ព័ត៌មានអន្ដរជាតិ
កាណាដាប្រកាសផ្តល់ជំនួយយោធាថ្មីដល់អ៊ុយក្រែន
នាយករដ្ឋមន្ត្រីប្រទេសកាណាដា លោក Justin Trudeau បានប្រកាសផ្តល់ជំនួយផ្នែកយោធាថ្មីដល់ប្រទេសអ៊ុយក្រែនកាលពីថ្ងៃអាទិត្យ ទី៨ ខែឧសភា បន្ទាប់ពីបានធ្វើដំណើរទស្សនកិច្ចស្ងាត់ៗទៅទីក្រុងកៀវ។
លោក Trudeau ដែលបានថ្លែងក្នុងសន្និសីទកាសែតមួយបន្ទាប់ពីកិច្ចពិភាក្សាជាមួយប្រធានាធិបតីអ៊ុយក្រែន Volodymyr Zelenskyy ក៏បានលើកឡើងថា កាណាដា បានកំពុងដាក់ទណ្ឌកម្មថ្មីប្រឆាំងនឹងបុគ្គល និងស្ថាប័នរបស់រុស្ស៊ី ដោយសារការវាយប្រហារលើអ៊ុយក្រែន។
«ថ្ងៃនេះ ខ្ញុំកំពុងប្រកាសពីជំនួយយោធាបន្ថែមទៀតមានដូចជា កាមេរ៉ាដ្រូន ផ្កាយរណបចាប់រូបភាព អាវុធ គ្រាប់រំសេវ និងជំនួយផ្សេងៗទៀត រាប់ទាំងមូលនិធិសម្រាប់ប្រតិបត្តិការដោះម៉ីន»។ លោក Trudeau មានប្រសាសន៍។
លោកបន្តថា ៖«ហើយយើងខ្ញុំកំពុងនាំយកទណ្ឌកម្មបន្ថែមទៀតដើម្បីដាក់លើបុគ្គលរុស្ស៊ី៤០នាក់ និងអង្គភាព៥ អ្នកមានកាតព្វកិច្ច និងអ្នកជិតស្និទ្ធជាមួយវិស័យការពារជាតិ។ ពួកគេទាំងអស់ជាប់ពាក់ព័ន្ធនឹងសង្គ្រាមរបស់លោកពូទីន»។
លោកនាយករដ្ឋមន្ត្រី Trudeau បានធ្វើដំណើរទស្សនកិច្ច ទៅកាន់ទីក្រុងតូច Irpin ដែលស្ថិតនៅជាយក្រុងកៀវ ជាសមរភូមិប្រយុទ្ធដ៏ខ្លាំងរវាងកម្លាំងទ័ពអ៊ុយក្រែន និងរុស្ស៊ី មុនពេលរុស្ស៊ីដកទ័ពចេញកាលពីចុងខែមីនា។
លោកបាននិយាយថា កាណាដាបានកំពុងបើកស្ថានទូតរបស់ខ្លួនឡើងវិញនៅទីក្រុងកៀវ។
កាណាដាក៏បានផ្តល់ថវិកាចំនួន២៥លានដុល្លារអាមេរិកដល់កម្មវិធីស្បៀងអាហារពិភពលោករបស់អង្គការសហប្រជាជាតិដែលជាផ្នែកមួយនៃកិច្ចខិតខំប្រឹងប្រែងក្នុងការរក្សាសុវត្ថិភាពម្ហូបអាហារ និងអាចដកពន្ធពាណិជ្ជកម្មលើការនាំចេញរបស់អ៊ុយក្រែនទាំងអស់ទៅកាណាដានាឆ្នាំក្រោយ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)