ក្រុមផ្តាច់ខ្លួនភាគខាងត្បូងថៃ បន្តធ្វើសកម្មភាពក្នុងខេត្តចំនួន២

ក្រុមផ្តាច់ខ្លួនភាគខាងត្បូងប្រទេសថៃ បានបន្តធ្វើសកម្មភាពនៅក្នុងខេត្តចំនួន២គឺ Narathiwat និង Pattani បង្កភាពចលាចលថ្មីទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Bangkok Post កាលពីថ្ងៃចន្ទទី២៥ខែសីហាឆ្នាំ២០២៥ ក្រុមបះបោរបានកម្ទេចកាមេរ៉ាសន្តិសុខចំនួន៣គ្រឿងនៅខេត្ត Narathiwat និង២គ្រឿងនៅខេត្ត Pattani ព្រមទាំងដុតបំផ្លាញទ្រពសម្បត្តិរដ្ឋនានាផងដែរ។ 

ការវាយប្រហារថ្មីនេះ គូសបញ្ជាក់ពីភាពវឹកវរមិនធូរស្រាល នៅខេត្តភាគខាងត្បូងប្រទេសថៃ ដែលញាំញីដោយអំពើហិង្សាផ្តាច់ខ្លួនអស់រយៈពេលជាច្រើនទសវត្សរ៍មកហើយ។

ការវាយថ្មីបំផុតកើតឡើងកាលពីថ្ងៃសុក្រទី២២ខែសីហា នៅពេលក្រុមផ្តាច់ខ្លួន ដុតកម្ទេចនិងបំផ្លាញរថយន្តធុនធំចំនួន១០គ្រឿង ក្នុងខេត្ត Narathiwat។

ក្នុងហេតុការណ៍នោះ ជនបេះបោរមួយក្រុម បានបើកការវាយប្រហារនៅអណ្តូងរ៉ែរបស់ក្រុមហ៊ុន Asia Mining Company Limited ក្នុងឃុំ Chang Phueak នៃស្រុក Cha Na។

មុននោះទៀត ក្រុមផ្តាច់ខ្លួន ក៏បំផ្ទុះគ្រាប់បែកក្នុងរថយន្តកំណត់គោលដៅលើប៉ុស្តិ៍សន្តិសុខក្នុងស្រុក Tak Bai នៃខេត្ត Narathiwat បណ្តាលឲ្យមន្រ្តី៤នាក់រងរបួសផងដែរ។

មិនត្រឹមប៉ុណ្ណឹង ក្រុមផ្តាច់ខ្លួនភាគខាងត្បូង ថែមទាំងបំផ្ទុះគ្រាប់បែកនៅរោងចក្រក្នុងស្រុក Waeng នៃខេត្ត Narathiwat ដដែលនេះទៀតផង៕

អត្ថបទ៖ សុខ សុវណ្ណ

ចុចអាន៖ ក្រុមផ្តាច់ខ្លួនភាគខាងត្បូងថៃ បើកការវាយប្រហារក្នុងខេត្ត Narathiwat