EU ពន្យារពេលអនុម័តវ៉ាក់សាំងកូវីដរបស់ក្រុមហ៊ុន AstraZeneca

អាជ្ញាធរឱសថអឺរ៉ុបបាននិយាយថា ខ្លួនទំនងជានឹងមិនអនុម័តវ៉ាក់សាំងដែលត្រូវបានបង្កើតឡើងដោយក្រុមហ៊ុនអង់គ្លេស AstraZeneca នៅក្នុងខែមករានោះទេ ព្រោះក្រុមហ៊ុនមិនទាន់បានដាក់ពាក្យសុំទៅស្ថាប័ននិយតករនៅឡើយទេ ។

ថ្លែងទៅកាន់កាសែតប៊ែលហ្សិក Het Nieuwsblad កាលពីថ្ងៃអង្គារ អនុប្រធានប្រតិបត្តិលោក Noel Wathion នៃទីភ្នាក់ងារឱសថអឺរ៉ុប (EMA) បាននិយាយថា ជនជាតិអឺរ៉ុបប្រហែលជាត្រូវរង់ចាំមួយរយៈ មុនពេលអាចទទួលបានការចាក់វ៉ាក់សាំងកូវីដរបស់ក្រុមហ៊ុន AstraZeneca ។

លោក Wathion បានបញ្ជាក់ថា “ពួកគេមិនទាន់បានដាក់ពាក្យសុំជាមួយយើងនៅឡើយទេ ហើយពួកគេទើបតែទទួលបានព័ត៌មានអំពីវ៉ាក់សាំងនេះប៉ុណ្ណោះ ។ យើងត្រូវការទិន្នន័យបន្ថែមអំពីគុណភាពនៃវ៉ាក់សាំង ហើយបន្ទាប់ពីនោះក្រុមហ៊ុនត្រូវដាក់ពាក្យសុំជាផ្លូវការ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wathion បានអះអាងថា វាមិនទាន់អាចទទួលយកបានទេសម្រាប់វ៉ាក់សាំងនេះដើម្បីទទួលបានការយល់ព្រមពី EMA នៅក្នុងខែមករា ។

ការអនុម័តលើការចាក់វ៉ាកសាំងរបស់ក្រុមហ៊ុន AstraZeneca ត្រូវបានគេរំពឹងថានឹងកើតឡើងនៅសប្តាហ៍នេះនៅក្នុងប្រទេសអង់គ្លេស ខណៈចក្រភពអង់គ្លេសត្រៀមបង្កើនការប្រើប្រាស់ និងចាក់វ៉ាក់សាំងនេះ ខណៈក្រុមហ៊ុនបានបញ្ជូនកញ្ចប់ទិន្នន័យពេញលេញអំពីវ៉ាក់សាំងរបស់ខ្លួនទៅនិយតករថ្នាំអង់គ្លេសរួចរាល់ហើយ ។

ទន្ទឹមនោះការចាក់វ៉ាក់សាំងកូវីដរបស់ក្រុមហ៊ុនអាមេរិក Pfizer បានចាប់ផ្តើមពាសពេញសហគមន៍អ៊ឺរ៉ុបកាលពីថ្ងៃអាទិត្យប្រមាណជា ៣ សប្តាហ៍ បន្ទាប់ពីចក្រភពអង់គ្លេសបានចាប់ផ្តើមកម្មវិធីចាក់ថ្នាំបង្ការកាលពីដើមខែនេះ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ Breaking News! សិង្ហបុរីចាប់ផ្តើមចាក់វ៉ាក់សាំងកូវីដ ហើយ

ចុចអាន ៖ ពេទ្យស្រីម្នាក់ត្រូវផ្អាកការងារដោយសាររួមសិចជាមួយអ្នកជំងឺកូវីដក្នុងបន្ទប់ទឹក