ព័ត៌មានអន្ដរជាតិ

មេដឹកនាំឥណ្ឌូណេស៊ីប្រាប់ G20 ឥឡូវនេះមិនមែនជាពេលប្រឈមមុខគ្នាទេ

បានផុស

៤ years មុន

នៅ

ថ្ងៃព្រហស្បតិ៍ ១៧ កុម្ភៈ ២០២២

ដោយ

ប្រធានាធិបតីប្រទេសឥណ្ឌូណេស៊ី លោក Joko Widodo នៅថ្ងៃព្រហស្បតិ៍ ទី១៧ ខែកុម្ភៈនេះបានអំពាវនាវឲ្យមានកិច្ចសហប្រតិបត្តិការរវាងប្រទេស និងប្រទេសដើម្បីជំរុញការងើបឡើងវិញនូវសេដ្ឋកិច្ចសកល និងបាននិយាយថា ឥឡូវនេះមិនមែនជាពេលបង្កើតភាពតានតឹងភូមិសាស្ត្រនយោបាយ ដូចជាស្ថានភាពកំពុងកើតមាននៅអ៊ុយក្រែនឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីបានលើកឡើងបែបនេះនៅក្នុងពិធីបើកកិច្ចប្រជុំមេដឹកនាំហិរញ្ញវត្ថុរបស់ប្រទេសមហាសេដ្ឋកិច្ច G20 ដែលឥណ្ឌូណេស៊ីទទួលធ្វើម្ចាស់ផ្ទះកិច្ចប្រជុំ។

រដ្ឋមន្ត្រីក្រសួងហិរញ្ញវត្ថុឥណ្ឌូណេស៊ី លោក Sri Mulyani Indrawati បាននិយាយថា កិច្ចប្រជុំនឹងផ្តោតសំខាន់លើកិច្ចពិភាក្សាពីយុទ្ធសាស្ត្រចាកចេញសម្រាប់គោលនយោបាយហិរញ្ញវត្ថុ អតិផរណាសកលខ្ពស់ ការចែកចាយវ៉ាក់សាំង និងហិរញ្ញប្បទានចំពោះរបៀបវារៈអាកាសធាតុ ស្ថិតក្នុងចំណោមប្រធានបទសំខាន់ៗ៕

ប្រែសម្រួល៖ វីរបុត្រ
ប្រភព៖ Reuters