រញ្ជួយដីខ្លាំងក្លា វាយប្រហារប្រទេសម៉ិកស៊ិក ចំខួបនៃគ្រោះមហន្តរាយ ដែលសម្លាប់មនុស្ស ១ម៉ឺននាក់

គ្រោះរញ្ជួយដីកម្រិត ៧.៤ រ៉ិចទ័រ ត្រូវបានគេរាយការណ៍នៅឆ្នេរសមុទ្រប៉ាស៊ីហ្វិករបស់ប្រទេសម៉ិកស៊ិកកាលពីរសៀលថ្ងៃចន្ទ ដោយបង្កឲ្យមានការជម្លៀសមនុស្ស ការពារគ្រោះថ្នាក់ដែលអាចបង្កឡើងដោយរលកយក្សស៊ូណាមិ។

គ្រោះរញ្ជួយដីនេះ ត្រូវបានគេរាយការណ៍ថា ស្ថិតនៅចម្ងាយ ៦៣គីឡូម៉ែត្រ ភាគខាងត្បូងក្រុង Coalcomán de Vázquez Pallares នៃរដ្ឋ Michoacán។

យោងតាមក្រុមស្ទាបស្ទង់ភូមិសាស្ត្រអាមេរិក (USGS), ការរញ្ជួយខ្លាំងបំផុត ត្រូវបានរាយការណ៍នៅក្នុងទីក្រុង Calimo ដែលមានចម្ងាយប្រហែល ១៨៥គីឡូម៉ែត្រភាគខាងជើង ចំណុចកណ្តាលនៃការរញ្ជួយ។

រូបភាពនិង​វីដេអូ នៅលើបណ្តាញសង្គម បាន​បង្ហាញ​ពី​ការ​បាក់​រលំ​នៃ​ផ្សារ​ទំនើប Punto Bahia ក្នុងទី​ក្រុង Manzanillo នៃរដ្ឋ Colima។

ការរញ្ជួយដីនេះ បានវាយប្រហារចំខួបនៃការរញ្ជួយដីដ៏សាហាវចំនួនពីរផ្សេងទៀតក្នុងប្រទេសម៉ិកស៊ិក៖ មួយនៅឆ្នាំ ១៩៨៥ ដែលបានសម្លាប់មនុស្ស ១០០០០ នាក់ និងមួយទៀតនៅឆ្នាំ ២០១៧ ដែលបានសម្លាប់មនុស្ស ៣៦០នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ តៃវ៉ាន់ ចេញការព្រមានរលកយក្សស៊ូណាមិ ខណៈជួបគ្រោះរញ្ជួយដីកម្រិត ៦.៩ រ៉ិចទ័រ