ព័ត៌មានអន្ដរជាតិ
៨ចំណុចសំខាន់ៗ ឪពុកម្តាយត្រូវដឹង ពេលឲ្យកូនចាក់វ៉ាក់សាំងកូវីដ-១៩
វ៉ាក់សាំងបង្ការកូវីដ-១៩សម្រាប់ក្មេងចន្លោះពី ១២-១៥ ឆ្នាំ អាចនឹងអនុម័តឱ្យប្រើប្រាស់ជាផ្លូវការនៅចុងឆ្នាំ ២០២១ ឬយ៉ាងយូរនៅដើមឆ្នាំ ២០២២ ព្រោះក្រុមហ៊ុនផលិតឱសថធំៗកំពុងចាប់ផ្តើមតេស្តថ្នាំបង្ការលើកុមារនិងក្មេងជំទង់បានជោគជ័យជាបណ្ដើរៗហើយ។
ទោះបីពេលនេះប្រទេសកម្ពុជា មិនទាន់មានវ៉ាក់សាំងសម្រាប់ក្មេងៗក៏ពិតមែន ប៉ុន្តែឪពុកម្ដាយគ្រប់គួរស្វែងយល់ជាមុន ត្បិតថាមិនយូរទៀតទេ ប្រទេសយើងនឹងមានវ៉ាក់សាំងនេះប្រើប្រាស់ហើយ។
ទាំងនេះជាចម្ងល់និងការពន្យល់ពីអ្នកវិទ្យាសាស្ត្រជុំវិញការចាក់វ៉ាក់សាំងសម្រាប់ក្មេង!
១. តើវ៉ាក់សាំងការពារកូវីដ-១៩មានសុវត្ថិភាពប៉ុណ្ណាចំពោះកូនខ្ញុំ?
ការសាកល្បងវ៉ាក់សាំង Covid-19 ចំពោះកុមារដែលមានអាយុពី ១២-១៥ ឆ្នាំនៅចក្រភពអង់គ្លេសនិងសហរដ្ឋអាមេរិកបានបញ្ជាក់ថា វ៉ាក់សាំងទាំងនោះមានសុវត្ថិភាពណាស់។
ចំណែកផលប៉ះពាល់លើកុមារមានភាពស្រដៀងគ្នាទៅនឹងអ្វីដែលយើងបានឃើញកើតឡើងចំពោះមនុស្សពេញវ័យដែរ ដែលភាគច្រើនពួកគេនឹងមានអាការដូចជា ឈឺដៃ ឬអស់កម្លាំងជាដើម។
២. តើកូនៗរបស់ខ្ញុំត្រូវការចាក់វ៉ាក់សាំងពីរដូសដូចមនុស្សធំដែរឬយ៉ាងណា?
កុមារនឹងត្រូវចាក់វ៉ាក់សាំងចំនួនពីរដូសមិនខុសពីមនុស្សពេញវ័យទេ ពីព្រោះទាល់តែពីរដូសទើបផ្តល់នូវការការពារបានប្រសើរពីការធ្លាក់ខ្លួនឈឺធ្ងន់ធ្ងរជាងចាក់តែមួយដូស។
៣. តើក្មេងៗនឹងរងផលប៉ះពាល់អ្វីខ្លះ ក្រោយចាក់សាំងការពារកូវីដ-១៩?
ផលរំខានទូទៅចំពោះកុមារដែលមានអាយុពី ១២ ទៅ ១៥ ឆ្នាំរួមមាន ឈឺចាប់ត្រង់កន្លែងចាក់ថ្នាំ អស់កម្លាំង ឈឺក្បាល ឈឺសាច់ដុំ គ្រុនតិចតួច ឈឺសន្លាក់ និងក្ដៅខ្លួន។ល។
៤. តើខ្ញុំគួរធ្វើអ្វី ប្រសិនបើកូនៗរងផលប៉ះពាល់ណាមួយ?
ប្រសិនក្មេងមានប្រតិកម្មឈឺសាច់ដុំ ឬឈឺក្បាល បន្ទាប់ពីទទួលវ៉ាក់សាំង ថ្នាំប៉ារ៉ាសេតាមុលអាចយកមកប្រើបាន ដើម្បីជួយឱ្យអាការធូរស្រាល។ យ៉ាងណាមិញផលប៉ះពាល់ទាំងនេះនឹងត្រឡប់រកភាពប្រក្រតីវិញក្នុងរយៈពេលពីរបីថ្ងៃក្រោយ។
៥. តាមដែលធ្លាប់ដឹងវីរុសកូវីដ-១៩មិនជះឥទ្ធិពលធ្ងន់ធ្ងរដល់កុមារដូចមនុស្សពេញវ័យទេ ហេតុអ្វីពួកគេចាំបាច់ត្រូវចាក់វ៉ាក់សាំង?
ទោះបីជាការសម្រាកព្យាបាលនៅមន្ទីរពេទ្យនិងការស្លាប់កម្រកើតមានចំពោះកុមារ បន្ទាប់ពីឆ្លងវីរុស Covid-19 ក៏ដោយ ក៏ពេលខ្លះកុមារនៅតែអាចវិវត្តទៅជាផលវិបាកដូចជា ជំងឺរលាកផ្សេងៗ ឬកូវីដរយៈពេលវែង (Long-Covid)។
ដូច្នេះការចាក់ថ្នាំបង្ការកូវីដ-១៩ដល់កុមារមិនត្រឹមតែអាចជួយកុមារទេ តែក៏អាចការពារសមាជិកវ័យចាស់ផងដែរដូចជា ឪពុកម្តាយ និងជីដូនជីតាជាដើម។
៦. បើ “Long-Covid” មានហានិភ័យខ្លាំងចំពោះកុមារ អ៊ីចឹងវ៉ាក់សាំងអាចជួយបានកម្រិតណា?
តាមការបញ្ជាក់ពីអ្នកវិទ្យាសាស្ត្រ “Long-Covid” អាចកើតឡើងចំពោះកុមារច្រើនជាងមនុស្សវ័យចំណាស់។ មកទល់នឹងពេលបច្ចុប្បន្ន គេមិនទាន់ដឹងថា តើការចាក់វ៉ាក់សាំងនឹងការពារប្រឆាំងនឹង “Long-Covid” ប៉ុនណាឡើយ ប៉ុន្តែអ្នកវិទ្យាសាស្ត្រជឿថា ប្រសិនបើវ៉ាក់សាំងកាត់បន្ថយហានិភ័យនៃការឆ្លងនិងរោគសញ្ញាធ្ងន់ធ្ងរ ដូច្នេះវានឹងកាត់បន្ថយហានិភ័យផលវិបាករយៈពេលវែងរបស់ Covid-19 ផងដែរ។
៧. តើកុមារនឹងមានអង់ទីគ័រការពារបានយូរប៉ុនណា?
ដោយសារតែវីរុសដែលបណ្តាលឱ្យមានជំងឺ Covid-19 ចេះតែបន្តផ្លាស់ប្តូរថ្មីជានិច្ច(វីរុសបំប្លែងខ្លួន) ដូច្នេះវ៉ាក់សាំងអាចការពារមនុស្សពេញវ័យនិងកុមារបានតែក្នុងពេលបច្ចុប្បន្នប៉ុណ្ណោះ។
សម្រាប់រយៈពេលប៉ុនណាដែលអង់ទីគ័រអាចប្រឆាំងនឹងវីរុសកូវីដ-១៩ មិនទាន់មានចម្លើយសមស្របទេ។ ប៉ុន្តែជាទូទៅវ៉ាក់សាំងបង្ការកូវីដ-១៩អាចការពារបានពី៦ខែទៅ១ឆ្នាំ។
៨. ប្រសិនបើក្មេងមិនបានចាក់វ៉ាក់សាំង តើពួកគេអាចប៉ះពាល់ដោយសារវីរុសបំប្លែងខ្លួនដែរទេ?
វ៉ាក់សាំងទាំងអស់ដែលកំពុងតេស្តនិងសិក្សា សុទ្ធតែអាចការពារប្រឆាំងនឹងជំងឺកូវីដ-១៩ធ្ងន់ធ្ងរ និងសូម្បីវីរុសបំប្លែងខ្លួនថ្មីៗក៏អាចការពារបានដែរ។
ផ្ទុយទៅវិញ កុមារដែលមិនបានទទួលថ្នាំបង្ការកូវីដ-១៩នឹងមានហានិភ័យខ្ពស់នៃរោគសញ្ញាធ្ងន់ធ្ងរ ដោយសារវីរុសបំប្លែងខ្លួននាពេលអនាគត៕
ប្រែសម្រួល៖ សន្យា
ប្រភព៖ Mirror
ចុចអាន៖ ឆ្លើយសំណួរ៣ពាក់ព័ន្ធវ៉ាក់សាំងការពារកូវីដ-១៩សម្រាប់ក្មេងៗ
ចុចអាន៖ វ៉ាក់សាំងកូវីដសម្រាប់ក្មេងតូចៗ អាចរួចរាល់នៅដើមឆ្នាំក្រោយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ