ព័ត៌មានអន្ដរជាតិ
ចិន បារម្ភអំពី គ្រោះមហន្តរាយនុយក្លេអ៊ែរ ក្រោយបាក់ទំនប់នៅ Kherson
ឯកអគ្គរដ្ឋទូតចិនប្រចាំអង្គការសហប្រជាជាតិ លោក Zhang Jun បានប្រាប់ក្រុមប្រឹក្សាសន្តិសុខនៅថ្ងៃពុធទី៧ខែមិថុនាថា ការបំផ្លិចបំផ្លាញទំនប់ Kakhovka តាមដងទន្លេ Dnipro អាចបង្កគ្រោះថ្នាក់ដល់រោងចក្រថាមពលនុយក្លេអ៊ែរ Zaporozhye ហើយទីក្រុងប៉េកាំង សូមជំរុញឲ្យអ៊ុយក្រែន និងរុស្ស៊ីត្រូវធានាថា រឿងនេះនឹងមិនកើតឡើងទេ។

លោក Zhang បានប្រាប់សម័យប្រជុំពិសេសរបស់ក្រុមប្រឹក្សាថា “យើងសូមបង្ហាញពីក្តីព្រួយបារម្ភយ៉ាងខ្លាំង ចំពោះការបំផ្លិចបំផ្លាញទំនប់នៅស្ថានីយវារីអគ្គិសនី Kakhovka”។
ដោយកត់សម្គាល់ថាអាងស្តុកទឹក Kakhovka គឺជាប្រភពទឹកដ៏សំខាន់សម្រាប់រោងចក្រថាមពលបរមាណូធំបំផុតរបស់អឺរ៉ុបនោះ, លោក Zhang បានគូសបញ្ជាក់ថា ទឹកនៅក្នុងអាងនេះនៅតែបន្តស្រកចុះ ហើយវាប្រហែលជាមិនអាចបន្តបូមចូលទៅកាន់រោងចក្រថាមពលនុយក្លេអ៊ែរ នាពេលអនាគតបានទេ”។
លោក Zhang និយាយ “ចិនសូមបញ្ជាក់ជាថ្មីថា ក្នុងករណីមានគ្រោះមហន្តរាយនុយក្លេអ៊ែរ គ្មាននរណាម្នាក់អាចស៊ូទ្រាំបានឡើយ។ យើងសូមអំពាវនាវឲ្យមានការអត់ធ្មត់ជាអតិបរមា ចៀសវាងពាក្យសម្ដីនិងទង្វើដែលអាចបង្កើនការប្រឈមមុខដាក់គ្នា និងនាំឲ្យមានការគណនាខុស និងត្រូវរក្សាសុវត្ថិភាពនិងសន្តិសុខ នៃរោងចក្រថាមពលនុយក្លេអ៊ែរ Zaporozhye”។

គួរបញ្ជាក់ជាថ្មី អ៊ុយក្រែនបានចោទរុស្ស៊ីថា ជាអ្នកបំផ្ទុះទំនប់ទឹកនិងបង្កការជន់លិចទីប្រជុំជន និងក្រុងនានាតាមដងទន្លេ រួមទាំងទីក្រុង Kherson ផងដែរ។
ទោះបីជាយ៉ាងណាក៏ដោយ ទីក្រុងមូស្គូបានចង្អុលទៅទីក្រុងកៀវ ដោយកត់សម្គាល់ថា អ៊ុយក្រែនបានវាយប្រហារទំនប់នេះនាពេលកន្លងមក ដោយប្រើគ្រាប់រ៉ុកកែត HIMARS ដែលផ្គត់ផ្គង់ដោយសហរដ្ឋអាមេរិក ហើយបានទម្លាយទឹកចេញពីអាង មុនពេលបាក់ទំនប់ Kakhovka៕
ប្រែសម្រួល៖ Vann Vann
ប្រភព៖ RT
ចុចអាន៖ មនុស្សរាប់ម៉ឺននាក់ត្រូវជម្លៀស បន្ទាប់ពីបាក់ទំនប់វារីអគ្គិសនីនៅ Kherson
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ