ព័ត៌មានអន្ដរជាតិ
លោក Biden ថា មីស៊ីល ដែលវាយប្រហារប៉ូឡូញ មិនទំនងជាបាញ់ចេញពី រុស្ស៊ី ទេ (មានវីដេអូ)
លោក Joe Biden បានដាក់ការសង្ស័យលើប្រភពដើមនៃមីស៊ីល ដែលបានវាយប្រហារប្រទេសប៉ូឡូញ និងបានសម្លាប់មនុស្សពីរនាក់កាលពីល្ងាចថ្ងៃអង្គារទី១៥ខែវិច្ឆិកា ដោយនិយាយថា វាមិនទំនងជាបាញ់ចេញពីប្រទេសរុស្ស៊ីនោះទេ។
ប្រធានាធិបតីអាមេរិកបានថ្លែងបែបនេះ បន្ទាប់ពីកិច្ចប្រជុំជាមួយមេដឹកនាំ G7 និង ណាតូ ដើម្បីពិភាក្សាអំពីឧបទ្ទវហេតុនៅក្នុងទីក្រុង Przewodow ជិតព្រំដែនប្រទេសប៉ូឡូញ ជាប់អ៊ុយក្រែន។
អាជ្ញាធរអ៊ុយក្រែន និងប៉ូឡូញនិយាយថា ការផ្ទុះនេះគឺបណ្តាលមកពីមីស៊ីលផលិតដោយរុស្ស៊ី ប៉ុន្តែលោក Biden ហាក់ដូចជាបង្ហាញថា មីស៊ីលនេះ ប្រហែលជាមិនមែនបាញ់ចេញពីប្រទេសរុស្ស៊ីនោះទេ។
លោកនិយាយថា “មានព័ត៌មានបឋមដែលយល់ច្រឡំចំពោះរឿងនេះ។ ខ្ញុំមិនចង់និយាយដូច្នេះទេ រហូតដល់យើងស៊ើបអង្កេតវាទាំងស្រុង ប៉ុន្តែបើមើលទៅតាមគន្លង មីស៊ីលនេះមិនទំនង ត្រូវបានបាញ់ចេញពីប្រទេសរុស្ស៊ីឡើយ ប៉ុន្តែយើងនឹងរង់ចាំមើល”។
មីស៊ីលនេះ បង្កឲ្យមានការជជែកគ្នាគួរឲ្យព្រួយបារម្ភអំពីមាត្រា៥ របស់អង្គការណាតូ ដែលមានចែងថា ការវាយប្រហារលើប្រទេសសមាជិកមួយ ត្រូវបានគេមើលឃើញថាជាការវាយប្រហារលើសម្ព័ន្ធមិត្តទាំងមូល។
ទោះបីជាយ៉ាងណាក៏ដោយ ប្រទេសរុស្ស៊ី បានបដិសេធការជាប់ពាក់ព័ន្ធណាមួយនៅក្នុងការវាយប្រហារមីស៊ីលនៅប៉ូឡូញ ដោយនិយាយថា របាយការណ៍បែបនេះ គឺជាការបង្កហេតុដោយចេតនា បំណងធ្វើឲ្យស្ថានការណ៍កាន់តែតានតឹង។
សមាជិកណាតូមួយចំនួន បានបង្ហោះ Twitter ដើម្បីបង្ហាញពីការគាំទ្ររបស់ពួកគេចំពោះប្រទេសប៉ូឡូញ រួមទាំងនាយករដ្ឋមន្ត្រីអង់គ្លេសលោក Rishi Sunak ផងដែរ ដែលបានរំលឹកឡើងវិញនូវសាមគ្គីភាពរបស់ចក្រភពអង់គ្លេសជាមួយប៉ូឡូញ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ SKY
ចុចអាន៖ លោក Biden ហៅមេដឹកនាំពិភពលោក មកប្រជុំបន្ទាន់ បន្ទាប់ពីមីស៊ីល ធ្លាក់នៅប៉ូឡូញ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង