បុរសឥណ្ឌា ត្រូវមាន់ខ្លួនឯងចាក់មួយខ្នាយស្លាប់ ពេលរៀបយកទៅជល់

សត្វមាន់ តខ្នាយកំបិតដើម្បីយកទៅជល់ បានសម្លាប់ម្ចាស់ខ្លួនឯងនៅភាគខាងត្បូងប្រទេស ឥណ្ឌា។

ម្ចាស់ត្រូវមាន់ចាក់មួយខ្នាយចំ ក្រលៀន ពេលវាព្យាយាមរត់។ បុរសរូបនោះបានស្លាប់នៅតាមផ្លូវទៅមន្ទីរពេទ្យ ដោយសារតែហូរឈាមច្រើនពេក។

ពេលនេះប៉ូលិសកំពុងតែស្វែងរកមនុស្សចំនួន១៥នាក់បន្ថែមទៀត ដែលបានចូលរួមនៅក្នុងល្បែងជល់មាន់ខុសច្បាប់ក្នុងភូមិ Lothunur នៃរដ្ឋ Telangana កាលពីដើមសប្តាហ៍នេះ។

សត្វមាន់ត្រូវបានរក្សាទុកនៅប៉ុស្តិ៍ប៉ូលិស មុនពេលបញ្ជូនទៅកសិដ្ឋានមួយ។

ប៉ូលិសនិយាយថា សត្វមាន់ កំពុងត្រៀមខ្លួនដើម្បីចូលរួមក្នុងការជល់ នៅពេលវាព្យាយាមរត់គេច។ ម្ចាស់មាន់ប៉ុនប៉ងចាប់វា តែត្រូវមាន់ចាក់មួយខ្នាយកាំបិតដែលមានប្រវែង៧សង់ទីម៉ែត្រ។

ទីភ្នាក់ងារសារព័ត៌មាន AFP បានរាយការណ៍ថា អ្នកដែលចូលរួមក្នុងព្រឹត្តិការណ៍នេះ ត្រូវប្រឈមនឹងការចោទប្រកាន់ពីបទមនុស្សឃាត ការភ្នាល់ខុសច្បាប់ និងរៀបចំការជល់មាន់។

នេះមិនមែនជាលើកទី១ទេ ដែលម្ចាស់ត្រូវបានសម្លាប់ដោយមាន់ជល់របស់ខ្លួនឯង។ កាលពីឆ្នាំមុន បុរសម្នាក់នៅរដ្ឋ Andhra Pradesh បានស្លាប់ បន្ទាប់ពីគាត់ត្រូវបានមាន់ចាក់មួយខ្នាយចំកញ្ចឹងក៕

ប្រែសម្រួល៖ សន្យា

ប្រភព៖ BBC

ចុចអាន៖ ថៃ ចាប់ផ្តើមយុទ្ធនាការចាក់វ៉ាក់សាំងកូវីដ ថ្ងៃនេះ