គ្រូពេទ្យអាមេរិកដួលសន្លប់ឈឹងក្រោយចាក់វ៉ាក់សាំងកូវីដ (មានវីដេអូ)

លោកស្រី Tiffany Dover ដែលជាគ្រូពេទ្យនៅមន្ទីរពេទ្យក្រុង Chattanooga រដ្ឋ Tennessee បានបង្កឲ្យមានការភ័យខ្លាចនៅពេលនាងដួលសន្លប់អំឡុងសន្និសីទសារព័ត៌មានមួយបន្ទាប់ពីនាងទទួលបានការចាក់វ៉ាក់សាំងការពារជំងឺកូវីដ១៩របស់ក្រុមហ៊ុន Pfizer-BioNTech។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាងកំពុងថ្លែងក្នុងសន្និសីទសារព័ត៌មាននៅមន្ទីរពេទ្យ CHI Memorial ក្នុងទីក្រុង Chattanooga នៃរដ្ឋ Tennessee ដោយនិយាយថា “អ្នកដឹងទេ បុគ្គលិករបស់ខ្ញុំទាំងអស់រំភើបណាស់ដែលបានទទួលវ៉ាក់សាំងនេះ។ យើងស្ថិតនៅក្នុងអង្គភាពប្រយុទ្ធប្រឆាំងនឹងកូវីដ ដូច្នេះអ្នកដឹងទេ ក្រុមរបស់ខ្ញុំនឹងទទួលបានឱកាសដំបូងដើម្បីចាក់វ៉ាក់សាំងនេះ”។

ក្នុងអំឡុងពេលថ្លែងជាមួយអ្នកសារព័ត៌មាន, Dover ចាប់ផ្តើមមានអារម្មណ៍មិនស្រួលខ្លួនហើយនិយាយថា “សូមទោសខ្ញុំមានអារម្មណ៍វិលមុខណាស់”។

នាងត្រូវបានគេឃើញដួលសន្លប់មុខកាមេរ៉ាហើយក្រុមអ្នកជំនាញវេជ្ជសាស្ត្របានមកជួយនាង។

យ៉ាងណាក្តី នាងបានជាធូរស្បើយវិញហើយ ហើយឥឡូវនេះមានអារម្មណ៍ធូរស្រាលច្រើន។ វីដេអូរបស់ Dover ឆ្លើយសំណួរអ្នកសារព័ត៌មានហើយដួលសន្លប់ កំពុងបង្កភាពល្បីល្បាញនៅលើបណ្តាញសង្គមនិងនាំឲ្យមានការសង្ស័យយ៉ាងខ្លាំងទាក់ទងនឹងសុវត្ថិភាពនិងប្រសិទ្ធភាពរបស់វ៉ាក់សាំងការពារជំងឺកូវីដ១៩៕

ប្រែសម្រួលដោយ៖ Vann Vann

ប្រភព៖ Business Today

ចុចអាន៖ WHO នឹងផ្គត់ផ្គង់វ៉ាក់សាំងកូវីដទ្វេដងដល់សកលលោក

ចុចអាន៖ អាល្លឺម៉ង់ក៏ចាក់វ៉ាក់សាំងកូវីដដល់ក្រុមមនុស្សប្រភេទនេះមុនគេដែរ