លោក Zelensky ព្រមានថា រុស្ស៊ី មិនបញ្ឈប់ត្រឹមអ៊ុយក្រែន ទេ (មានវីដេអូ)

ប្រធានាធិបតីអ៊ុយក្រែន លោក Volodymyr Zelensky បានព្រមានប្រទេសលោកខាងលិចថា សង្រ្គាមនឹងមិនបញ្ឈប់ត្រឹមនៅអ៊ុយក្រែនទេ ហើយការវាយប្រហារលើសេរីភាពនៅទីនោះ នឹងប៉ះពាល់ដល់ពិភពលោកទាំងមូល។

អំឡុងពេលបទសម្ភាសន៍ក្នុងកម្មវិធី World News Tonight ជាមួយលោក David Muir នៅលើកញ្ចក់ទូរទស្សន៍ ABC កាលពីថ្ងៃចន្ទទី០៧ខែមីនា លោក Zelensky បានគូសបញ្ជាក់ជាថ្មីម្តងទៀតអំពីតម្រូវការក្នុងការធានាដែនអាកាសរបស់អ៊ុយក្រែន ជារឿងដែលលោកបានជំរុញឲ្យសហរដ្ឋអាមេរិក និងអង្គការណាតូជួយ ប៉ុន្តែគ្មានបានប្រយោជន៍អ្វីឡើយ។

គ្រប់គ្នាគិតថាយើងនៅឆ្ងាយពីអាមេរិក ឬកាណាដា។ ទេ យើងស្ថិតនៅក្នុងតំបន់នៃសេរីភាព។ នេះហើយ នៅពេលដែលដែនកំណត់នៃសិទ្ធិ និងសេរីភាពត្រូវបានរំលោភបំពាន និងបោះជំហានទៅមុខ អ្នកត្រូវតែការពារយើង។ ព្រោះយើងនឹងជាប្រទេសរងគ្រោះមុនគេ។ អ្នក​នឹងជាប្រទេស​ទី​ពីរ។

លោក Zelensky និយាយថា “យើងមិនអាចអនុញ្ញាតឲ្យរុស្ស៊ី ធ្វើសកម្មភាពនៅទីនោះបានទេ ពីព្រោះពួកគេកំពុងទម្លាក់គ្រាប់បែកលើយើង ពួកគេកំពុងបាញ់ផ្លោងមកយើង ពួកគេកំពុងបញ្ជូនមីស៊ីល ឧទ្ធម្ភាគចក្រ យន្តហោះចម្បាំង និងរបស់ជាច្រើន។ យើងមិនគ្រប់គ្រងមេឃរបស់យើងបានឡើយ”។

លោក​បាន​បន្ថែម​ថា លោក​ជឿជាក់​ថា ​លោក​ប្រធានាធិបតី​អាមេរិក Joe Biden អាច​ធ្វើ​បាន​ច្រើន​ទៀតដើម្បី​បញ្ឈប់​សង្គ្រាម៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ រុស្ស៊ី គំរាម កាត់ ផ្តាច់ ការ ផ្គត់ផ្គង់ ឧស្ម័ន ទៅ អឺរ៉ុប ដើម្បីសងសឹក