Connect with us

សុខភាព

បុគ្គល៣រូបនេះ កំពុងល្បីឈ្មោះតាមរយៈការនិយាយលើកទឹកចិត្តយុវជនលើបណ្តាញសង្គម

បានផុស

នៅ

នៅក្នុងសង្គមកម្ពុជានាពេលបច្ចុប្បន្ននេះ បញ្ហាយុវជនបាក់ទឹកចិត្ត មិនជឿជាក់លើខ្លួនឯង គ្មានក្តីស្រមៃ គ្មានគោលដៅជីវិត នៅតែកំពុងកើតមានច្រើននៅឡើយ។ បញ្ហានេះ គឺជាការទទួលខុសត្រូវរួមរបស់ក្រុមគ្រួសារ អាណាព្យាបាល សាលារៀន ក៏ដូចជាស្ថាប័នពាក់ព័ន្ធផ្សេងទៀត។ ប៉ុន្តែ ស្របពេលគ្នានេះ ក៏មាននូវបុគ្គលមួយចំនួនបានចំណាយពេលវេលារបស់ខ្លួន ដើម្បីធ្វើមាតិកាផ្សេងៗក្នុងន័យអប់រំ និងលើកទឹកចិត្តដល់ក្រុមយុវជននៅលើបណ្តាញសង្គម។ នៅថ្ងៃនេះ «កម្ពុជាថ្មី» សូមណែនាំលោកអ្នកនាងឲ្យស្គាល់បុគ្គល៣រូបកំពុងល្បីឈ្មោះលើការធ្វើមាតិកាអប់រំ និងលើកទឹកចិត្តយុវជនតាមបណ្តាញសង្គម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទី១ អ្នកនាង ឆរដ្ឋ ឆឡេតា

អ្នកនាង គឺជាអ្នកបង្កើតទំព័រហ្វេសបុក “ចង់ដឹង ចង់ឮ” តាំងពីឆ្នាំ២០២១មក។ ទំព័រនេះ ត្រូវបានបង្កើតឡើង ដើម្បីបង្កើតឱ្យមានកិច្ចពិភាក្សានានាទាក់ទងជាមួយនឹងសុខភាពផ្លូវចិត្ត បញ្ហាប្រឈមស្រ្តី សមាគមន៍អ្នកស្រឡាញ់ភេទដូចគ្នា បញ្ហាជនជាតិភាគតិច វប្បធម៌ សង្គម និងចែករំលែកពីបទពិសោធផ្ទាល់ខ្លួនដែលអ្នកនាងបានជួបប្រទះជាដើម។

រូបភាព៖ Chharoat Chhaleta
រូបភាព៖ MJQE

កម្មវិធីនានានៅក្នុងទំព័រនេះ ក៏មានការអញ្ជើញចូលរួមពីវាគ្មិនកិត្តិយសដែលមានបទពិសោធជីវិតល្អៗ ហើយខ្លះទៀតគឺជាជនរងគ្រោះដែលសង្គមរើសអើងជាដើម។ ពួកគេបានចែករំលែកបទពិសោធន៍ និងបានផ្តល់កម្លាំងចិត្ត លួងលោម ដើម្បីឱ្យសាធារណជនមានសុវត្ថិភាពផ្លូវចិត្ត គ្មានសម្ពាធនៅក្នុងជីវិត​​ និងមានគំនិតសុទិដ្ឋនិយមជាប់ជានិច្ច។ កិច្ចពិភាក្សានានា បានធ្វើជាវីដេអូបង្ហោះនៅលើបណ្តាញសង្គមជាច្រើន ដូចជា ហ្វេសបុក តិកតុ និងយូធូប ជាដើម។

ទី២ កញ្ញា  សេង ហ្គេកលី

កញ្ញា សេង ហ្គេកលី គឺជាមនុស្សម្នាក់ដែលមិនសូវចេះនិយាយច្រើន ធ្លាប់បាក់ទឹកចិត្ត មិនមានភាពជឿជាក់លើខ្លួនឯង និងខ្លាចគេច្រើន ប៉ុន្តែការចាប់ផ្តើមអានសៀវភៅ ធ្វើឱ្យកញ្ញាមានគំនិតច្រើនក្នុងការនិយាយស្តី អាចរកខ្លួនឯងឃើញ និងស្គាល់ពីចំណុចខ្លាំង និងចំណុចខ្សោយរបស់ខ្លួន។ តាមរយៈការអានសៀវភៅច្រើននេះ ធ្វើឱ្យកញ្ញាមានការអភិវឌ្ឍក្នុងជីវិត ហើយកញ្ញា ក៏ចាប់ផ្តើមសរសេរសៀវភៅដែលលើកទឹកចិត្តដល់មនុស្សគ្រប់រូបមិនថាស្ថិតក្នុងកាលៈទេសៈណាឡើយ។

រូបភាព៖ Seng Gechly

ក្រៅពីពូកែខាងអាន និងនិពន្ធសៀវភៅ កញ្ញា សេង ហ្គេកលី ក៏ជាវាគ្មិនកិត្តិយសក្នុងកម្មវិធីនិយាយជាសាធារណៈជាច្រើន ដែលកញ្ញាបានចែករំលែកបទពិសោធន៍ គន្លឹះសម្រាប់រៀបចំជីវិតរបស់ខ្លួន ហើយក៏ជាមានការលើកទឹកចិត្តយ៉ាងច្រើន។

រូបភាព៖ Seng Gechly

កញ្ញា សេង ហ្គេកលី ក៏មានបង្កើតជាមាតិកាវីដេអូផ្សេងៗដែលនិយាយពីជំងឺបាក់ទឹកចិត្ត បញ្ហាផ្សេងៗដែលជួបប្រទះ និងដំណោះស្រាយចំពោះបញ្ហាទាំងនោះ។ សម្រាប់សៀវភៅដែលកញ្ញាធ្លាប់បាននិពន្ធមានដូចជា សៀវភៅកូនសិស្សជីវិត ដែលមានរហូតដល់៣វគ្គ សៀវភៅរឿងតូចមួយ ដែលសុទ្ធតែជាសៀវភៅផ្តល់នូវការទូន្មានល្អៗ និងលើកទឹកចិត្តសម្រាប់យុវជនកម្ពុជា។ យ៉ាណាមិញ សៀវភៅដែលយុវតីរូបនេះបាននិពន្ធ ក៏ទទួលបានការទិញពីប្រជាជនច្រើនផងដែរ។

ទី៣ លោក អ៊ុង ប៉េងអាន

លោក អ៊ុង ប៉េងអាន គឺជាស្ថាបនិកទំព័រហ្វេសបុក “គិតជាមួយប៉េងអាន Think With PingAnn” ដែលជាទំព័រមួយដែលមានអ្នកស្គាល់ និងគាំទ្រ ព្រមទាំងទទួលបានការចាប់អារម្មណ៏យ៉ាងច្រើនពីសំណាក់យុវវ័យកម្ពុជាតែម្តង។ លោក អ៊ុង ប៉េងអាន ក៏ជាមនុស្សម្នាក់ដែលចូលចិត្តអានសៀវភៅ និងចូលរួមសកម្មភាពសង្គមច្រើន។

រូបភាព៖ Think With PingAnn

មិនខុសពីយុវតី សេង ហ្គេកលីឡើយ លោក ប៉េងអាន តែងតែមើលពិភពលោកក្នុងផ្លូវវិជ្ជមាន និងមានក្តីស្រមៃតាំងពីកុមារភាព។ លោកយល់ថា ការអានសៀវភៅជំរុញឱ្យរូបលោកមើលឃើញពិភពលោកបានធំ និងឃើញជ្រុងជាច្រើននៃការគិតបានទូលំទូលាយជាងមុន។ លោកតែងតែចូលរួមក្នុងសិក្ខាសាលាផ្សេងៗ ធ្វើជាវាគ្មិនកិត្តយសនៅក្នុងវេទិកានានា ព្រមទាំងបានបង្កើតជាវីដេអូដែលសុទ្ធតែជាការអប់រំល្អៗសម្រាប់យុវជនផងដែរ។

រូបភាព៖ Think With PingAnn

ចំណែក ទំព័រហ្វេសបុកដែលលោក អ៊ុង ប៉េងអាន បង្កើតមកជាច្រើនឆ្នាំមកហើយនោះ មានមាតិកាចម្រុះជាច្រើន ក្នុងនោះ ក៏មាននិយាយសុខភាព ជំងឺបាក់ទឹកចិត្ត កម្លាំងចិត្ត ការគ្រប់គ្រងហិរញ្ញវត្ថុប្រចាំថ្ងៃរបស់ខ្លួន និងចំណេះដឹងទូទៅផ្សេងទៀត៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ នាទី មុន

អាមេរិក អង់គ្លេស បើក​ការ​វាយ​ប្រហារ​ដែន​អាកាស​ ​ក្នុង​ប្រទេស​យេម៉ែន

កីឡា៧ នាទី មុន

វឌ្ឍនៈ ប្រ៊ូវើរី បំផុសស្មារតីខ្មែរតែមួយ ដើម្បីបន្តគាំទ្រវិស័យកីឡានៅកម្ពុជា និងចូលរួមថែសម្អាតស្មៅនៅលើទីលានប្រកួត

សេដ្ឋកិច្ច២១ នាទី មុន

​គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ​តម្លៃ ២៥០ លានដុល្លារ ​មានពន្លឺថ្មី​

វប្បធម៌ ជំនឿ៣២ នាទី មុន

ក្នុងពេល ៥ ឆ្នាំ​ខាងមុខ តារានិករ ៦ ដួងនឹងរីកចម្រើនផ្នែកអាជីព​ លាភ​ចូលមកជួយ​ជ្រោមជ្រែង

ព័ត៌មានជាតិ៣៤ នាទី មុន

ឧត្តមសេនីយ៍ឯក ហែម សុវត្ថិ ណែនាំកម្លាំងបន្តកំណត់មុខសញ្ញាលួចបើកល្បែងអនឡាញខុសច្បាប់ ដើម្បីចុះបង្ក្រាប

សេចក្ដីជូនដំណឹង១៤ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៨ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៨ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៦ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ២១ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម