ព័ត៌មានអន្ដរជាតិ
អាមេរិក ប្រាប់មូលហេតុ រុស្ស៊ី ដកទ័ពចេញពីកោះពស់
មន្ត្រីក្រសួងការពារជាតិអាមេរិកបាននិយាយកាលពីថ្ងៃសុក្រថា យោធារុស្ស៊ីបានសម្រេចចិត្តចាកចេញពីកោះពស់នៅក្នុងសមុទ្រខ្មៅ ដោយសារតែសម្ពាធដ៏ខ្លាំងក្លាដែលអនុវត្តដោយកងកម្លាំងអ៊ុយក្រែន ក៏ដូចជាការដាក់ពង្រាយមីស៊ីល Harpoon ដែលទើបត្រូវបានផ្គត់ផ្គង់ដល់ប្រទេសនេះ ។
ក្រុមមន្ត្រីបានថ្លែងនៅក្នុងសន្និសីទសារព័ត៌មានថា “វិធីដែលយើងមើលឃើញកងកម្លាំងរុស្ស៊ីចាកចេញពីកោះពស់គឺថា ទ័ពអ៊ុយក្រែនទទួលបានជោគជ័យយ៉ាងខ្លាំងក្លាក្នុងការដាក់សម្ពាធលើរុស្ស៊ី រួមទាំងការប្រើប្រាស់កាំជ្រួចមីស៊ីល Harpoon ដែលពួកគេទើបទទួលបានដើម្បីវាយប្រហារលើនាវាផ្គត់ផ្គង់រុស្ស៊ី” ។
ទន្ទឹមនោះមន្ត្រីរូបនេះក៏បានទទួលស្គាល់ដែរថា ទាហានរុស្ស៊ីដែលចាកចេញពីកោះពស់មិនមែនជាជ័យជម្នះសម្រាប់អ៊ុយក្រែននោះទេ ប៉ុន្តែធ្វើឲ្យងាយស្រួលក្នុងការការពារទីក្រុងកំពង់ផែ Odessa ពីការវាយប្រហារដែលអាចកើតមាន ក៏ដូចជាការបើកច្រករបៀងសមុទ្រជាដើម ។
កាលពីថ្ងៃព្រហស្បតិ៍ ក្រសួងការពារជាតិរុស្ស៊ីបាននិយាយថា កងកម្លាំងរបស់ខ្លួនបានចាកចេញពីកោះពស់ ដែលមានទីតាំងនៅសមុទ្រខ្មៅក្បែរទីក្រុង Odessa ។
ស្របពេលជាមួយគ្នានេះ ក្រសួងបានហៅការដកទ័ពនេះថាជា “កាយវិការសុច្ឆន្ទៈ” ដើម្បីបង្ហាញសហគមន៍ពិភពលោកថា រុស្ស៊ីមិនជ្រៀតជ្រែកជាមួយកិច្ចខិតខំប្រឹងប្រែងរបស់អង្គការសហប្រជាជាតិក្នុងការរៀបចំច្រករបៀងមនុស្សធម៌សម្រាប់ការនាំចេញគ្រាប់ធញ្ញជាតិពីអ៊ុយក្រែននោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ី បាញ់មីស៊ីលកម្ទេចទីតាំង ២ កន្លែងនៅភាគខាងត្បូង អ៊ុយក្រែន ស្លាប់ និងរបួសរាប់សិបនាក់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ