លោកខាងលិច សម្រេចមិនផ្តល់ យន្តហោះចម្បាំង និងរថក្រោះ ទៅឲ្យ អ៊ុយក្រែន (មានវីដេអូ)

ប្រធានាធិបតីបារាំងលោក Emmanuel Macron បាននិយាយកាលពីថ្ងៃព្រហស្បតិ៍ថា ប្រទេសលោកខាងលិចបានយល់ព្រមក្រៅផ្លូវការ ក្នុងការមិនផ្គត់ផ្គង់យន្តហោះចម្បាំង និងរថក្រោះដល់អ៊ុយក្រែន ដើម្បីចៀសវាងសង្គ្រាមជាមួយរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Macron, អធិការបតីអាល្លឺម៉ង់ Olaf Scholz និងនាយករដ្ឋមន្ត្រីអ៊ីតាលី Mario Draghi បានទៅដល់ប្រទេសអ៊ុយក្រែនកាលពីថ្ងៃព្រហស្បតិ៍ទី១៦ខែមិថុនា ដើម្បីជួបជាមួយប្រធានាធិបតីអ៊ុយក្រែន លោក Volodymyr Zelenskyy។

តាមការដកស្រង់ដោយទីភ្នាក់ងារសារព័ត៌មានអ៊ុយក្រែន Ukrinform, លោក Macron បានប្រាប់អ្នកយកព័ត៌មានថា “អ្នកកំពុងនិយាយអំពីកិច្ចព្រមព្រៀងក្រៅផ្លូវការមួយ ប៉ុន្តែវាស្ទើរតែជាជំហរផ្លូវការរបស់ដៃគូណាតូ។ យើងជួយអ៊ុយក្រែនការពារខ្លួន ប៉ុន្តែយើងមិនចូលទៅក្នុងសង្រ្គាមប្រឆាំងនឹងរុស្ស៊ីឡើយ។ ដូច្នេះ យើងសម្រេចមិនផ្គត់ផ្គង់អាវុធជាក់លាក់ ដូចជាអាវុធវាយប្រហារយន្តហោះ ឬរថក្រោះទេ ហើយប្រធានាធិបតី Zelenskyy បានដឹងអំពីកិច្ចព្រមព្រៀងនេះ”។

លោក Macron បានកត់សម្គាល់ថា ប្រទេសបារាំងបានបញ្ជូនកាំភ្លើងធំ CAESAR ចំនួន ១២ គ្រឿងទៅឲ្យប្រទេសអ៊ុយក្រែនរួចហើយ ខណៈលោក Zelenskyy បានស្នើសុំអាវុធនេះចំនួន ៦ គ្រឿងបន្ថែមទៀត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ វិមានក្រឹមឡាំង៖ ទំនាក់ទំនង រុស្ស៊ី-អាមេរិក ធ្លាក់ដល់ “ចំណុចសូន្យ” បាត់ទៅហើយ