សុខភាព

អាហារ ៥ ប្រភេទជួយបន្សាបជាតិពុលនៅក្នុងខ្លួន

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

Sonya

អាហាមួយចំនួន មិនត្រឹមតែជំនួយសុខភាពប៉ុណ្ណោះទេ តែក៏មានសមត្ថភាពអាចជួយសម្រកទម្ងន់ដោយមិនចាំបាច់តម និងបណ្ដេញជាតិពុលយ៉ាងមានប្រសិទ្ធិភាពបានថែមទៀត។ ប្រហែលគ្នាយើងធុញទ្រាន់ហើយមែនអត់? ចំពោះការឡើងគីឡូនិងឧស្សាហ៍ហើមពោះជាមួយការញ៉ាំអាហារមានជាតិពុលដែលមានជាតិស្ករ ជាតិអាល់កុល ទឹកដោះគោ និង ជាតិកាហ្វេអ៊ីន។ល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តោះ! មកប្ដូរមកទទួលទានអាហារទាំង ៥ មុខនេះ ដើម្បីទទួលអារម្មណ៍ស្រស់ថ្លាដែលមិនធ្លាប់ស្មានដល់៖

តែ៖ សម្បូរទៅដោយសារធាតុប៉ូលីហ្វេណុលនៅក្នុងស្លឹកអាចជួយបន្សាបជាតិពុលនៅក្នុងខ្លួនដែលរាងកាយបានទទួល និងសារធាតុពុលដោយមិនបានដឹងខ្លួន។

ស្ពៃក្ដោប៖ ជាថ្នាំបញ្ចុះទឹកនោមបែបធម្មជាតិ ដែលមានប្រសិទ្ធិភាពដែលជួយបណ្ដេញជាតិទឹកដែលលើសនៅក្នុងខ្លួន។ ស្ពៃក្ដោបមានសារជាតិទឹកដល់ទៅ ៩២% លើសពីនេះទៅទៀតវាក៏សម្បូរទៅដោយជាតិសរសៃនិងវីតាមីន ជាច្រើនដូចជា C,K,E,A និងអាស៊ីតហ្វូលិក។ល។

ខ្ទឹមស៖ ខ្ទឹមសពិតជាអាហារដែលជួយបានច្រើន មិនត្រឹមតែយកទៅធ្វើម្ហូបនោះទេ វាក៏អាចជួយបញ្ចេញសារធាតុពុលនិងកូលេស្តេរ៉ូល ហើយអាចការពារពីជំងឺសរសៃឈាម បេះដូង និងជួយបំបាត់ស្ត្រេសផងដែរ។

អាហារបៃតង៖ សារធាតុក្លរ៉ូភីលដែលមាននៅក្នុងពពួកបន្លែពណ៌បៃតងជួយកម្ចាត់សារធាតុពុលនៅក្នុងខ្លួន ដែលមានគ្រោះថ្នាក់ ក៏ដូចជាជួយដល់ថ្លើមក្នុងការបន្សាបជាតិពុល។ វាជួយកាត់បន្ថយខ្លាញ់ក្នុងឈាម និងបន្ថយសម្ពាធឈាមបានល្អផងដែរ។

ទឹក៖ អ្នកពុំធ្លាប់ដឹង ច្បាស់ជាភ្ញាក់ផ្អើលចំពោះការផឹកទឹក! គ្រាន់តែផឹកទឹកពីរទៅបីកែវ ពេលក្រោកព្រឹកឡើង មុនញ៉ាំអាហារ មុននិងក្រោយលំហាត់ប្រាណ នេះក៏ផ្ដល់សារធាតុទឹកគ្រប់គ្រាន់ និងបណ្ដេញធាតុកខ្វក់បានយ៉ាងល្អ។ ទឹកដល់ជួយក្រលៀន ថ្លើម និងផ្តល់ជាតិទឹកដល់រាងកាយពីក្បាលដល់ចុងជើងរួមទាំង ជួយបញ្ចេញជាតិពុលតាមរយៈទឹកនោម ៕