សុខភាព

អ្នកឆ្លងកូវីដមាន ៤កម្រិត គួរចំណាំអាការខ្លួនឯង ស្រួលស្វែងរកការព្យាបាល

បានផុស

៥ years មុន

នៅ

ថ្ងៃចន្ទ ២៧ កញ្ញា ២០២១

ដោយ

Sonya

បន្ទាប់ពីឆ្លងវីរុសកូវីដ-១៩ មនុស្សម្នាក់ៗអានឹងចេញរោគសញ្ញាខុសគ្នាទៅតាមស្ថានភាពសុខភាពរៀងខ្លួន ដែលវាមាន ៤ កម្រិតដូចជា៖

១. គ្មានរោគសញ្ញា

អ្នកអាចវិជ្ជមានកូវីដ-១៩ តែមិនមានចេញរោគសញ្ញាអ្វីទាំងអស់ ពិសេសបើអ្នករស់នៅជាមួយអ្នកកើតកូវីដ-១៩។។ ទោះជាយ៉ាងណា យោងតាមការសិក្សារបស់ Pubmed សហរដ្ឋអាមេរិក បានអះអាងថា ចំនួនមនុស្សវិជ្ជមានកូវីដ-១៩ តែមិនមានរោគសញ្ញាមានភាគរយតិចបំផុត គឺប្រហែល មនុស្ស ១នាក់ ក្នុងចំណោមមនុស្ស ៥នាក់។

២. ស្រាល និង មធ្យម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំងឺកម្រិតស្រាល មានរោគសញ្ញាដូចជំងឺផ្ដាសាយដែរដូចជា ក្អកស្ងួត និងគ្រុនក្ដៅ ប៉ុន្តែ កម្ដៅអាចឡើងមិនដល់ ៣៧,៨ អង្សាសេទេ ហើយពេលខ្លះអាចក្អកតិចតួច ឬមិនក្អកសោះតែម្ដង។ ក្រៅពីនេះ អ្នកជំងឺអាចមានរោគសញ្ញាដូចជា៖

ហិតមិនដឹងក្លិន ឬញ៉ាំមិនដឹងរសជាតិ
ល្វើយ អស់កម្លាំង
ឈឺសាច់ដុំ ឬឈឺក្បាល
ឈឺក
តឹងច្រមុះ ឬហៀរសម្បោរ

៣. ធ្ងន់ធ្ងរ

កម្រិតនេះ អ្នកជំងឺកូវីដ-១៩ អាចមានការរលាកសួត។ ករណីធ្ងន់ធ្ងរមានភាគរយកើតឡើងខ្ពស់ ប្រសិនបើអ្នកមានវ័យចាស់ ឬមានបញ្ហាសុខភាពណាងាយរងគ្រោះ។ រោគសញ្ញាកូវីដ-១៩ ក្នុងករណីធ្ងន់ធ្ងរមានដូចជា៖
– ពិបាកដកដង្ហើម
– ពិបាកនិយាយ
– ឈឺចុងទ្រូង ពោះ ឬខ្នងពេលដកដង្ហើម
– សីតុណ្ហភាពរាងកាយខ្ពស់

៤. គ្រោះថ្នាក់

ចំពោះករណីគ្រោះថ្នាក់ អាចវិវត្តពីករណីធ្ងន់ធ្ងរ បណ្ដាលឲ្យអ្នកជំងឺរលាកសួតខ្លាំង ហើយវាកាន់ប្រឈមគ្រោះថ្នាក់ បើអ្នកជំងឺជាមនុស្សចាស់ និងមានស្ថានភាពសុខភាពមិនល្អ ឬមានជំងឺប្រចាំកាយដូចជា ទឹកនោមផ្អែមជាដើម។ អ្វីដែលគ្រោះថ្នាក់បំផុតនៃអ្នកជំងឺក្នុងដំណាក់កាលនេះគឺ មេរោគឆ្លងចូលទៅក្នុងឈាម (Sepsis) ហើយបណ្ដាលឲ្យសរីរាង្គដទៃទៀតឈប់ធ្វើការ៕

អត្ថបទ៖ សន្យា

ចុចអាន៖ ចំណាំឱ្យច្បាស់ ចាក់វ៉ាក់សាំងគ្រប់២ដូស ហើយឆ្លងកូវីដ-១៩ ចេញរោគសញ្ញា ៤នេះ

ចុចអាន៖ ទោះស្រដៀងផ្តាសាយមែន តែរោគសញ្ញាសំខាន់ចំនួន ២ បញ្ជាក់ថា អ្នកកើតកូវីដហើយ

Related Topics:រោគសញ្ញាកូវីដ១៩