ព័ត៌មានអន្ដរជាតិ
ពលរដ្ឋអាមេរិក៤នាក់ក្នុងចំណោម៥ បារម្ភប្រទេសខ្លួនធ្លាក់ចូលក្នុងភាពវឹកវរ
ជនជាតិអាមេរិក បានបង្ហាញក្ដីព្រួយបារម្ភថា ប្រទេសរបស់ខ្លួននឹងអាចធ្លាក់ចូលទៅក្នុងស្ថានភាពច្របូកច្របល់ បន្ទាប់ពីហេតុការណ៍ប៉ងធ្វើឃាតបេក្ខភាពប្រធានាធិបតីលោក ដូណាល់ ត្រាំ កាលពីសប្ដាហ៍មុន ហើយជាពិសេស ពួកគេគិតថា ថ្ងៃបោះឆ្នោតនាខែវិច្ឆិកាខាងមុខ អាចកើតមានអំពើហិង្សានយោបាយកាន់តែខ្លាំងឡើង។ នេះបើយោងតាមការស្ទង់មតិរយៈពេល២ថ្ងៃ ដែលទើបបញ្ចប់កាលពីថ្ងៃទី១៦ ខែកក្កដា ឆ្នាំ២០២៤ និងត្រូវបានធ្វើឡើងដោយទីភ្នាក់ងារព័ត៌មាន Reuters និងក្រុមហ៊ុនស្រាវជ្រាវទីផ្សារសកលរបស់បារាំង IPSOS។
ការស្ទង់មតិ បានរកឃើញថា មានប្រជាជនចំនួន៨០% បាននិយាយថា ពួកគេយល់ស្របនឹងមតិដែលបានលើកឡើងអំពីភាពវឹកវរពិបាកនឹងគ្រប់គ្រងនៅក្នុងឆាកនយោបាយអាមេរិក។ ការស្ទង់មតិនេះ ធ្វើឡើងនៅលើប្រព័ន្ធអនឡាញ ដោយមានការចូលរួមពីជនជាតិអាមេរិកចំនួន ១ ២០២នាក់ ដែលសុទ្ធតែជាមនុស្សពេញវ័យ ហើយក្នុងនោះមានអ្នកបោះឆ្នោតដែលបានចុះឈ្មោះត្រឹមត្រូវចំនួន ៩៩២នាក់។
ទន្ទឹមនោះ ការស្ទង់មតិដដែលនេះ បានរកឃើញទៀតថា មានសម្លេងគាំទ្រលើបេក្ខភាពគណបក្សសាធារណរដ្ឋលោក ដូណាល់ ត្រាំ ច្រើនជាងបេក្ខភាពគណបក្សប្រជាធិបតេយ្យលោក ចូ បៃដិន នៅក្នុងសម្លេង ៤៣% ទល់នឹង ៤១%។ តួលេខនេះ បានបង្ហាញថា មិនមានការជំរុញឲ្យមានភាពខុសគ្នាខ្លាំងនោះទេ បើធៀបនឹងការស្ទង់មតិលើកៗមុន បន្ទាប់់ពីលោក ត្រាំ ត្រូវគេប៉ងធ្វើឃាតមិនបានសម្រេចកាលពីថ្ងៃសៅរ៍ទី១៣ ខែកក្កដា។
អ្នកឆ្លើយប្រមាណ៨៤% ក្នុងការស្ទង់មតិដោយ Reuters និង IPSOS បានសម្ដែងពីក្ដីបារម្ភថា ក្រុមជ្រុលនិយម អាចនឹងបង្កើតសកម្មភាពហិង្សានានា ក្រោយពីការប្រកាសលទ្ធផលបោះឆ្នោតជាតិ។ វាជាចំនួនកើនឡើងនៃក្ដីព្រួយបារម្ភរបស់ពលរដ្ឋអាមេរិក បើធៀបនឹងការស្ទង់មតិលើកមុនធ្វើឡើងកាលពីខែឧសភាកន្លងទៅ ដែលបង្ហាញថា មានត្រឹម ៧៤%ប៉ុណ្ណោះ ដែលធ្លាប់ភ័យព្រួយពីការកកើតអំពើហិង្សាក្រោយការបោះឆ្នោត។
សេចក្ដីព្រួយភ័យរបស់ប្រជាជនអាមេរិកចំពោះហិង្សានយោបាយ បានកើនឡើងកាន់តែច្រើនឡើងៗ បន្ទាប់ពីហេតុការណ៍ថ្ងៃទី៦ខែមករា ឆ្នាំ២០២១ ដែលគ្រានោះ ក្រុមអ្នកគាំទ្រលោក ដូណាល់ ត្រាំ រាប់ម៉ឺននាក់ បាននាំគ្នាប្រមូលផ្ដុំវាយប្រហារការិយាល័យរដ្ឋាភិបាលសហព័ន្ធ ដើម្បីតវ៉ានឹងលទ្ធផលឆ្នោត ក្រោយចាញ់សម្លេងគាំទ្រលោក បៃដិន។ ពេលនោះ មានមនុស្ស៤នាក់បានស្លាប់ ហើយមានមន្ត្រីប៉ូលិសម្នាក់បានបាត់បង់ជីវិត នៅថ្ងៃបន្ទាប់។
សូមបញ្ជាក់ថា លោក ត្រាំ បានរួចផុតជីវិតពីការប៉ុនប៉ងធ្វើឃាត ដោយខ្មាន់កាំភ្លើងម្នាក់ឈ្មោះ Thomas Matthew Crooks ខណៈកំពុងចូលរួមជួបជុំអ្នកគាំទ្រនៅទីក្រុង Butler នៃរដ្ឋ Pennsylvania។ ហេតុការណ៍ដ៏អាក្រក់នេះ បានផ្ដាច់ជីវិតមនុស្សចំនួន២នាក់ ក្នុងនោះម្នាក់ជាខ្មាន់កាំភ្លើង និងម្នាក់ទៀតជាអ្នកចូលរួមក្នុងពិធីរបស់លោក ត្រាំ។
ហេតុការណ៍ស្រដៀងគ្នានេះ ធ្លាប់បានកើតឡើងម្ដងរួចមកហើយនៅក្នុងប្រវត្តិសាស្ត្រអាមេរិក គឺនៅអំឡុងពេលភាពវឹកវរនយោបាយទសវត្សរ៍ឆ្នាំ១៩៦០ ដែលកាលណោះ លោក John F. Kennedy ប្រធានាធិបតីទី៣៥ ត្រូវបានគេធ្វើឃាតបានសម្រេចនៅក្នុងឆ្នាំ១៩៦៣ បន្ទាប់មកក៏មានធ្វើឃាតម្ដងទៀតទៅលើបេក្ខភាពបក្សប្រជាធិបតេយ្យលោក Robert F. Kennedy ដែលត្រូវជាក្មួយលោក John F. Kennedy នៅក្នុងឆ្នាំ១៩៦៨៕
ដោយ៖ ឈាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ