ព័ត៌មានអន្ដរជាតិ

Macron មិនយល់ស្របគំនិតរបស់ ត្រាំ ដែលចង់ឲ្យ ពូទីន សម្របសម្រួលជម្លោះអ៊ីស្រាអែល-អ៊ីរ៉ង់

បានផុស

១ year មុន

នៅ

ថ្ងៃចន្ទ ១៦ មិថុនា ២០២៥

ដោយ

Chheang

ប្រធានាធិបតីបារាំងលោក Emmanuel Macron បានច្រានចោលទាំងស្រុងនូវគំនិតរបស់ប្រធានាធិបតីអាមេរិក ដូណាល់ ត្រាំ ដែលថា មេដឹកនាំរុស្ស៊ី វ៉្លាឌីមៀរ ពូទីន អាចចូលខ្លួនធ្វើជាអ្នកសម្រុះសម្រួលក្នុងជម្លោះដែលកំពុងកើនឡើងរវាងអ៊ីស្រាអែល និងអ៊ីរ៉ង់ជុំវិញកម្មវិធីអាវុធអានុយក្លេអ៊ែរ។

លោក Macron កំពុងផ្ដល់សម្ភាសន៍នៅព្រលាន Nuuk ថ្ងៃទី១៥មិថុនា២០២៥ (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងដំណើរទស្សនកិច្ចរបស់លោកទៅកាន់កោះ Greenland កាលពីថ្ងៃទី១៥ខែមិថុនា លោក Macron បាននិយាយថា «ខ្ញុំមិនជឿថា ប្រទេសរុស្ស៊ីដែលឥឡូវនេះកំពុងជាប់ពាក់ព័ន្ធក្នុងជម្លោះដ៏ខ្លាំងក្លាមួយ និងមិនបានគោរពធម្មនុញ្ញអង្គការសហប្រជាជាតិអស់រយៈពេលជាច្រើនឆ្នាំមកនេះ អាចក្លាយជាអ្នកសម្រុះសម្រួលនោះទេ»។ ទន្ទឹមនោះ លោក Macron ក៏បញ្ជាក់យ៉ាងច្បាស់ដែរថា បារាំងមិនបានចូលដៃចូលជើងជាមួយអ៊ីស្រាអែល ជុំវិញប្រតិបត្តិការយោធាប្រឆាំងនឹងអ៊ីរ៉ង់កាលពីសប្ដាហ៍មុនឡើយ។

លោក Macron បានអះអាងសាជាថ្មីអំពីសារៈសំខាន់នៃការស្តារឡើងវិញនូវកិច្ចចរចានុយក្លេអ៊ែរ និងការទប់ស្កាត់ការកើនឡើងនៃយោធាបន្ថែមទៀត។ លោកបានពណ៌នាអំពីស្ថានភាពនេះថា «ធ្ងន់ធ្ងរខ្លាំងណាស់» ហើយបានថ្លែងថា ជម្លោះមិនអាចឈានទៅរកដំណោះស្រាយទេ បើមានរុស្ស៊ីដើរតួជាអន្តរការី។

សូមរឭកថា កាលពីថ្ងៃសុក្រទី១៣មិថុនា អ៊ីស្រាអែល បានបើកប្រតិបត្តិការ «Rising Lion» វាយប្រហារតាមអាកាសលើ អ៊ីរ៉ង់ ដោយកំណត់គោលដៅលើកម្មវិធីនុយក្លេអ៊ែររបស់ទីក្រុងតេហេរ៉ង់។ ក្រោយមក សង្គ្រាមក៏បានផ្ទុះឡើងដោយមានការបាញ់តដៃគ្នាទៅវិញទៅមក៕

ដោយ៖ ឈាង

ចុចអាន៖ ណេតាន់យ៉ាហ៊ូ ប្រាប់ថា អ៊ីរ៉ង់ធ្លាប់រៀបផែនការសម្លាប់លោក ត្រាំ