វ៉ាក់សាំងថ្មីមួយប្រភេទ មានប្រសិទ្ធភាពប្រឆាំងវីរុសបម្លែងខ្លួនដល់ទៅ៨៩ភាគរយ

វ៉ាក់សាំងការពារវីរុសកូរ៉ូណាថ្មីបានបង្ហាញប្រសិទ្ធភាពរហូតដល់ទៅ ៨៩,៣ភាគរយក្នុងការសាកល្បងខ្នាតធំនៅចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងនេះត្រូវបានធ្វើតេស្តលើមនុស្សជាង១៥,០០០នាក់ ដែលមានអាយុចន្លោះ១៨ដល់៨៤ឆ្នាំ។

អ្នកជំនាញផ្នែកវេជ្ជសាស្ត្ររបស់ទូរទស្សន៍ BBC លោក Fergus Walsh បាននិយាយថា វ៉ាក់សាំង Novavax គឺជាវ៉ាក់សាំងដំបូងគេបង្អស់ដែលបង្ហាញ ប្រសិទ្ធភាពប្រឆាំងនឹងវីរុសបម្លែងខ្លួនប្រភេទថ្មីដែលត្រូវបានគេរកឃើញនៅក្នុងចក្រភពអង់គ្លេស។

លោកនាយករដ្ឋមន្រ្តីបានស្វាគមន៍ចំពោះ “ដំណឹងល្អ” នេះហើយនិយាយថា និយតករឱសថរបស់ចក្រភពអង់គ្លេសនឹងវាយតម្លៃវ៉ាក់សាំងនេះ។

ចក្រភពអង់គ្លេសធានាទិញវ៉ាក់សាំងនេះចំនួន៦០លានដូស ដែលនឹងផលិតនៅក្នុងទីក្រុង Stockton-on-Tees។

រដ្ឋាភិបាលបាននិយាយថា ប្រសិនបើត្រូវបានអនុម័តឲ្យប្រើប្រាស់ដោយទីភ្នាក់ងារគ្រប់គ្រងផលិតផលឱសថនិងសុខភាព (MHRA), ដូសទាំងនេះត្រូវបានគេរំពឹងថានឹងផ្តល់ឲ្យនៅឆមាសទី២នៃឆ្នាំនេះ ។

Novavax គឺជាវ៉ាក់សាំងទី២ ដែលបានចូលរួមការសាកល្បងទ្រង់ទ្រាយធំនៅចក្រភពអង់គ្លេសខណៈវ៉ាក់សាំងមួយទៀតត្រូវបានបង្កើតឡើងដោយសកលវិទ្យាល័យ Oxford៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ វ៉ាក់សាំងរបស់ក្រុមហ៊ុន Moderna មានប្រសិទ្ធភាពប្រឆាំងវីរុសបម្លែងខ្លួនប្រភេទថ្មី