Connect with us

ព័ត៌មានអន្ដរជាតិ

បង់ក្លាដែស ផ្ទុះជំងឺគ្រុនឈាមធ្ងន់ធ្ងរបំផុត ខណៈមនុស្សស្លាប់ បន្តកើនឡើង លើស ១០០០នាក់ហើយ

បានផុស

នៅ

គិតត្រឹម១០ខែក្នុងឆ្នាំនេះ ប្រទេសបង់ក្លាដែស មានមនុស្សជាង១០០០នាក់ហើយ បានស្លាប់ដោយសារជំងឺគ្រុនឈាម ក្នុងអ្វីដែលអាជ្ញាធរនិយាយថា ជាការផ្ទុះឡើងធ្ងន់ធ្ងរបំផុតនៃជំងឺនេះ ដែលប្រទេសមិនធ្លាប់ជួបប្រទះសោះ។

(រូបថត៖ EPA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខពីអគ្គនាយកដ្ឋានសេវាសុខភាពរបស់ប្រទេសបង់ក្លាដែស ដែលចេញផ្សាយកាលពីយប់ថ្ងៃអាទិត្យទី១ខែតុលា បានបង្ហាញថា មនុស្សចំនួន ១០០៦នាក់បានស្លាប់ ក្នុងចំណោមករណីឆ្លងដែលបានបញ្ជាក់ជាង ២០០០០០ករណី។

ខ្យល់មូសុងសើមខុសពីធម្មតា បានបង្កភាពងាយស្រួលដល់សត្វមូស ដែលចម្លងមេរោគគ្រុនឈាមនិង បង្កាត់ពូជ។ ស្របពេលជាមួយគ្នានោះ​ ក្រុមមន្ត្រី​បាន​ព្យាយាម​ទប់​ស្កាត់​ ការ​រីក​រាល​ដាល​នៃ​ជំងឺ​នេះ ហើយ​មន្ទីរពេទ្យ​នានា ក៏ពោរពេញទៅដោយអ្នកជំងឺផងដែរ។

យោងតាមអង្គការសុខភាពពិភពលោក, ការឆ្លងជំងឺគ្រុនឈាម ត្រូវបានរាយការណ៍នៅក្នុងស្រុកទាំង៦៤របស់ប្រទេសបង់ក្លាដែស។

(រូបថត៖ EPA)

អ្នកជំងឺគ្រុនឈាមរាប់រយនាក់ បាននាំគ្នាទៅមន្ទីរពេទ្យក្នុងរដ្ឋធានី ដាក្កា ដើម្បីស្វែងរកការព្យាបាល ប៉ុន្តែមន្ទីរពេទ្យខ្វះឧបករណ៍ ព្រោះអ្នកជំងឺមានចំនួនច្រើនពេក។ 

ចំណែកក្រុមវេជ្ជបណ្ឌិត​បានសង្កត់ធ្ងន់​ថា ​បច្ចុប្បន្ន​ ស្ថានភាព​អ្នក​ជំងឺ​គ្រុនឈាមនៅបង់ក្លាដែស កាន់តែ​យ៉ាប់យ៉ឺនទៅៗ ​បើ​ធៀប​នឹងរយៈពេល​ប៉ុន្មាន​ឆ្នាំ​ចុង​ក្រោយ​នេះ។

តាមទិន្នន័យរបស់ទីក្រុងដាក្កា, មនុស្សរហូតដល់២០នាក់បានស្លាប់ ដោយសារជំងឺគ្រុនឈាមជារៀងរាល់ថ្ងៃ ក្នុងរយៈពេល២ខែចុងក្រោយ ហើយតួលេខអ្នកស្លាប់នៅឆ្នាំនេះ បានកើនលើសពីចំនួនសរុបក្នុងរយៈពេល២២ឆ្នាំចុងក្រោយទៅទៀត៕

ប្រែសម្រួល៖ Vann Vann

ប្រភព៖ BBC

ចុចអាន៖ មន្ត្រីជំនាញ ៖ ជំងឺគ្រុនឈាម នឹងអាចកើនឡើងខ្ពស់ ដោយសារស្ថិតក្នុងឆ្នាំវ័ន្ត នៃការផ្ទុះទ្រង់ទ្រាយធំឆ្នាំនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម