សុខភាព

គ្រូពេទ្យហាមមិនឲ្យប្រើម្សៅហ៊ុយលើទារកដាច់ខាត ព្រោះអាចបង្កគ្រោះថ្នាក់

បានផុស

៤ years មុន

នៅ

ថ្ងៃពុធ ៦ កក្កដា ២០២២

ដោយ

ជាទូទៅយើងឃើញមាតាបិតាគ្រប់រូប ស្ទើរតែគ្រប់គ្នាទាំងជនជាតិខ្មែរ និងបរទេស និយមលាបម្សៅហុយលើទារក និងកុមារ ទាំងមិនដឹងទេថា វាផ្តល់គ្រោះថ្នាក់ និងផលប៉ះពាល់ប៉ុណ្ណានោះទេ ហើយស្បែកទារកមិនត្រូវការលាបម្សៅនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្សៅហុយកាលពីមុនស្ទើរតែគ្រប់ម៉ាក មានលាយសារធាតុគីមីម្យ៉ាងឈ្មោះថា Talcum ដែលសារធាតុទាំងនោះមិនត្រឹមតែផ្ដល់ផលប៉ះពាល់ដល់ទារក និងកូនក្មេងទេ សូម្បីតែមនុស្សពេញវ័យក៏ផ្ដល់ផលប៉ះពាល់ដែរ។

បើតាម វេជ្ជបណ្ឌិត ហ៊ាង រតនា បានបញ្ជាក់ថា ពេលដែលយើងលាបម្សៅទាំងនោះនឹងហុយចូលតាមច្រមុះទារក (ច្រមុះទារកមិនមានរោមច្រមុះច្រើនដើម្បីទប់ការហុយនោះទេ ធ្វើឲ្យបរិមាណហុយចូលសួតកាន់តែច្រើន ហើយសួតទារកកាន់តែតូចសួតកាន់តែនៅខ្ចី) ធ្វើឲ្យទារកប្រឈមនឹងជំងឺជាច្រើនដូចជា រលាកទងសួត រលាកសាច់សួត ជំងឺហឺត ធ្វើឲ្យក្អករ៉ាំរ៉ៃ រលាកបំពង់ក និងឈានដល់ការកើតមហារីកបើប្រើកាន់តែយូរទៅៗ។ លើសពីនេះសារធាតុ Talcum នេះ ក៏ធ្វើឲ្យកើតរោគស្ត្រីផងដែរ និងប្រឈមនឹងជំងឺ មហារីកដៃស្បូន មហារីកជញ្ជាំងសាច់ស្បូន ចំពោះស្ត្រីដែលប្រើម្សៅទាំងនេះលាបនៅក្រលៀន និងលីអូ។ ក្រោយមកមានក្រុមហ៊ុនម្សៅខ្លះមិនមានលាយសារធាតុ Talcum នេះទេ ដោយពួកគេផលិតពីម្សៅពោត ឬម្សៅធម្មជាតិផ្សេងទៀតមួយរយភាគរយ តែវាក៏នៅតែផ្តល់ផលប៉ះពាល់ដល់សួតទារក ព្រោះសួតរបស់មនុស្សមិនត្រូវការអ្វីទាំងអស់គឺត្រូវការតែខ្យល់អុកស៊ីសែនមួយមុខគត់។