ព័ត៌មានអន្ដរជាតិ

អាមេរិក បញ្ជូនប្រព័ន្ធរ៉ុកកែត HIMARS បន្ថែមទៀតឲ្យ អ៊ុយក្រែន

បានផុស

២ ខែ មុន

នៅ

ថ្ងៃព្រហស្បតិ៍ ២១ កក្កដា ២០២២

ដោយ

រដ្ឋមន្ត្រីការពារជាតិអាមេរិកលោក Lloyd Austin បាននិយាយថា សហរដ្ឋអាមេរិកនឹងបញ្ជូនប្រព័ន្ធរ៉ុកកែតកាំភ្លើងធំចល័តខ្ពស់ HIMARS ទៅឲ្យរដ្ឋាភិបាលទីក្រុងកៀវចំនួន ៤ គ្រឿងបន្ថែមទៀត ស្របពេលដែលយោធារុស្ស៊ីកំពុងបង្កើនការវាយលុកទៅលើប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Austin បាននិយាយនៅក្នុងកិច្ចប្រជុំតាមអ៊ីនធឺណិតកាលពីថ្ងៃពុធថា “បច្ចុប្បន្នអ៊ុយក្រែនកំពុងជួបដំណាក់កាលដ៏លំបាកក្នុងជម្លោះ ដូច្នេះហើយការគាំទ្ររួម ក៏ដូចជាការផ្ដល់អាវុធរបស់យើងសម្រាប់អ៊ុយក្រែនគឺសំខាន់ និងបន្ទាន់” ។

ទន្ទឹមនោះប្រធានាធិបតីអ៊ុយក្រែនលោក Volodymyr Zelensky ក៏បានស្វាគមន៍សម្រាប់ជំនួយយោធាបន្ថែមនេះផងដែរ និងបាននិយាយនៅក្នុងវីដេអូដូមួយកាលពីថ្ងៃពុធថា “វាគឺជារឿងចាំបាច់ក្នុងការបង្កើនការផ្គត់ផ្គង់អាវុធទំនើបដល់អ៊ុយក្រែន ដើម្បីផ្តល់ឲ្យរដ្ឋរបស់យើងនូវការការពារដែនអាកាសប្រកបដោយប្រសិទ្ធភាព” ។

គួរបញ្ជាក់ថា កន្លងមកអាមេរិកបានផ្គត់ផ្គង់ប្រព័ន្ធកាំភ្លើងធំចល័តខ្ពស់ HIMARS ចំនួន ១២ គ្រឿងរួចហើយទៅឲ្យប្រទេសអ៊ុយក្រែន ខណៈកងកម្លាំងអ៊ុយក្រែនក៏កំពុងប្រើប្រាស់អាវុធទាំងនេះដើម្បីវាយប្រហារប៉ុស្តិ៍បញ្ជាការរុស្ស៊ី និងគោលដៅយោធាផ្សេងទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ចិន ផ្លែផ្កាឲ្យ អាមេរិក ថា សង្គ្រាមត្រជាក់ថ្មីនឹងមិនមានប្រទេសណាឈ្នះឡើយ