Connect with us

ព័ត៌មានអន្ដរជាតិ

លោក Biden នឹងជួបស្ដេច អារ៉ាប៊ីសាអូឌីត និយាយរឿងសំខាន់បំផុតមួយ

បានផុស

នៅ

លោក John Kirby អ្នកសម្របសម្រួលក្រុមប្រឹក្សាសន្តិសុខជាតិសម្រាប់ទំនាក់ទំនងជាយុទ្ធសាស្ត្រអាមេរិកបាននិយាយកាលពីថ្ងៃអាទិត្យថា លោកប្រធានាធិបតី Joe Biden គ្រោងនឹងជួបប្រជុំទ្វេភាគីដាច់ដោយឡែកជាមួយស្តេចអារ៉ាប៊ីសាអូឌីត Salman bin Abdulaziz Al Saud ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះលោក Biden ក៏នឹងជួបជាមួយរាជទាយាទអារ៉ាប៊ីសាអូឌីត Mohammed bin Salman ផងដែរដើម្បីពិភាក្សាអំពីបញ្ហាសន្តិសុខថាមពល ក្នុងអំឡុងពេលដំណើរទស្សនកិច្ចនាពេលខាងមុខរបស់លោក Biden ទៅកាន់មជ្ឈិមបូព៌ា ។

បើតាមលោក Kirby បាននិយាយនៅលើកញ្ចក់ទូរទស្សន៍ Fox News ថា លោក Biden នឹងមានកិច្ចប្រជុំទ្វេភាគីជាមួយស្តេចអារ៉ាប៊ីសាអូឌីតទាំងពីរអង្គនេះ ហើយបញ្ហាថាមពលឧស្ម័នគឺជារឿងសំខាន់បំផុតក្នុងរបៀបវារៈនេះ ។

ចំណែកបញ្ហាផ្សេងទៀតនៅលើរបៀបវារៈរបស់លោក Biden ភាគច្រើនទំនងជាភេរវកម្ម ការប្រែប្រួលអាកាសធាតុ និងស្ថានភាពនៅក្នុងប្រទេសយេម៉ែនដែលអរិភាពនៅតែបន្ត ។

រឿងនេះកើតឡើង ស្របពេលដែលសេតវិមានបាននិយាយកាលពីពាក់កណ្តាលខែមិថុនាថា លោក Biden នឹងរៀបចំកិច្ចប្រជុំទ្វេភាគីជាមួយព្រះអង្គម្ចាស់អារ៉ាប៊ីសាអូឌីត និងក្រុមដឹកនាំរបស់ព្រះអង្គម្ចាស់ Salman ក្នុងអំឡុងពេលកិច្ចប្រជុំក្រុមប្រឹក្សាសហប្រតិបត្តិការឈូងសមុទ្រនៅទីក្រុង Jeddah ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ប្រាប់មូលហេតុ រុស្ស៊ី ដកទ័ពចេញពីកោះពស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម