រថភ្លើងល្បឿនលឿនឡាវ-ចិន ត្រូវភ្ញៀវទេសចរសម្រុកជិះកាន់តែច្រើន

ប្រភពព័ត៌មានបានឲ្យដឹងថា ក្នុងរយៈពេល ២-៣ សប្តាហ៍កន្លងមកនេះ ផ្លូវរថភ្លើង ឡាវ-ចិន មានភាពកកកុញមមាញឹកយ៉ាងខ្លាំងជាមួយនឹងអ្នកដំណើរក្នុងស្រុកនិងបរទេស ជាពិសេសស្ថានីយ៍រថភ្លើងបរតែន (Boten) ក្រុងហ្លួងប្រាបាង និងទីក្រុងវៀងច័ន្ទ បន្ទាប់ពីប្រទេសចិនបានប្រកាសបើកប្រទេសឡើងវិញជាផ្លូវការកាលពីថ្ងៃទី៨ ខែមករា ឆ្នាំ២០២៣ ខណៈដែលប្រជាជនឡាវទទូចឱ្យក្រុមហ៊ុនផ្លូវភ្លើង ឡាវ-ចិន បង្កើនចំនួនជើងធ្វើដំណើរតាមរថភ្លើងនេះបន្ថែមទៀត ដើម្បីឆ្លើយតបនឹងតម្រូវការចំនួនអ្នកដំណើរយ៉ាងច្រើនលើសលប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុគ្គលិកឡាវម្នាក់ដែលលក់សំបុត្ររថភ្លើង ឡាវ-ចិន ក្នុងស្ថានីយ៍ក្រុងវៀងច័ន្ទបាននិយាយថា មានអ្នកដំណើរច្រើនណាស់ ជាពិសេសបច្ចុប្បន្ននេះមានប្រជាជនឡាវប្រមាណ៦០% ជនជាតិថៃប្រមាណ១៥% ជនជាតិចិនប្រមាណ១៥% និងជនជាតិអឺរ៉ុបផងដែរ។ ជើងរថភ្លើងរាល់ថ្ងៃមិនគ្រប់គ្រាន់សម្រាប់អ្នកដំណើរនោះទេ ពីព្រោះអ្នកដំណើរច្រើនជាងជើងរថភ្លើង ជាពិសេសភ្ញៀវទេសចរចិនចូលមកច្រើនណាស់ក្នុងរយៈពេល ២-៣ សប្តាហ៍កន្លងមកនេះ៕

ប្រែសម្រួល៖ គង់ សំអាន

ប្រភព៖ RFA Lao

ចុចអាន៖ ស្ថានទូតអ៊ុយក្រែនប្រចាំប្រទេសថៃប្រារព្ធខួប១ឆ្នាំនៃសង្គ្រាមរវាងរុស្ស៊ី-អ៊ុយក្រែន