ព័ត៌មានអន្ដរជាតិ

ចំនួនអ្នកស្លាប់ក្នុងបាតុកម្មហិង្សានៅនេប៉ាល់កើនឡើងដល់ ៥១នាក់

បានផុស

៨ ខែ មុន

នៅ

ថ្ងៃសុក្រ ១២ កញ្ញា ២០២៥

ដោយ

យោងតាមការចេញផ្សាយរបស់សារព័ត៌មាន CNA ប៉ូលិសបានបញ្ជាក់នៅថ្ងៃសុក្រនេះថា មនុស្សយ៉ាងតិច៥១នាក់បានស្លាប់ក្នុងប្រទេសនេប៉ាល់ បន្ទាប់ពីមានបាតុកម្មប្រឆាំងអំពើពុករលួយដ៏ហិង្សាពេញមួយសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពចលាចលដែលបង្កឡើងដោយកំហឹងចំពោះអំពើពុករលួយ អភិបាលកិច្ចមិនល្អ និងការបិទខ្ទប់របស់រដ្ឋាភិបាលលើប្រព័ន្ធផ្សព្វផ្សាយសង្គមបានធ្វើឱ្យប្រទេសនេះធ្លាក់ចូលទៅក្នុងវិបត្តិ។ បាតុកម្មនេះជាបាតុកម្មដ៏ហិង្សាបំផុតដឹកនាំដោយយុវជន (Gen Z)មិនធ្លាប់របស់ប្រទេសនេប៉ាល់។

ការប៉ះទង្គិចគ្នាបានឡើងដល់កម្រិតខ្ពស់កាលពីថ្ងៃចន្ទ នៅពេលប៉ូលិសបង្ក្រាបបាតុករបានបណ្តាលឲ្យបាតុករ ២១ នាក់ស្លាប់។ កាលពីថ្ងៃអង្គារ ក្រុមបាតុករបានដុតសភា ដោយបង្ខំឱ្យនាយករដ្ឋមន្ត្រីលោក K.P Sharma Oli លាលែងពីតំណែង មន្រ្តីផ្សេងទៀតរត់ភៀសខ្លួន បន្ទាប់ពីនោះកងទ័ពបានដាក់បម្រាមគោចរ និងពង្រាយកងកម្លាំងគ្រប់គ្រងតាមដងផ្លូវ។

លើសពីនេះក្នុងអំឡុងពេលមានភាពចលាចល អ្នកទោសជាង ១ ម៉ឺន ៣ ពាន់នាក់បានរត់គេចពីគុកដោយមានជាង ១២,៥០០នាក់ទៀតកំពុងរត់គេចខ្លួន។ អ្នករត់គេចខ្លួនមួយចំនួនត្រូវបានសម្លាប់នៅក្នុងការប៉ះទង្គិចជាមួយកងកម្លាំងសន្តិសុខ ខណៈដែលអ្នកផ្សេងទៀតត្រូវបានចាប់ខ្លួនមកវិញពេលព្យាយាមរត់ភៀសខ្លួនចូលទៅក្នុងប្រទេសឥណ្ឌា។

មកដល់ពេលនេះការពិភាក្សាកំពុងបន្តរវាងមេដឹកនាំប្រទេស មេដឹកនាំក្រុមបាតុករ និងកងទ័ពជុំវិញការបង្កើតរដ្ឋាភិបាលបណ្តោះអាសន្ន ដើម្បីស្តារសណ្តាប់ធ្នាប់ឡើងវិញ៕