KPT+

អ្នកជំនាញចែករំលែកគន្លឹះការពារក្មេងៗ ប្រសិនបើសាលារៀនបើកឡើងវិញ

បានផុស

៥ years មុន

នៅ

ថ្ងៃសុក្រ ២៧ សីហា ២០២១

ដោយ

កុមារនៅទូទាំងប្រទេសកំពុងត្រៀមត្រលប់ទៅសាលារៀនវិញ ដែលជាពេលវេលានៃឆ្នាំដែលអាចនាំមកនូវអារម្មណ៍ផ្សេងៗ ពីភាពរំជើបរំជួល រហូតដល់ការថប់បារម្ភពីជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាឆ្នាំសិក្សានេះមានភាពមិនច្បាស់លាស់ ចំពេលមានការរីករាលដាលនៃជំងឺកូវីដ។ ដូច្នេះវាមានសារៈសំខាន់ណាស់ក្នុងការប្រុងប្រយ័ត្ន ដើម្បីប្រយុទ្ធប្រឆាំងនឹងការរីករាលដាលនៃជំងឺនៅក្នុងថ្នាក់រៀន ជាពិសេសនៅពេលដែលតំបន់ដែលមានការរីករាលដាលខ្លាំងនៃវីរុសបំប្លែងខ្លួន។

អ្នកជំនាញនៅមជ្ឈមណ្ឌលកុមារ Johns Hopkins (JHCC) ណែនាំដូចខាងក្រោម ៖

១ ក្មេងអាយុ ១២ ឆ្នាំឡើងទៅគួរទទួលវ៉ាក់សាំងការពារជំងឺកូវីដ។

២ និស្សិតគួរពាក់ម៉ាស់ ដែលធ្វើពីក្រណាត់ត្បាញយ៉ាងតិចពីរស្រទាប់។

៣ ម៉ាសគួរតែសមល្អ ដើម្បីគ្របដណ្ដប់ច្រមុះនិងមាត់ជិតៗ។

៤ មជ្ឈមណ្ឌលគ្រប់គ្រងនិងបង្ការជំងឺអាមេរិក (CDC) និងបណ្ឌិត្យសភាកុមារអាមេរិកណែនាំឲ្យពាក់ម៉ាសសម្រាប់សិស្សទាំងអស់ សូម្បីតែអ្នកដែលត្រូវបានចាក់វ៉ាក់សាំងពេញលេញក៏ដោយ។

៥ ណែនាំឲ្យឪពុកម្ដាយពិនិត្យមើលសាលារបស់កូនៗ របស់ពួកគេ អំពីការប្រុងប្រយ័ត្នសុវត្ថិភាពជាចាំបាច់ នៃជំងឺកូវីដ ។

៦ អ្នកជំនាញ JHCC ណែនាំឲ្យនិយាយដោយស្ងប់ស្ងាត់ជាមួយកុមារ អំពីអ្វីដែលត្រូវរំពឹងទុកនៅពេលពួកគេត្រលប់មកវិញ ហើយចង្អុលបង្ហាញពីការប្រុងប្រយ័ត្ន ដែលនឹងមានដើម្បីការពារពួកគេពីជំងឺ។

អ្នកជំនាញក៏បានណែនាំឪពុកម្ដាយឲ្យតាមដានពីរបៀបដែលកូនរបស់ពួកគេ កំពុងមានអារម្មណ៍យ៉ាងណា ក្រោយពេលវិលមកផ្ទះវិញ ដោយសួរសំនួរងាយៗដូចជា “តើកូនមានអារម្មណ៍យ៉ាងណា ពេលត្រលប់ទៅសាលារៀនវិញលើកដំបូង ក្រោយពេលបិទអស់ពេលជាយូរ ” ៕

ប្រែសម្រួល៖ សាង ស្រីល័ក្ខ

ប្រភព៖medical

ចុចអាន៖CDC ផ្ដល់គន្លឹះសុខភាព ជួយសិស្សឲ្យទទួលបានជោគជ័យក្នុងឆ្នាំសិក្សាថ្មី

ចុចអាន៖WHO និងអាមេរិក ប្រាប់គន្លឹះសំខាន់ៗនៃរបបអាហារគួរទទួលទានជួយប្រព័ន្ធភាពស៊ាំប្រឆាំងកូវីដ