ឆ្នាំ២០២០ នៅពេលជំងឺកូវីដ-១៩បានចាប់ផ្តើមរាតត្បាត បន្ទាប់ពីភរិយារបស់លោកគឺលោកស្រី Sophie បានឆ្លងកាលពីពេលនោះ។

រដ្ឋមន្ត្រីនៃគណៈរដ្ឋមន្ត្រីកាណាដាជាច្រើនមានទាំងរដ្ឋមន្ត្រីក្រសួងការបរទេស Melanie Joly ជាដើមបានឆ្លងកូវីដក្នុងរយៈពេលប៉ុន្មានខែចុងក្រោយនេះ។

មេដឹកនាំប្រទេសលោកខាងលិចមួយចំនួនបានឆ្លងកូវីដ-១៩ដូចជាអតីតប្រធានាធិបតីអាមេរិក ដូណាល់ ត្រាំ និងលោកនាយករដ្ឋមន្ត្រីអង់គ្លេស Boris Johnson ជាដើមដែលបានឆ្លងកាលពីឆ្នាំ២០២០៕

ប្រែសម្រួល៖ វីរបុត្រ
ប្រភព៖ Reuters