ថ្នាំ Molnupiravir មានប្រសិទ្ធភាពខ្ពស់បំផុតព្យាបាលកូវីដ បើធ្វើតាមលក្ខខណ្ឌនេះ

លោក Yong Poovorawan ប្រធានមជ្ឈមណ្ឌលឧត្តមភាពផ្នែករោគសាស្ត្រ នៅសាកលវិទ្យាល័យជូឡាឡុងកន បាននិយាយថា ថ្នាំ Molnupiravir អាចជួយកាត់បន្ថយហានិភ័យនៃការចូលមន្ទីរពេទ្យឬស្លាប់ ក្នុងចំណោមមនុស្សដែលមានជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Yong បាននិយាយថា ថ្នាំដែលបង្កើតឡើងដោយក្រុមហ៊ុន Merck នេះ មានប្រសិទ្ធភាពខ្ពស់ ប្រសិនបើអ្នកជំងឺប្រើថ្នាំ ក្នុងរយៈពេលប្រាំថ្ងៃ បន្ទាប់ពីចេញរោគសញ្ញាដំបូង។

វេជ្ជបណ្ឌិតរូបនេះបានលើកឡើងពីលទ្ធផលនៃការស្រាវជ្រាវ ដែលត្រូវបានបោះពុម្ពផ្សាយតាមរយៈគេហទំព័រ medRxiv ដែលបង្ហាញថា ថ្នាំនេះពិតជាមានប្រសិទ្ធភាពមែន។

ការស្រាវជ្រាវបាននិយាយថា “ថ្នាំ Molnupiravir គឺជាថ្នាំលេបប្រឆាំងវីរុសដំបូងគេ ដែលបង្ហាញថា មានប្រសិទ្ធភាពខ្ពស់ក្នុងការកាត់បន្ថយមេរោគ SARS-CoV-2 និងវីរុស RNA ហើយមានសុវត្ថិភាពនិងភាពធន់ល្អ”។

ថ្នាំនេះកំពុងស្វែងរកការយល់ព្រមពីរដ្ឋបាលចំណីអាហារនិងឱសថអាមេរិក ខណៈក្រុមហ៊ុនឱសថឥណ្ឌាចំនួន ៥ ត្រូវបានអនុញ្ញាតឲ្យផលិតវា ដែលនឹងធ្វើឲ្យតម្លៃរបស់វាកាន់តែថោក៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ កូវីដនឹងក្លាយជាជំងឺផ្លូវដង្ហើមធម្មតា ដោយសារថ្នាំ Molnupiravir