លោក បៃដិន ជួបរឿងអាម៉ាស់ទៀតហើយ ពេលនិយាយឈ្មោះ នាយករដ្ឋមន្ត្រីអង់គ្លេស

ប្រធានាធិបតីអាមេរិក លោក ចូ​ បៃដិន កាលពីថ្ងៃចន្ទទី២៤ខែតុលា បានសាទរ ចំពោះការតែងតាំងនាយករដ្ឋមន្ត្រីមិនមែនស្បែកសដំបូងគេរបស់ចក្រភពអង់គ្លេសថាជា “ព្រឹត្តិការណ៍ដ៏សំខាន់” ប៉ុន្តែបែរជាអានឈ្មោះរបស់គាត់មិនត្រូវទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងព្រឹត្តិការណ៍សេតវិមានដើម្បីប្រារព្ធពិធីបុណ្យ Diwali របស់ឥណ្ឌា, នៅពេលនោះ លោក បៃដិន បាននិយាយថា លោក រីស៊ី ស៊ូណាក់ ដែលមានដើមកំណើតឥណ្ឌា ត្រូវបានគេរំពឹងថា នឹងតែងតាំងជានាយករដ្ឋមន្ត្រីបន្ទាប់ពីបានជួបស្តេច Charles។

ប៉ុន្តែលោកប្រធានាធិបតី ហាក់ដូចជាភាន់ភាំងអំពីឈ្មោះរបស់លោក​ ស៊ូណាក់ ដោយព្យាយាមនិយាយជាច្រើនដង មុនពេលហៅគាត់ថា “រ៉ាស៊ី សាណូក” វិញ។ បន្ទាប់ពីនោះ មនុស្សជាច្រើន បានបង្ហាញក្តីព្រួយបារម្ភ អំពីការធ្លាក់ចុះនូវសុខភាពផ្លូវចិត្ត របស់លោក បៃដិន។

គួរបញ្ជាក់ថា លោក រីស៊ី ស៊ូណាក់ គឺជាមេដឹកនាំដើមកំណើតឥណ្ឌាដំបូងគេ ដែលឡើងកាន់តំណែងជានាយករដ្ឋមន្ត្រីរបស់ អង់គ្លេស។

បុរសអាយុ៤២ឆ្នាំរូបនេះ គឺជា​កូន​ចៅ​ជនអន្តោប្រវេសន៍ហិណ្ឌូ​ ដែល​មានទ្រព្យសម្បត្តិ​ស្តុកស្តម្ភ​មកពី​ប្រទេស​ឥណ្ឌា និង​អាហ្វ្រិក​ខាង​កើត។ លោក ស៊ូណាក់ ក៏​បំបែកប្រវត្តិសាស្រ្ត ជានាយករដ្ឋមន្ត្រី​ក្មេង​ជាង​គេ​បំផុតរបស់អង់គ្លេស​ក្នុង​រយៈពេល​ជាង២០០ឆ្នាំ និងជាអ្នកកាន់សាសនាហិណ្ឌូដំបូងគេ ដែលគ្រងតំណែងនេះនៅអង់គ្លេសផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក ចូ បៃដិន ជួបរឿងអាម៉ាស់នៅលើឆាក ក្រោយថ្លែងសុន្ទរកថា