ស្រ្តីទីមួយលើលោក ជាសះស្បើយពីជំងឺអេដស៍ បន្ទាប់ប្តូរកោសិកាមេ

ក្រុមអ្នកស្រាវជ្រាវបានបញ្ជាក់កាលពីថ្ងៃអង្គារទី១៥ខែកុម្ភៈថា អ្នកជំងឺមហារីកឈាមនៅសហរដ្ឋអាមេរិកម្នាក់ បានក្លាយជាស្ត្រីទីមួយ និងជាមនុស្សទី៣លើលោក ដែលជាសះស្បើយពីមេរោគអេដស៍ បន្ទាប់ពីបានទទួលការប្តូរកោសិកាមេ បរិច្ចាគដោយម្ចាស់ជំនួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីស្ត្រីអាយុ៦៤ឆ្នាំ ដែលបានបង្ហាញក្នុងសន្និសីទស្តីពីការឆ្លងមេរោគឱកាសនិយមនៅទីក្រុង Denver សហរដ្ឋអាមេរិក ក៏ជាករណីដំបូងបង្អស់ផងដែរដែលពាក់ព័ន្ធនឹងឈាមទងផ្ចិត ដែលជាវិធីសាស្រ្តថ្មីមួយទៀត អាចយកទៅព្យាបាលដល់មនុស្សកាន់តែច្រើន។

ចាប់តាំងពីបានទទួលឈាមពីទងផ្ចិតដើម្បីព្យាបាលជំងឺមហារីកឈាមស្រួចស្រាវរបស់នាងមក ស្ត្រីចម្រុះជាតិសាសន៍រូបនេះបានជាសះស្បើយ និងគ្មានមេរោគអស់រយៈពេល១៤ខែមកហើយ ដោយមិនត្រូវការការព្យាបាលមេរោគអេដស៍ដ៏ខ្លាំងក្លាទៀតនោះទេ។

ករណីមុនចំនួនពីរ បានកើតឡើងចំពោះបុរស ដែលមានម្នាក់ជាជនជាតិស្បែកស និងម្នាក់ជាបុរសឡាទីន។ អ្នកទាំង២បានទទួលកោសិកាដើមពេញវ័យ ដែលត្រូវបានគេប្រើជាញឹកញាប់នៅក្នុងការប្តូរខួរឆ្អឹង។

លោកស្រី Sharon Lewin ប្រធានជាប់ឆ្នោត នៃសមាគមជំងឺអេដស៍អន្តរជាតិបាននិយាយនៅក្នុងសេចក្តីថ្លែងការណ៍មួយថា “ឥឡូវ នេះគឺជារបាយការណ៍ទី៣នៃការព្យាបាលនៅក្នុងរបៀបនេះ និងជាលើកដំបូងចំពោះស្ត្រីដែលមានផ្ទុកមេរោគអេដស៍”។

ករណីនេះ គឺជាផ្នែកមួយនៃការសិក្សាដ៏ធំមានការគាំទ្រពីសហរដ្ឋអាមេរិក ដែលដឹកនាំដោយវេជ្ជបណ្ឌិត Yvonne Bryson នៃសាកលវិទ្យាល័យ California Los Angeles (UCLA) និងវេជ្ជបណ្ឌិត Deborah Persaud នៃសាកលវិទ្យាល័យ Johns Hopkins ក្នុងទីក្រុង Baltimore។

ការសិក្សានេះមានគោលបំណង តាមដានអ្នកផ្ទុកមេរោគអេដស៍ចំនួន២៥នាក់ ដែលទទួលការប្តូរកោសិកាដើម យកចេញពីឈាមទងសុកសម្រាប់ការព្យាបាលជំងឺមហារីក និងលក្ខខណ្ឌធ្ងន់ធ្ងរផ្សេងទៀត៕

ប្រែសម្រួល៖ Vann Vann

ប្រភព៖ Reuters

ចុចអាន៖ អ្នករកឃើញមេរោគ អេដស៍ ទទួលមរណភាពហើយ