Connect with us

ព័ត៌មានអន្ដរជាតិ

មហាសេដ្ឋីប្រេង និងជាបុរសមានបំផុតនៅកាណាដា ទទួលមរណភាពក្នុងអាយុ ៩៣ ឆ្នាំ

បានផុស

នៅ

មហាសេដ្ឋីប្រេងលោក Arthur L. Irving ដែលជាប្រធានកិត្តិយសនៃក្រុមហ៊ុន Irving Oil និងជាបុគ្គលដែលមានជាងគេបំផុតរបស់ប្រទេសកាណាដា​ បានទទួលមរណភាពនៅអាយុ ៩៣ឆ្នាំ កាលពីថ្ងៃទី១៣ ខែឧសភា ឆ្នាំ ២០២៤។ក្រុមហ៊ុន Irving Oil បាននិយាយនៅក្នុងសេចក្តីថ្លែងការណ៍របស់ខ្លួនថា គាត់បានស្លាប់កាលពីថ្ងៃច័ន្ទ ដែលមានប្រពន្ធឈ្មោះ Sandra និងកូនស្រី Sarah នៅកៀកខ្លួន។

ទស្សនាវដ្ដី Forbes បានចុះបញ្ជីឈ្មោះមហាសេដ្ឋីប្រេងរូបនេះថា ជាជនជាតិកាណាដាដែលមានជាងគេបំផុតទាំង ១០ ក្នុងឆ្នាំ ២០២៣ ។ មុនពេលស្លាប់ គាត់មានទ្រព្យសម្បត្តិប៉ាន់ស្មានចំនួន ៦.៤ ពាន់លានដុល្លារអាមេរិក ដែលរួមមានរោងចក្រចម្រាញ់ប្រេងនៅ New Brunswick ធំជាងគេរបស់ប្រទេស​ រួមជាមួយនឹង Whitegate រោងចក្រចម្រាញ់ប្រេងនៅប្រទេសអៀរឡង់ថែមទៀតផង។

កើតនៅឆ្នាំ ១៩៣០ លោក Irving ជាកូនប្រុសរបស់ម្ចាស់ឧស្សាហ៍កម្ម K.C. Irving ដោយបានបង្កើតក្រុមហ៊ុន Irving Oilឡើងមក។ រូបលោកបានចូលរៀននៅសាកលវិទ្យាល័យ Acadia របស់ Nova Scotia មុនពេលចាកចេញទៅចូលរួមជាមួយ Irving Oil ក្នុងឆ្នាំ ១៩៥១ ជាកន្លែងដែលគាត់បានធ្វើការជាមួយឪពុក និងបងប្អូនពីរនាក់របស់គាត់។

ទន្ទឹមនោះដែរ លោក Irving បានប្រាប់អ្នកនិពន្ធ Donald Savoie នៅក្នុងសៀវភៅឆ្នាំ ២០២០ អំពី Irving Oil ថា “ខ្ញុំមានជម្រើសដើម្បីបន្តនៅ Acadia ឬរៀនអំពីអាជីវកម្មពីគ្រូដ៏ល្អបំផុតដែលមាននៅគ្រប់ទីកន្លែង។ ឪពុករបស់ខ្ញុំ គឺជាគ្រូ ខ្ញុំបានទៅជាមួយគ្រូល្អបំផុត” ។ ក្រោយមកទើបគាត់ បានក្លាយជាប្រធានក្រុមហ៊ុននៅឆ្នាំ ១៩៧២ និងជាប្រធានកិត្តិយស នៅពេលគាត់បានទទួលមរណភាព។

ថ្វីបើយ៉ាងណាក៏ដោយ ការស្លាប់របស់បុរសវ័យចំណាស់រូបនេះ បានកើតឡើងនៅពេលដែលរោងចក្រចម្រាញ់ប្រេង Saint John របស់ក្រុមហ៊ុនកំពុងស្ថិតនៅក្រោមការត្រួតពិនិត្យជាយុទ្ធសាស្រ្ត ដើម្បីកំណត់អនាគតរបស់ខ្លួន ដោយសារការប្រែប្រួលអាកាសធាតុកំពុងជំរុញឲ្យមានការផ្លាស់ប្តូរឆ្ងាយពីឥន្ធនៈហ្វូស៊ីលនៅក្នុងប្រទេសមួយចំនួន។

យ៉ាងណាមិញ នៅក្នុងសេចក្តីថ្លែងការណ៍របស់ខ្លួន ក្រុមហ៊ុនបានពណ៌នាថា Arthur L. Irving ជើងឯកដ៏ខ្ជាប់ខ្ជួននៃអាត្លង់ទិកកាណាដា និងប្រជាជនរបស់ខ្លួន ហើយការ​បាត់​បង់​ដ៏​សម្បើម​នេះ យើង​ដឹង​ថា​នឹង​មិន​មាន​អ្នក​ណា​ដូច​គាត់​នោះ​ទេ​៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖Forbes រកឃើញកីឡាការនី ៥ ​រូប​ ​មានទ្រព្យធនច្រើន​ជាងគេបង្អស់​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ៩ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ១៨ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ១២ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

សន្តិសុខសង្គម១៧ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

Sokha Hotels

ព័ត៌មានពេញនិយម