ព័ត៌មានអន្ដរជាតិ
លោក ពូទីន ថា សហរដ្ឋអាមេរិក គឺជាការគំរាមកំហែងដ៏ធំចំពោះ រុស្ស៊ី (មានវីដេអូ)
លោកប្រធានាធិបតី វ្ល៉ាឌីមៀរ ពូទីន កាលពីថ្ងៃអាទិត្យទី៣១ខែកក្កដា បានចុះហត្ថលេខាលើគោលការណ៍កងទ័ពជើងទឹកថ្មីមួយ ដែលចាត់ទុកសហរដ្ឋអាមេរិក ជាគូប្រជែងដ៏ធំរបស់រុស្ស៊ី និងកំណត់មហិច្ឆតាដែនសមុទ្រជាសកលរបស់រុស្ស៊ី សម្រាប់តំបន់សំខាន់ៗដូចជា អាកទិក និងសមុទ្រខ្មៅ។
ថ្លែងក្នុងទិវាកងទ័ពជើងទឹករុស្ស៊ីនៅអតីតរដ្ឋធានី St Petersburg ដែលបង្កើតឡើងដោយអធិរាជ Peter the Great, លោក ពូទីន បានសរសើរ Peter ដែលធ្វើឲ្យរុស្ស៊ីក្លាយជាមហាអំណាចសមុទ្រ និងបង្កើនឋានៈជាសកលនៃរដ្ឋរុស្ស៊ី។
បន្ទាប់ពីត្រួតពិនិត្យកងទ័ពជើងទឹករួច លោកពូទីនបានថ្លែងសុន្ទរកថាខ្លីមួយ ដែលក្នុងនោះ លោកអួតអាងអំពីមីស៊ីល Zircon ដ៏ពិសេសរបស់រុស្ស៊ី ហើយព្រមានថា រុស្ស៊ីមានកម្លាំងយោធាអាចកម្ចាត់រាល់អ្នកឈ្លានពានដែលមានសក្តានុពល។
មិនយូរប៉ុន្មានមុនពេលថ្លែងសុន្ទរកថា លោកបានចុះហត្ថលេខាលើគោលការណ៍កងទ័ពជើងទឹកថ្មីកម្រាស់៥៥ទំព័រ ដែលកំណត់គោលដៅជាយុទ្ធសាស្ត្រទូលំទូលាយរបស់កងទ័ពជើងទឹករុស្ស៊ី រួមទាំងមហិច្ឆតាក្លាយជា “មហាអំណាចដែនសមុទ្រ” ដែលលាតសន្ធឹងលើពិភពលោកទាំងមូលផងដែរ។
គោលការណ៍នោះនិយាយថា ការគំរាមកំហែងចម្បងចំពោះរុស្ស៊ីគឺ គោលនយោបាយយុទ្ធសាស្ត្ររបស់សហរដ្ឋអាមេរិក ក្នុងការគ្រប់គ្រងមហាសមុទ្រពិភពលោក និងចលនានៃសម្ព័ន្ធមិត្តយោធាណាតូកាន់តែខិតទៅជិតព្រំដែនរបស់រុស្ស៊ី។
រុស្ស៊ី អាចប្រើប្រាស់កម្លាំងយោធារបស់ខ្លួនឲ្យសមស្របទៅនឹងស្ថានភាពនៅក្នុងមហាសមុទ្រពិភពលោក។ គោលការណ៍នេះទទួលស្គាល់ថា រុស្ស៊ីមិនមានមូលដ្ឋានទ័ពជើងទឹកគ្រប់គ្រាន់នៅទូទាំងពិភពលោក នោះទេ។
គួរបញ្ជាក់ថា ទំនាក់ទំនងរវាងរុស្ស៊ី និងលោកខាងលិច បានឆ្លងកាត់ភាពតានតឹងកាន់តែខ្លាំងក្នុងអំឡុងពេលប្រាំខែនៃជម្លោះអ៊ុយក្រែន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ អង់គ្លេស ថា លោក Putin កំពុងងាកទៅរកផែនការ D ក្នុងសង្គ្រាមអ៊ុយក្រែន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»