យល់ដឹង! ​អ្វីដែលគួរនិងមិនគួរធ្វើ មុននិងក្រោយពាក់ម៉ាស

មិនមែនមានម៉ាស ហើយចេះតែពាក់នោះទេ! សូមអានអត្ថបទខាងក្រោម រួចពិចារណានិងយល់ដឹងពីអ្វីដែលគួរនិងមិនគួរធ្វើ មុននិងក្រោយពេលពាក់ម៉ាស៖

១. គួរធ្វើ

-សម្អាតដៃឲ្យបានស្អាតមុននឹងកាន់ម៉ាស

-ពិនិត្យមើលភាពកខ្វក់ ឬការដាច់រហែកលើម៉ាស

-ពាក់ម៉ាសដោយកុំឲ្យសល់ចន្លោះនៅសងខាង

-ប្រាកដថាមាត់ ច្រមុះ និងចង្ការត្រូវបានបិទជិត

-ចៀសវាងប៉ះពាល់ម៉ាសអំឡុងពេលកំពុងពាក់

-លាងសម្អាតដៃឲ្យបានស្អាតមុន​នឹងដោះម៉ាសចេញ

-ដោះម៉ាសចេញដោយកាន់ខ្សែទាំងសងខាង

-បន្ទាប់មកទាញម៉ាសចេញពីមុខ

-សម្រាប់ម៉ាសដែលប្រើតែម្ដង សូមចោលក្នុងធុងសំរាម ប្រសិនម៉ាសក្រណាត់សូមរក្សាទុកដើម្បីបោកសម្អាត

-លាងសម្អាតដៃឲ្យបានស្អាត បន្ទាប់ពីដោះម៉ាសចេញ

២. មិនគួរធ្វើ

-ចៀសវាងពាក់ម៉ាសដែលរហែក

-ចៀសវាងពាក់ម៉ាសដែលរលុង

-ចៀសវាងពាក់ម៉ាសក្រោមច្រមុះ

-ចៀសវាងដោះម៉ាសចេញនៅពេលមានមនុស្សនៅក្បែរក្នុងចម្ងាយ ១.៥ ម៉ែត្រ

-ចៀសវាងពាក់ម៉ាសដែលធ្វើឲ្យពិបាកក្នុងការដកដង្ហើម

-ចៀសវាងពាក់ម៉ាសដែលមិនស្អាត ឬសើម

-ចៀសវាងឲ្យម៉ាសដែលប្រើប្រាស់រួចទៅអ្នកដទៃ

ម៉ាសអាចការពារអ្នកនិងអ្នកដទៃ ​ចៀសវាងការចម្លងរោគ ប៉ុន្តែមិនត្រូវភ្លេចគោលការណ៍ ៣ ការពារ ៣ កុំ ដើម្បីបង្ការខ្លួនពីការរីករាលដាលនៃវីរុសកូវីដ ១៩ទាំងអស់គ្នា៕

អត្ថបទ៖ សន្យា

ចុចអាន៖ របៀបពាក់ម៉ាសឱ្យបានត្រឹមត្រូវតាមក្បួនសុខាភិបាល

ចុចអាន៖ តើការពាក់ម៉ាសនិងរក្សាគម្លាត អាចការពារបានប៉ុន្មានភាគរយ?