ព័ត៌មានអន្ដរជាតិ

មិនគួរឲ្យជឿ! ជាប់កាក់ក្នុងច្រមុះ ៥០ ឆ្នាំទើបយកចេញ

បានផុស

៦ years មុន

នៅ

ថ្ងៃចន្ទ ១៤ ធ្នូ ២០២០

ដោយ

ទីបំផុតបុរសម្នាក់បានយកកាក់ចេញពីច្រមុះរបស់គាត់ បន្ទាប់ពីត្រូវបានជាប់អស់រយៈពេលជាងកន្លះសតវត្សរ៍ ។ បុរសជនជាតិរុស្ស៊ីដែលមិនបញ្ចេញឈ្មោះអាយុ ៥៩ ឆ្នាំរូបនេះមានអាយុទើបតែ ៦ ឆ្នាំប៉ុណ្ណោះនៅពេលដែលគាត់យកកាក់ប្រាក់នោះញាត់ចូលក្នុងរន្ធច្រមុះខាងស្តាំរបស់គាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយក្នុងស្រុកបានរាយការណ៍ថា គាត់មិនហ៊ានប្រាប់ម្ដាយរបស់គាត់អំពីរឿងនេះឡើយដោយសារតែភ័យខ្លាចខ្លាំងពេក ហើយបន្ទាប់មកគាត់ក៏ភ្លេច ។ បុរសនោះរស់នៅទាំងមានកាក់ប្រាក់ក្នុងចម្រុះរយៈពេលជាង ៥០ ឆ្នាំដោយមិនមានការរំខានដល់ការដកដង្ហើមអ្វីនោះទេរហូតដល់ពេលថ្មីៗនេះគាត់បានត្អូញត្អែរថាគាត់មិនអាចដកដង្ហើមបាននៅក្នុងរន្ធច្រមុះខាងស្តាំរបស់គាត់ ។

ក្រោយមកគាត់បានទៅមន្ទីរពេទ្យ ហើយធ្វើការស្កេន ហើយក៏បានរកឃើញវត្ថុមួយនៅក្នុងច្រមុះ ។ នោះគឺជាដុំថ្មម្យ៉ាងឈ្មោះ Rhinoliths នៅក្នុងច្រមុះដែលនៅជុំវិញកាក់ដែលរារាំងដល់ការដកដង្ហើមរបស់គាត់ ។ បន្ទាប់មកទៀតគ្រូពេទ្យក៏បានធ្វើការវះកាត់ដោយប្រើថ្នាំសន្លប់ដើម្បីយកដុំថ្មនោះចេញ ក៏ដូចជាកាក់មួយរបស់សូវៀតចេញពីច្រមុះរបស់គាត់ផងដែរ បន្ទាប់ពីរស់នៅរយៈពេល ៥៣ ឆ្នាំ ។

កាក់ប្រាក់ដ៏មានតម្លៃនោះត្រូវបានគេឈប់ប្រើប្រាស់ហើយនៅប្រទេសរុស្ស៊ី បន្ទាប់ពីការដួលរលំរបស់សហភាពសូវៀតក្នុងឆ្នាំ ១៩៩១ ហើយនិមិត្តរូបញញួរ និងកណ្ដៀវលើកាក់នោះក៏មិនអាចមើលឃើញបានដែរ ។

ចំណែកអ្នកឯកទេសខាងច្រមុះលោកស្រីវេជ្ជបណ្ឌិត Nepryakhina បាននិយាយថា “យើងបានធ្វើប្រតិបត្តិការវះកាត់កាលពីថ្ងៃសុក្រ ហើយគាត់ត្រូវបានចេញពីមន្ទីរពេទ្យនៅថ្ងៃចន្ទ ។ គាត់ដកដង្ហើមបានស្រួល និងបានពេញច្រមុះវិញផងដែរ” ៕