ព័ត៌មានអន្ដរជាតិ
បាតុភូតចម្លែកៗកើតឡើងនៅអង់គ្លេស ក្រោយម្ចាស់ក្សត្រិយានី Elizabeth ទី២ សោយទិវង្គត បានត្រឹម១ម៉ោង
ស្ត្រីជនជាតិអង់គ្លេសម្នាក់ បានចែករំលែករូបភាពនៃពពក ដែលស្រដៀងនឹងព្រះមហាក្សត្រិយានី Elizabeth ទី២ អណ្តែតលើទីក្រុងអង់គ្លេសមួយ ដោយរូបនេះ ត្រូវថតជាប់ក្នុងរយៈពេលត្រឹមតែមួយម៉ោងប៉ុណ្ណោះ បន្ទាប់ពីព្រះនាង សោយទិវង្គត។
លោកស្រី Leanne Bethell ដែលរស់នៅក្នុងទីក្រុង Telford នៃប្រទេសអង់គ្លេស បានចែករំលែកបាតុភូតនេះនៅលើ Facebook ដោយបង្ហាញថា រូបនេះមើលទៅស្រដៀងនឹងព្រះមហាក្សត្រិយានីដែលពាក់មួក របស់ព្រះនាងខ្លាំងណាស់។
ស្របពេលជាមួយគ្នានោះ មានអ្នកលេង Facebook ម្នាក់ចូល Comment ថា “អ្វីដែលខ្ញុំដឹងគឺថា ព្រះមហាក្សត្រិយានីបានលះបង់ជីវិត ដើម្បីយើងដោយសេចក្តីគោរពបំផុត។ សូមយាងទៅកាន់ទីបរមសុខព្រះនាង Elizabeth ទី២”។
អ្នក Comment មួយទៀតបានសរសេរថា “ព្រះនាង Elizabeth តែងតែមើលថែយើង នៅខាងលើ”។
ចំណែកបាតុភូតមួយទៀតគឺ ឥន្ទធនូពីរតង់ ក៏បានលេចចេញមកលើព្រះរាជវាំង Buckingham ផងដែរ ដោយមនុស្សជាច្រើននិយាយថា ព្រះមហាក្សត្រិយានី បានផ្ញើសញ្ញាមួយមកយើងនោះជាសញ្ញាថា ព្រះនាងពិតជាបានចាកចេញពីយើងមែនហើយ។
គួរបញ្ជាក់ថា អ្នកនាំពាក្យព្រះបរមរាជវាំង Buckingham បានចេញសេចក្តីថ្លែងការណ៍មួយ ដែលបញ្ជាក់ពីការសោយទិវង្គតរបស់ព្រះនាង។
ឥឡូវនេះ ចក្រភពអង់គ្លេស និងអាណាចក្រ Commonwealth ត្រូវកាន់ទុក្ខរយៈពេល១០ថ្ងៃ។ ពិធីបុណ្យសពថ្នាក់រដ្ឋ ត្រូវបានគេរំពឹងថានឹងធ្វើឡើងនៅព្រះវិហារ Westminster Abbey កណ្តាលទីក្រុងឡុងដ៍នៅថ្ងៃចន្ទ ទី១៩ខែកញ្ញា ដែលនឹងមានការចូលរួមដោយខ្សែរាជវង្សរបស់ព្រះនាង ព្រមទាំងប្រមុខរដ្ឋ នាយករដ្ឋមន្ត្រី ប្រធានាធិបតី រាជវង្សអឺរ៉ុប និងឥស្សរជនសំខាន់ៗប្រមាណ ២០០០ អង្គ/នាក់ មកពីជុំវិញពិភពលោក៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ព្រះរាជជីវប្រវត្តិម្ចាស់ក្សត្រិយានី Elizabeth ទី២, ព្រះមហាក្សត្រគ្រងរាជ្យយូរបំផុតរបស់ ចក្រភពអង់គ្លេស
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore