ភរិយាលោក Trump កំពុងបាត់ខ្លួនយ៉ាងអាថ៌កំបាំង

ជំទាវទីមួយ Melania Trump បានបាត់ខ្លួនពីក្រសែភ្នែកសាធារណជនបន្ទាប់ពីកុបកម្មដ៏ធំនៅវិមាន Capitol ហើយលោកស្រីមិនត្រូវបានគេឮដំណឹងសោះ ចាប់តាំងពីថ្ងៃចូលឆ្នាំថ្មីមក។

មនុស្ស៥នាក់បានស្លាប់ចាប់តាំងពីអ្នកគាំទ្រលោក Donald Trump អុកឡុកអគារព្រឹទ្ធសភាអាមេរិកក្នុងទីក្រុង វ៉ាស៊ីនតោន ឌីស៊ី កាលពីថ្ងៃពុធទី៦ខែមករា។

ស្ត្រីម្នាក់ត្រូវបានបាញ់សម្លាប់ក្នុងកុបកម្មនេះ ខណៈសមាជិកកងកម្លាំងឆ្មាំជាតិអាមេរិកជាង១,០០០នាក់ ត្រូវបានដាក់ពង្រាយនៅតាមដងផ្លូវដើម្បីបញ្ចប់ភាពវឹកវរ។

ហើយលោកស្រី Melania Trump បានដកខ្លួនឆ្ងាយបន្ទាប់ពីព្រឹត្តិការណ៍ដ៏អាក្រក់នេះ។ លោកស្រីមិនបានបង្ហោះ Twitter អ្វីសោះចាប់តាំងពីថ្ងៃទី១ខែមករាមក ហើយមិនបានបង្ហោះ Instagram ទេចាប់តាំងពីថ្ងៃបុណ្យណូអែល។

Twitter ចុងក្រោយរបស់លោកស្រីដែលបានបង្ហោះនៅថ្ងៃចូលឆ្នាំថ្មីបានសរសេរថា “ជូនពរអ្នករាល់គ្នា #HappyNewYear!។ សូមឲ្យឆ្នាំ២០២១ ពោរពេញដោយពរជ័យ ភាពរីករាយ សុខភាពល្អនិងសន្តិភាពពេញមួយឆ្នាំ!”។

លោកស្រី Melania បានអវត្តមានពីពិធីជប់លៀងដ៏ចម្រូងចម្រាស មុនពេលមានកុបកម្មនៅវិមានកាពីតូលដោយអ្នកគាំទ្រលោក Trump។

លោកស្រី Melania ត្រូវបានគេឃើញចុងក្រោយ នៅពេលវិលត្រឡប់មកកាន់សេតវិមានតាមឧទ្ធម្ភាគចក្រនៅថ្ងៃចូលឆ្នាំសកល បន្ទាប់ពីចំណាយពេលវិស្សមកាលក្នុងរដ្ឋ Florida។

ក្រោយពេលចុះពីឧទ្ធម្ភាគចក្រ លោកស្រី Melania Trump បានបក់ដៃមួយភ្លែតហើយបន្ទាប់មក បានបាត់ខ្លួននៅខាងក្នុងអគារ។

គ្រប់គ្នាបានបង្ហោះ Twitter សួរថាតើ Melania បាត់ទៅទីណា។ មនុស្សម្នាក់សរសេរថា “តើ Melania នៅកន្លែងណា?។ នាងនៅតែបាត់ខ្លួន?”៕

ប្រែសម្រួលដោយ៖ Vann Vann

ប្រភព៖ Daily Star