ព័ត៌មានអន្ដរជាតិ
សារព័ត៌មាន The Nation រៀបវេទិកាឲ្យថាក់ស៊ីន និយាយលើកដំបូង ចំពេលវិបត្តិនយោបាយដ៏ចាក់ស្រេះ
សារព័ត៌មាន The Nation របស់ថៃ បានរៀបវេទិកាដ៏សំខាន់មួយនៅថ្ងៃទី៩ខែកក្កដា ដើម្បីបើកឱកាសឲ្យ លោក ថាក់ស៊ីន ស៊ីណាវ៉ាត្រ បង្ហាញមុខនិងនិយាយជាសាធារណៈលើកដំបូង ចំពេលផ្លូវច្បាប់នានាស្ថិតនៅក្នុងស្ថាប័នយុត្តិធម៌កំពូលៗ និងវិបត្តិនយោបាយដ៏ស្មុគស្មាញរួតរឹតគ្រួសារលោកយ៉ាងណែនក្តន់ ដែលនាំដល់ការជាប់គាំងនយោបាយក្នុងជម្លោះផ្ទៃក្នុងដ៏ស៊ីជម្រៅ។
លោក ថាក់ស៊ីន ស៊ីណាវ៉ាត្រ អតីតនាយករដ្ឋមន្ត្រីថៃដែលកំពុងតែស្ថិតក្រោមការស៊ើបអង្កេតជុំវិញបទល្មើសព្រហ្មទណ្ឌ ប្រមាថព្រះចេស្តារព្រះមហាក្សត្រថៃ បានចេញមុខអះអាងជាលើកដំបូង ក្នុងវេទិកាដ៏ធំមួយស្តីពីស្ថានភាពនយោបាយរបស់ប្រទេសថៃក្នុងអំឡុងពេល៥៥ឆ្នាំ ដែលរៀបចំឡើងដោយសារព័ត៌មាន The Nation និង ផ្តោតលើទស្សនៈទានបំបែកភាពទាល់ច្រកនៃវិបត្តិរបស់ប្រទេសថៃ។
លោក ថាក់ស៊ីន បានបង្ហាញមុខក្នុងវេទិកាធំជាលើកដំបូងនៅល្ងាចថ្ងៃទី៩ខែកក្កដា ឆ្លើយសំណួរនានា ជុំវិញជំហររបស់លោកក្នុងកិច្ចការនយោបាយថៃ អំពីទំនាក់ទំនងរបស់លោកជាមួយថ្នាក់ដឹកនាំកម្ពុជា និង បញ្ហាសេដ្ឋកិច្ចថៃក្នុងបរិការសង្គ្រាមពន្ធបដិកាថ្មីរបស់សហរដ្ឋអាមេរិក បញ្ហាសេដ្ឋកិច្ចថៃ និងធ្វើឲ្យសហគ្រាសក្នុងស្រុកដំណើរការ បញ្ហាការអភិវឌ្ឍបច្ចេកវិទ្យា និងទិដ្ឋភាពទូទៅច្រើនទៀត។
អ្វីដែលលោកថាក់ស៊ីន បាននិយាយ និងទទួលបានការចាប់អារម្មណ៍ខ្លាំងបំផុត គឺទំនាក់ទំនងរបស់លោក ជាមួយក្រុមគ្រួសារសម្តេចតេជោ ហ៊ុន សែន ដែលលោកថាក់ស៊ីន បានប្រាប់ទៅដល់អ្នកគាំទ្រថា «បានដល់ទីបញ្ចប់»។
ការប្រកាសរបស់លោកថាក់ស៊ីន នាពេលនេះ គឺនៅក្រោយរយៈពេល៣សប្តាហ៍ បន្ទាប់ពីសារសំឡេងសន្ទនារវាងកូនស្រីរបស់លោក គឺ នាយករដ្ឋមន្ត្រី ផែថងថាន ស៊ីណាវ៉ាត្រ និង សម្តេចតេជោ ហ៊ុន សែន ប្រធានព្រឹទ្ធសភាកម្ពុជា អំពីការស្នើម៉ោងបើកនិងបិទរបងព្រំដែន ក្នុងម៉ោងដំណាលគ្នា ដូចធ្លាប់អនុវត្តនៅមុនថ្ងៃ៧ខែមិថុនា ជាពេលដែលយោធាថៃ មិនស្តាប់តាមការបញ្ជារបស់រដ្ឋាភិបាលថៃ រួចក៏សម្រេចចិត្តបិទព្រំដែនជាឯកតោភាគី។
លោក ថាក់ស៊ីន ស៊ីណាវ៉ាត្រ ត្រូវបានស្រង់សម្តី ដោយសារព័ត៌មាន The Nation ដូចនិយាយថា៖«អ្វីដែលគាត់ [សម្តេច ហ៊ុន សែន] បានធ្វើចំពោះកូនស្រីខ្ញុំ គ្មានទំនាក់ទំនងអ្វីបន្តទៀតទេ ខ្ញុំមិនឃើញមូលហេតុដែលយើងគួរនិយាយគ្នាបន្តទៀត»។
ក្នុងរយៈពេលចុងក្រោយនេះ ជម្លោះផ្ទៃក្នុងរបស់ប្រទេសថៃ ត្រូវបានអ្នកវិភាគជាច្រើនមើលឃើញថា ថៃបានរុញជម្លោះនោះមកកាន់ព្រំដែនកម្ពុជា បង្កអរិភាពផ្សេងៗ ដើម្បីជាលេសបើកផ្លូវឲ្យមេដឹកនាំយោធាថៃធ្វើរដ្ឋប្រហារទម្លាក់រដ្ឋាភិបាលចម្រុះកើតចេញពីការបោះឆ្នោតតាមបែបប្រជាធិបតេយ្យ ដឹកនាំដោយគណបក្សភឿថៃរបស់លោកថាក់ស៊ីន។
បើទោះបីជា លោក ថាក់ស៊ីន ធ្លាប់បានអះអាងពីការមិនវិលចូលធ្វើនយោបាយវិញ និងស្វែងរកតួនាទីណាមួយក្នុងរដ្ឋាភិបាល ប៉ុន្តែការបង្ហាញមុខនៅពេលនេះ បានទាក់ទាញការចាប់អារម្មណ៍យ៉ាងខ្លាំង ក្នុងពេលដែលនាយករដ្ឋមន្ត្រី កូនស្រីរបស់លោក បានត្រូវព្យួរតួនាទីដោយតុលាការធម្មនុញ្ញ ហើយ រូបលោកផ្ទាល់ក៏ប្រឈមសវនាការជុំវិញការចោទប្រកាន់ព្រហ្មទណ្ឌ ប្រមាថស្ថាប័នព្រះមហាក្សត្រ។
ក្នុងការឆ្លើយសំណួរទៅកាន់អ្នកចូលរួមនៅល្ងាចថ្ងៃទី៩កក្កដា លោកថាក់ស៊ីន និយាយថា៖ «ឥឡូវខ្ញុំត្រលប់មកវិញ ហើយខ្ញុំនឹងរៀបចំរចនាឡើងវិញ ហើយមើលពីរបៀបជំរុញវាទៅមុខ។ មិនថាខ្ញុំនៅក្នុងជួររដ្ឋាភិបាល ឬអត់ទេ ខ្ញុំមិនឈប់ធ្វើនោះទេ ខ្ញុំផ្តល់ថវិកាទាំងអស់ដោយខ្លួនឯង ព្រោះខ្ញុំចង់ឱ្យវាក្លាយជាសហគ្រាសសង្គមសម្រាប់ប្រជាជនថៃ មិនមែនសម្រាប់នយោបាយទេ»៕
រ៉ាន់ រើយ
សារព័ត៌មាន The Nation រៀបវេទិកាឲ្យថាក់ស៊ីន និយាយលើកដំបូង ចំពេលវិបត្តិនយោបាយដ៏ចាក់ស្រេះ
ហួសចិត្តពេក! វ៉ាន់ នីឡា សួរចំៗទៅអ្នកបញ្ចើចបញ្ចើ រាល់ពេលដែលខ្មែរនិយាយ ឬច្រៀងភាសាអង់គ្លេសម្តងៗ
ត្រាំ ដាក់ពន្ធខ្ពស់ ២០% លើហ្វីលីពីន និង២៥% លើប្រ៊ុយណេ
Update ៖ ប្រទះឃើញសពបុរសម្នាក់ដេកស្លាប់ក្នុងដីឡូត៍ ០១ កន្លែង នៅខណ្ឌជ្រោយចង្វារ សង្ស័យករណីវាយសម្លាប់
នាយករដ្ឋមន្ត្រី ណែនាំឱ្យបង្កើតគណៈកម្មាធិការជាតិភាសាច្បាប់
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
បណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
ថៃដករូបព្រះពុទ្ធពីព្រំដែនអានសេះយកទៅដាក់ក្នុងបន្ទាយវិញក្រោយឈ្លោះគ្នាជាមួយខ្មែរ
មន្ទីរអប់រំខេត្តតាកែវ និងវិទ្យាល័យ ជាស៊ីម តាកែវ កំពុងមានភាពចម្រូងចម្រាស់រឿងបែងចែកដីកាន់កាប់
ជម្លោះផ្ទៃក្នុងថៃ! Paetongtarn បន្ទោស Anutin ថា ប្រទេសគ្មានសុវត្ថិភាព ទើបទេសចរធ្លាក់ចុះ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ១៨ ម៉ោង agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ១ សប្តាហ៍ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា