ព័ត៌មានអន្ដរជាតិ

ជាក្ដីសង្ឃឹម! អាមេរិកអាចនឹងមានវ៉ាក់សាំងកូវីដចាក់ឲ្យកុមារឆាប់ៗខាងមុខនេះ

បានផុស

៥ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

រដ្ឋបាលចំណីអាហារនិងឱសថអាមេរិក (FDA) ធ្លាប់បានបញ្ជាក់ពីការអនុញ្ញាតឲ្យប្រើប្រាស់ជាបន្ទាន់ (EUA) ចំពោះវ៉ាក់សាំងកូវីដ“ បុគ្គលដែលមានអាយុ ១៦ ឆ្នាំឡើងទៅ លើកលែងតែកុមារ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងតូចៗត្រូវបានគេដកចេញពីការសាកល្បងព្យាបាលគ្លីនិក ហើយក៏មិនមានទិន្នន័យស្ដីពីសុវត្ថិភាពនិងប្រសិទ្ធភាពវ៉ាក់សាំងនៅក្នុងក្រុមអាយុនោះទេ។ ទោះយ៉ាងណាក៏ដោយ ក្រុមអ្នកជំនាញសង្ឃឹមថា វ៉ាក់សាំងនេះនឹងត្រូវផ្ដល់ជូនកុមារនៅឆមាសទី ២ នៃឆ្នាំ ២០២១ ។ ដោយសារតែ Pfizer បានក្លាយជាវ៉ាក់សាំងដំបូងបង្អស់ដែលបានរាប់បញ្ចូលទាំងកុមារនៅក្នុងការសាកល្បង នៅសហរដ្ឋអាមេរិកកាលពីខែកញ្ញា ចន្លោះអាយុពី ១២ ទៅ ១៧ ឆ្នាំ រួចមកហើយ។

អ្នកស្រាវជ្រាវ Robert Hamiltonជាវេជ្ជបណ្ឌិត FAAP នៅមជ្ឈមណ្ឌលសុខភាព Providence Saint John’s រដ្ឋកាលីហ្វ័រញ៉ានិយាយថា “ អ្នកស្រាវជ្រាវនៅមិនបានរាប់បញ្ចូលក្មេងតូចៗនៅក្នុងក្រុមសិក្សានោះទេ ” ។

ក្រុមអ្នកស្រាវជ្រាវបន្តថា ” គ្មានកុមារតូចៗណាត្រូវបានធ្វើតេស្តលើវ៉ាក់សាំងកូវីដទេ។ ដូច្នេះរដ្ឋបាលចំណីអាហារនិងឱសថរួមទាំងស្ថាប័នរដ្ឋបាលដទៃទៀត ដែលបានអនុម័តការចាក់វ៉ាក់សាំង មិនត្រូវណែនាំឲ្យចែកចាយវ៉ាក់សាំងដល់កុមារ រហូតដល់វាត្រូវបានសិក្សាឲ្យបានត្រឹមត្រូវជាងនេះ”។

តើវ៉ាក់សាំងកូវីដអាចប៉ះពាល់ដល់កុមារតូចៗដែរទេ ប្រសិនបើអនុញ្ញាតឲ្យប្រើប្រាស់?

វេជ្ជបណ្ឌិត Hamilton បន្ថែមថា យើងមិនទាន់ដឹងនៅឡើយទេ ប៉ុន្តែវាជាការសំខាន់ដែលត្រូវចងចាំថា វ៉ាក់សាំងទាំងអស់សុទ្ធតែមានផលប៉ះពាល់ ហើយជាទូទៅវាមិនធ្ងន់ធ្ងរទេ។ ផលរំខានដែលត្រូវបានគេឃើញក្នុងការចាក់វ៉ាក់សាំងសម្រាប់មនុស្សពេញវ័យរួមមាន ឈឺចាប់ ហើមនិងឡើងកន្ទួលក្រហមរួមជាមួយគ្រុនក្ដៅជាដើម។

ដោយសារតែកុមារមានប្រព័ន្ធភាពស៊ាំខ្លាំង ដូច្នេះផលប៉ះពាល់ដែលមានចំពោះកុមារជួបប្រទះជាធម្មតាអាចខ្ពស់ជាងការរំពឹងទុក ប៉ុន្តែនេះមានន័យថា វ៉ាក់សាំងនេះកំពុងធ្វើការ៕

ប្រែសម្រួល៖ សាង ស្រីល័ក្ខ

ប្រភព៖verywellfamily

ចុចអាន៖ស្ត្រីអាយុ៤០ទៅ៥០ឆ្នាំទំនងមានបញ្ហាយូរទៀត ក្រោយព្យាបាលកូវីដ-១៩ជាហើយ, ការសិក្សាបង្ហាញ

ចុចអាន៖តើអ្នកកើតជំងឺកូវីដ១៩ហើយ មានភាពស៊ាំមិនឲ្យឆ្លងម្តងទៀតបានយូរប៉ុនណា?