បាញ់ប្រហារថ្មីទៀតនៅអាមេរិក ស្លាប់ ៤នាក់ របួស ៣នាក់ (មានវីដេអូ)

មនុស្សចំនួន៤នាក់ត្រូវបានសម្លាប់ រួមទាំងអ្នកបាញ់ប្រហារផងដែរ ខណៈ៣នាក់ផ្សេងទៀត រងរបួស នៅក្នុងការបាញ់ប្រហារកាលពីរសៀលថ្ងៃអាទិត្យ នាជាយក្រុង Indianapolis។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារនេះ កើតឡើងនៅហាងលក់ទំនិញ Greenwood Park Mall។

យោងតាមលោក James Ison មេប៉ូលិសតំបន់ Greenwood, ខ្មាន់កាំភ្លើងត្រូវបានបាញ់សម្លាប់ដោយ បុរសម្នាក់ ដែលឃើញការវាយប្រហារនេះ។ បុរស​រូប​នោះ​ បាន​ប្រើ​កាំភ្លើងខ្លី ​បាញ់​សម្លាប់​ជន​ដៃដល់​។

ស្របពេលជាមួយគ្នានោះ ប៉ូលិសជឿថា ជនសង្ស័យធ្វើសកម្មភាពតែម្នាក់ឯងទេ។

លោក Ison និយាយថា ជនសង្ស័យមានកាំភ្លើងវែងមួយដើម និងមានបុងគ្រាប់កាំភ្លើង ជាច្រើន នៅពេលគាត់ចាប់ផ្តើមបើកការបាញ់ប្រហារ។

អាជ្ញាធរកំពុងឆែកឆេរហាងលក់ទំនិញ រកជនរងគ្រោះផ្សេងទៀត។

ក្រុមមន្ត្រីក៏បាននិយាយផងដែរថា កាបូបស្ពាយគួរឲ្យសង្ស័យមួយ ត្រូវបានរកឃើញនៅក្នុងបន្ទប់ទឹក ជិតកន្លែងបាញ់ប្រហារ។​ ក្រុមដោះគ្រាប់បែកកំពុងធ្វើការពិនិត្យ។

មូលហេតុនៃការបាញ់ប្រហារ​ មិនទាន់ត្រូវបានគេបង្ហាញទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាមេរិក មានការបាញ់សម្លាប់មនុស្សជាង ៧០០នាក់ ត្រឹម២សប្តាហ៍ ក្រោយហេតុការណ៍នៅ តិចសាស់