KPT+

ផលិតផលថែស្បែកទាំងនេះ ជួយឲ្យស្បែកភ្លឺថ្លាក្រោយភ្ញាក់ពីគេង

បានផុស

៥ years មុន

នៅ

ថ្ងៃចន្ទ ២១ មិថុនា ២០២១

ដោយ

Sonya

ការថែទាំស្បែកនៅពេលយប់ មានប្រសិទ្ធភាពខ្ពស់ក្នុងការជួសជុល និងធ្វើឲ្យស្បែកត្រលប់មករកភាពវ័យក្មេងម្ដងទៀត។ ប្រសិនបើស្រីៗគ្នាយើងមិនមានទម្លាប់ថែទាំស្បែកនៅពេលយប់ទេនោះ វាប្រៀបដូចជាបាត់បង់ពេលវេលាមាសក្នុងការចិញ្ចឹម និងថែបំប៉នស្បែកដូច្នោះដែរ។ យ៉ាងណាមិញ គ្នាយើងអាចសាកល្បងផលិតផលថែស្បែកពេលយប់ទាំងប៉ុន្មានមុខនេះ ដើម្បីទទួលបានស្បែកស្រស់ស្អាត និងទន់ភ្លឺរលោង ក្រោយពេលដែលយើងភ្ញាក់ពីគេង។

១. សេរ៉ូមRetinol

asian skin care Cheaper Than Retail Price> Buy Clothing, Accessories and lifestyle products for women & men -

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Retinol អាចជួយធ្វើឲ្យស្បែកភ្លឺថ្លា ដោយការជម្រុះកោសិកាងាប់ចេញពីស្បែក កាត់បន្ថយសញ្ញានៃភាពចាស់ ដូចជាស្នាមជ្រីវជ្រួញ និងស្នាមអុជខ្មៅ ព្រមទាំងជួយធ្វើឲ្យបរិមាណកោសិកា និងការផលិតខូឡាជែនមានភាពប្រសើរឡើង។ វាមានតួនាទីជារ៉ាឌីកាល់សេរីដែលជួយជួសជុលការខូចខាតនៅពេលយប់ និងធ្វើឲ្យស្បែកកាន់តែភ្លឺរលោងនៅពេលថ្ងៃ។

២. គ្រីមលាបទុកចោលមួយយប់

ការប្រើប្រាស់គ្រីមលាបទុកចោលមួយយប់ អាចជួយឲ្យស្បែករបស់យើងមានសំណើម និងស្រស់ថ្លានៅពេលព្រឹកព្រលឹម។ ដូចនេះ ស្រីៗយើងគប្បីប្រើប្រាស់វាជាញឹកញាប់ នៅមុនពេលចូលគេង។

៣. ប្រេងលាបមុខ ( Face essential oils)

Simple and Effective Skin Care Tips to Help You Look Your Best | Fashion Gone Rogue

ប្រេងដែលមានជាតិត្រជាក់ពីធម្មជាតិ មានផ្ទុកសារធាតុចិញ្ចឹមជាច្រើន ដែលអាចជួយចិញ្ចឹម និងថែបំប៉នស្បែករបស់យើងយ៉ាងពូកែស័ក្ដិសិទ្ធិ។ ប្រេងប្រភេទនេះជួយកសាងមុខងាររនាំងនៃស្បែកដែលមានសុខភាពល្អ។ ទោះជាយ៉ាងនេះក្ដី វាមានផ្ទុកសារធាតុMethoxy Psoralen ដែលអាចធ្វើឲ្យស្បែករលាក នៅពេលប៉ះពាល់នឹងកម្ដៅ ញើស និងកាំរស្មីយូវី។ ដូច្នេះហើយ ស្រីៗយើងគួរមានការប្រុងប្រយ័ត្ន និងប្រើប្រាស់ប្រេងលាបមុខតែនៅពេលយប់ប៉ុណ្ណោះ។

៤. ក្រែមផ្ដល់សំណើម

ជាមួយគ្នានេះដែរ ស្បែកផលិតខ្លាញ់យ៉ាងច្រើននៅពេលថ្ងៃ និងតិចតួចប៉ុណ្ណោះនៅពេលយប់។ ដូចនេះ គ្នាយើងគប្បីលាបក្រែមផ្ដល់សំណើមឲ្យច្រើននៅពេលយប់ ដែលជាពេលដែលស្បែកត្រូវការសំណើមបំផុត។

៥. ក្រែមលាបពេលយប់

20,789 Korean Beauty Products Stock Photos, Pictures & Royalty-Free Images - iStock

ក្រែមលាបពេលយប់ មានតួនាទីជួយថែបំប៉ន និងជួសជុលស្បែកពេញមួយយប់ ដោយផ្ដល់សំណើម និងធ្វើឲ្យស្បែកវិលត្រឡប់មករកភាពវ័យក្មេងនៅពេលព្រឹកព្រលឹម។

៦. អាស៊ីដជម្រុះកោសិកាងាប់

AHAs និងBHAs គឺជាពពួកអាស៊ីដជម្រុះកោសិកាងាប់ ដែលអាចកាត់បន្ថយភាពគ្រើមនៃស្បែក និងកម្ចាត់បញ្ហាស្នាមជ្រីវជ្រួញផងដែរ។ បន្ថែមពីនេះ វាក៏អាចកម្ចាត់ការស្ទះរន្ធញើស ដែលបណ្ដាលមកពីការកើតឡើងនៃកោសិកាងាប់ថែមទៀតផង។

៧. សេរ៉ូមវីតាមីនC

ចំណែកឯវីតាមីនCដែលមាននៅក្នុងសេរ៉ូមលាបមុខ គឺជាសារធាតុប្រឆាំងនឹងអុកស៊ីតកម្មដ៏ខ្លាំងក្លា ដែលអាចជួយឲ្យស្បែកភ្លឺថ្លា ព្រមទាំងជួយកម្ចាត់បញ្ហាស្នាមមុនផ្សេងៗ។ លើសពីនេះ វាក៏ធ្វើឲ្យស្បែកមានប្រតិកម្មទៅនឹងការបំផ្លាញពីកាំរស្មីយូវីកាន់តែខ្លាំងជាងមុន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ញ៉ាំថ្នាំថែសម្រស់ផ្តេសផ្តាស ធ្វើឲ្យពោះវៀនមានបញ្ហាអត់?

ចុចអាន៖ អ្នកលើសគីឡូ នេះហើយជាអាថ៌កំបាំងសម្រកខ្លាញ់ពិតប្រាកដ!

Related Topics:ស្បែកមុខ