ព័ត៌មានអន្ដរជាតិ
ចាប់ខ្លួនព្រះចៅអធិការវត្តថៃដែលផ្ញើសារទៅកុមារជាង២០នាក់ សុំរួមភេទ
ប៉ូលិសខេត្ត Udon Thani កាលពីថ្ងៃអង្គារបានឆែកឆេរកុដិរបស់ព្រះសង្ឃ Pramuk Jaroensuk ព្រះជន្ម៤៩វស្សាដែលជាព្រះចៅអធិការវត្តមួយនៅក្នុងស្រុក Ban Pheu បន្ទាប់ពីអ្នកភូមិម្នាក់ឈ្មោះ Noy នៅក្នុងឃុំ Kheu Nam បានដាក់ពាក្យបណ្តឹងដោយចោទប្រកាន់ថា ព្រះចៅអធិការបានហៅកូនស្រីអាយុ១២ឆ្នាំរបស់នាងឲ្យទៅរួមភេទជាមួយព្រះតេជគុណ។
នៅក្នុងកុដិ ក្រុមមន្ត្រីបានរកឃើញទូរស័ព្ទដៃចំនួន២គ្រឿងនិង Tablet មួយគ្រឿងដែលមានវីដេអូឃ្លីបព្រះតេជគុណសម្រេចកាមដោយខ្លួនឯង។ វីដេអូនោះគឺជាវីដេអូដែល Noy អះអាងថា ព្រះតេជគុណ Pramuk ផ្ញើទៅឲ្យកូនស្រីរបស់គាត់រួមជាមួយនឹងពាក្យសរសេរថា “ឆ្លើយតបខ្ញុំវិញផង ប្រសិនបើអ្នកចង់បានប្រាក់ដោយងាយស្រួល”។
Noy បានប្រាប់ប៉ូលិសថា នៅពេលដែលនាងឃើញវីដេអូជាមួយនឹងការអញ្ជើញក្នុងទូរស័ព្ទកូនស្រីរបស់នាង នាងបានឆ្លើយដោយសួរថា តើគាត់ចង់បានអ្វី។
នាងនិយាយថា “អ្នកផ្ញើសារបាននិយាយថា គាត់នឹងឲ្យប្រាក់២,០០០បាតជាថ្នូរនឹងការរួមភេទជាមួយគាត់។ ខ្ញុំបានស្វែងរកឈ្មោះរបស់គាត់ហើយរកឃើញថា គាត់ជាព្រះចៅអធិការវត្តនេះដូច្នេះខ្ញុំបានជូនដំណឹងដល់ប៉ូលិស។ កូនស្រីខ្ញុំបាននិយាយថា មិត្តភក្តិរបស់នាងដែលរៀនថ្នាក់ទី៦ក៏បានទទួលការអញ្ជើញស្រដៀងគ្នាពីជនសង្ស័យដែរ”។
ការស៊ើបអង្កេតបឋមបានបង្ហាញថា ព្រះតេជគុណ Pramuk គឺជាអ្នកស្រុក Khon Kaen និងបួសជាព្រះសង្ឃអស់រយៈពេល២៣ឆ្នាំមកហើយ។ ព្រះតេជគុណបានផ្លាស់មកវត្តក្នុងស្រុក Pheu district នៃខេត្ត Udon Thani កាលពី១១ឆ្នាំមុនហើយត្រូវបានជ្រើសរើសជាព្រះចៅអធិការព្រោះវត្តនេះមានព្រះសង្ឃតែបីអង្គប៉ុណ្ណោះ។
ព្រះតេជគុណ Pramuk បានសារភាពថា ព្រះតេជគុណបានផ្ញើសារអញ្ជើញហើយបានផ្ញើវីដេអូសម្រេចកាមដោយខ្លួនឯងទៅកាន់ក្មេងៗជាង២០នាក់ទាំងប្រុសទាំងស្រីអាយុប្រហែល១១ដល់១៣ឆ្នាំដែលជាមិត្តភក្តិក្នុង Facebook។
ព្រះតេជគុណ Pramuk ត្រូវបានចាប់ផ្សឹកហើយនាំទៅកាន់ប៉ុស្តិប៉ូលិស។ ព្រះតេជគុណត្រូវបានចោទប្រកាន់ពីបទផ្សព្វផ្សាយរូបភាពអាសអាភាសនិងប៉ុនប៉ងរួមភេទជាមួយមនុស្សមិនទាន់គ្រប់អាយុ៕
ប្រែសម្រួលដោយ៖ Vann Vann
ប្រភព៖ The Nation
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៩ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ