ថ្ងៃនេះឆ្នាំមុន ហ្វីលីពីនចាត់វិធានការប្រឆាំងជំងឺកូវីដ ១៩ ក្រោយមានអ្នកឆ្លងជាបន្តបន្ទាប់

ថ្ងៃចន្ទនេះប្រទេសហ្វីលីពីនបានកត់សម្គាល់រយៈពេលមួយឆ្នាំចាប់តាំងពីការរឹតត្បិតប្រឆាំងនឹងជំងឺកូវីដ ១៩ បានចាប់ផ្តើមនៅក្នុងរដ្ឋធានីម៉ានីល ។ ការកើនឡើងនៃការឆ្លងថ្មីៗនេះកំពុងតែបង្កបញ្ហាសេដ្ឋកិច្ច និងបញ្ហាជាច្រើនទៀតដល់រដ្ឋបាលរបស់ប្រធានាធិបតី Rodrigo Duterte ។

វិធានការប្រឆាំងនឹងការឆ្លងមេរោគរួមមានការកំណត់សកម្មភាពអាជីវកម្ម និងការបញ្ជាកុមារ និងពលរដ្ឋវ័យចំណាស់ឲ្យស្នាក់នៅក្នុងផ្ទះ ។

ថ្វីបើយ៉ាងនេះក្តីក៏ករណីឆ្លងជំងឺកូវីដ ១៩ ប្រចាំថ្ងៃនៅទូទាំងប្រទេសមានការកើនឡើងចាប់តាំងពីចុងខែមុន ។ មានអ្នកឆ្លងថ្មីជាង ៤,៥០០ នាក់ត្រូវបានគេរាយការណ៍ថាកើតឡើងក្នុងមួយថ្ងៃៗរហូតដល់ថ្ងៃអាទិត្យ ។

អ្នកជំនាញរបស់អង្គការសុខភាពពិភពលោកនិយាយថា ការឆ្លងបានកើនឡើង ខណៈដែលប្រទេសហ្វីលីពីនជាទូទៅមានចំនួនប្រជាជនច្រើន ។

WHO ក៏បានចាត់ទុក និងការឆ្លើយតបមិនគ្រប់គ្រាន់ពីសំណាក់មន្ត្រីសុខាភិបាលដើម្បីបញ្ឈប់ការឆ្លងមេរោគជាចង្កោមផងដែរ ។

ការរឹតត្បិតអាជីវកម្មនៅទីក្រុងម៉ានីលដែលជាមជ្ឈមណ្ឌលសេដ្ឋកិច្ចរបស់ប្រទេសបានរួមចំណែកដល់ការធ្លាក់ចុះ ៩.៥ ភាគរយកាលពីឆ្នាំមុននៅក្នុងផលិតផលក្នុងស្រុកសរុប ។

តួលេខនេះគឺអាក្រក់បំផុតសម្រាប់ប្រទេសហ្វីលីពីនចាប់តាំងពីទិន្នន័យប្រៀបធៀបមាននៅក្នុងឆ្នាំ ១៩៤៦ ហើយវាក៏ជាការធ្លាក់ចុះខ្លាំងបំផុតក្នុងចំណោមបណ្តាប្រទេសសេដ្ឋកិច្ចអាស៊ីអាគ្នេយ៍សំខាន់ៗក្នុងឆ្នាំ ២០២០ ។

គួរបញ្ជាក់ថា គិតត្រឹមពេលនេះប្រទេសហ្វីលីពីនមានករណីឆ្លងជំងឺកូវីដ ១៩ ចំនួន ៦២១,៤៩៨ ករណី និងមានអ្នកស្លាប់ចំនួន ១២,៨២៩ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មួយថ្ងៃ ហ្វីលីពីន រកឃើញអ្នកឆ្លងកូវីដ៣,៧៤៩ករណី មិនធ្លាប់មានសោះក្នុងរយៈពេលជិត៦ខែ

ចុចអាន ៖ ហ្វីលីពីនរកឃើញករណីឆ្លងវីរុសអាហ្វ្រិកខាងត្បូងលើកដំបូង