ព័ត៌មានអន្ដរជាតិ

វ៉ាក់សាំងអាចមានប្រសិទ្ធភាពតិច បើចាក់ឲ្យអ្នកកំពុងឆ្លងកូវីដ ហើយគ្រូពេទ្យណែនាំប្រើពេលនេះវិញ

បានផុស

៥ years មុន

នៅ

ថ្ងៃសុក្រ ២ មេសា ២០២១

ដោយ

អ្នកវិទ្យាសាស្ត្របាននិយាយថា ការចាក់វ៉ាក់សាំងពេលឆ្លងកូវីដមិនបានបង្កផលប៉ះពាល់ ប៉ុន្តែអាចបណ្ដាលឲ្យវ៉ាក់សាំងមិនសូវមានប្រសិទ្ធភាព ខណៈមណ្ឌលគ្រប់គ្រងនិងបង្ការជំងឺសហរដ្ឋអាមេរិក (CDC) ហាមប្រជាជនមិនគួរចាក់វ៉ាក់សាំងក្នុងពេលមានមេរោគ គួររង់ចាំរហូតដល់ជាសះស្បើយ និងបន្ទាប់ពី ៩០ ថ្ងៃ ប្រសិនបើពួកគេបានព្យាបាលដោយអង់ទីគ័រ monoclonal ឬប្លាស្មាដែលស្ថិតក្នុងឈាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រការនេះក៏ជាបម្រាមដល់មនុស្សដែលមិនបង្ហាញរោគសញ្ញា ប៉ុន្តែបានពាក់ព័ន្ធជាមួយអ្នកឆ្លងជំងឺកូវីដ និងត្រូវបានដាក់ឲ្យនៅដាច់ដោយឡែក។

វេជ្ជបណ្ឌិត David Margolius អ្នកឯកទេសខាងផ្នែកវេជ្ជសាស្ត្រនៅ MetroHealth បានប្រាប់បណ្ដាញព័ត៌មានអូហៃអូថា ” មូលហេតុដែលយើងស្នើសុំឲ្យប្រជាជនរង់ចាំរហូតដល់ពួកគេបានជាសះស្បើយពីកូវីដ មុនពេលទទួលថ្នាំបង្ការ គឺដើម្បីរក្សាបុគ្គលិកថែទាំសុខភាពទាំងអស់និងអ្នកផ្សេងទៀតឲ្យមានសុវត្ថិភាព ក្នុងអំឡុងពេលដំណើរការនេះ ” ។

លោក Robin Shattock ប្រធានបន្ទុកនៃការឆ្លងមេរោគនៅ mucosal បានប្រាប់ Newsweek ថា ការចាក់ថ្នាំបង្ការរោគអាចមានប្រសិទ្ធភាពតិច ប្រសិនបើត្រូវបានផ្ដល់ឲ្យអ្នកណាម្នាក់ដែលមានរោគសញ្ញាធ្ងន់ធ្ងរ។ លោកបានបន្ថែមថា ” វាអាចទៅរួចដែលថា ប្រសិនបើបុគ្គលនោះបានចាក់វ៉ាក់សាំងនៅពេលពួកគេមានរោគសញ្ញាធ្ងន់ធ្ងរខ្លាំង ហើយវ៉ាក់សាំងអាចនឹងមិនមានប្រសិទ្ធភាពលើរាងកាយ ” ។

ស្ថិតិនេះបង្ហាញថា ទំនងជាមានមនុស្សមួយចំនួនដែលឆ្លងកូវីដដោយមិនដឹងខ្លួន ហើយមកទទួលថ្នាំបង្ការ ប៉ុន្តែមិនបង្ហាញរោគសញ្ញា។

ក្រុមអ្នកវិទ្យាសាស្ត្រនិយាយនៅក្នុងសេចក្ដីអត្ថាធិប្បាយរួមមួយថា“ វានៅតែសំខាន់ដែលអ្នកបានឆ្លងកូវីដត្រូវទទួលថ្នាំបង្ការ នេះនឹងជួយបង្កើនភាពស៊ាំរបស់ពួកគេប្រឆាំងនឹងជំងឺ SARS-CoV-2 ដែលផ្ដល់ឲ្យពួកគេនូវការការពារកាន់តែយូរនិងយូរអង្វែងថែមទៀត៕

ប្រែសម្រួល៖ សាង ស្រីល័ក្ខ

ប្រភព៖newsweek

ចុចអាន៖មនុស្សចាស់ដែលមានជំងឺវង្វេងវង្វាន់ ប្រឈមការស្លាប់ខ្ពស់ដោយកូវីដរហូតដល់ ៩០ ភាគរយ

ចុចអាន៖កុំបារម្ភ ទោះមានឬគ្មានអាការទាំងនេះក្រោយចាក់វ៉ាក់សាំង ក៏នៅតែមានប្រសិទ្ធភាពចំពោះរាងកាយ

Related Topics:វ៉ាក់សាំងកូវីដ-១៩