រដ្ឋអាជ្ញាកូរ៉េខាងត្បូង ចោទសួរអតីតជំទាវទី ១ ពាក់ព័ន្ធសំណុំរឿងពុករលួយ

យោងទៅតាមមការចុះផ្សាយពីទីភ្នាក់ងារ CNA រដ្ឋអាជ្ញាកូរ៉េខាងត្បូង នៅថ្ងៃពុធ ទី ៦ ខែសីហា បានធ្វើការសាកសួរអតីតជំទាវទី១ គឺលោកស្រី Kim Keon Hee ជុំវិញការចោទប្រកាន់មួយចំនួន រួមទាំងឧបាយកលភាគហ៊ុន និងការសំណូកកន្លងមកដែលគាត់បានប្រព្រឹត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសួរដេញដោលនេះ បានធ្វើឡើងនៅពេលដែលស្វាមីរបស់លោកស្រី ដែលជាអតីតប្រធានាធិបតី Yoon Suk Yeol នៅតែស្ថិតក្នុងការឃុំខ្លួន ជុំវិញការប្រកាសច្បាប់អាជ្ញាសឹករបស់គាត់កាលពីខែធ្នូ ដែលបានផ្អាកការគ្រប់គ្រងស៊ីវិលមួយរយៈពេលខ្លី មុនពេលត្រូវបានសភាទម្លាក់ចោល។

លើសពីនេះទៀតដែរ ព្រះរាជអាជ្ញាត្រូវគេរំពឹងថា នឹងស្វែងរកដីកាចាប់ខ្លួនលោកស្រី Kim បន្ទាប់ពីការសួរចម្លើយនៅថ្ងៃពុធនេះ ដែលពួកគេបាននិយាយថា បានចាប់ផ្តើមភ្លាមៗបន្ទាប់ពីម៉ោង ១០ព្រឹក។ ប្រសិនបើពិតជាអនុញ្ញាតិមែននោះ ដីកានេះនឹងក្លាយរឿងប្រវត្តិសាស្ត្រដំបូងរបស់កូរ៉េខាងត្បូង ក្នុងពេលដែលអតីតប្រធានាធិបតី និងស្ត្រីទីមួយ ជាប់ឈ្មោះជាអ្នកទោសត្រូវចាប់ខ្លួន។

ទោះបីជាបែបនេះក្ដី នៅឯការសួរចម្លើយ អតីតជំទាវទី១វ័យ៥២ឆ្នាំ បានសារភាពកំហុសឆ្គងមុនពេលចូលការិយាល័យរដ្ឋអាជ្ញាពិសេសនៅទីក្រុងសេអ៊ូលថា «ខ្ញុំសូមអភ័យទោសដោយស្មោះចំពោះការបង្កបញ្ហា ទោះបីជាមនុស្សមិនសំខាន់ក៏ដោយ។ ខ្ញុំនឹងសហការយ៉ាងពេញលេញជាមួយនឹងការស៊ើបអង្កេត»។

យ៉ាងណាមិញ ការសួរដេញដោលទៅលើភរិយាលោក Yoon បានក្លាយជារឿងមួយទាក់ទាញចំណាប់អារម្មណ៍ប្រព័ន្ធផ្សព្វផ្សាយ ដោយមានអ្នកកាសែតក្នុងស្រុកដើរតាមរថយន្តដែលលោកស្រីជិះ នៅពេលធ្វើដំណើរទៅកាន់ការិយាល័យរដ្ឋអាជ្ញានៅថ្ងៃពុធនេះ។ ជាពិសេស អ្នកគាំទ្រលោកស្រីនិងលោក Yoon បានប្រមូលផ្តុំគ្នានៅខាងក្រៅការិយាល័យ ដោយគ្រវីទង់ជាតិ និងកាន់សញ្ញាដែលសរសេរថា អ្នកស៊ើបអង្កេតត្រូវតែមានភាពយុត្តិធម៌ ។

ជាងនេះទៀត ភាពចម្រូងចម្រាសបានឡោមព័ទ្ធស្ត្រីវ័យ៥២ ឆ្នាំជាយូរមកហើយ ជាមួយនឹងសំណួរដ៏វែងអន្លាយអំពីតួនាទីដែលត្រូវបានចោទប្រកាន់ក្នុងការគ្រប់គ្រងភាគហ៊ុន។ វីដេអូមួយដែលត្រូវបានថតនៅឆ្នាំ ២០២២ ដែលបង្ហាញថា លោកស្រីទទួលអំណោយដ៏ប្រណិតនិងកាបូបយីហោ Dior ពីអ្នករចនាតម្លៃ ២,២០០ដុល្លារអាមេរិក ដោយនោះបំពានច្បាប់ប្រឆាំងអំពើពុករលួយរបស់កូរ៉េខាងត្បូងនិងបានធ្វើឲ្យមានការរិះគន់ជាសាធារណៈ។ គាត​ក៏​ត្រូវ​បាន​គេ​ចោទ​ប្រកាន់​ពី​បទ​ជ្រៀត​ជ្រែក​ក្នុង​ដំណើរ​ការ​តែងតាំង​សមាជិក​សភា​ក្នុង​បក្ស​របស់ Yoon ដោយ​បំពាន​ច្បាប់​បោះឆ្នោត៕

អត្ថបទ៖ សាង ស្រីល័ក្ខ

ចុចអាន៖Influencer ល្បីៗ និយាយការពារ កម្ពុជា ថា ជាប្រទេសមានប្រជាជនល្អ និង រួសរាយរាក់ទាក់ចុចអាន៖