KPT+
ចែកគ្នាដឹង! វិធីកម្ចាត់មុនក្បាលខ្មៅ លើច្រមុះតាមបែបធម្មជាតិ
មុនក្បាលខ្មៅភាគច្រើនកើតនៅលើមុខ ជាពិសេសនៅលើច្រមុះ និងគែមច្រមុះដែលជាតំបន់មានខ្លាញ់ច្រើន។ ហេតុអ្វីបានជាយើងមានមុនក្បាលខ្មៅ? ហើយអាចកម្ចាត់បានតាមវិធីណាខ្លះ?
មុនក្បាលខ្មៅគឺជាមុនបើកមុខដែលមានក្បាលពណ៌ខ្មៅ ហើយកើតឡើងដោយសារការស្ទះធូលីដី ខ្លាញ់ កោសិកាស្បែកងាប់ៗ បាក់តេរី ឬគ្រឿងសម្អាងជាដើម នៅក្នុងរន្ធញើស។ ដោយសាររន្ធញើសបើកចំហ ពេលត្រូវខ្យល់ កម្ទេចធូលីទាំងនេះមានប្រតិកម្មអុកស៊ីត ហើយប្រែពណ៌ទៅជាពណ៌ខ្មៅ។
ស្រីៗយើងអាចសាកកម្ចាត់មុនក្បាលខ្មៅតាមបែបធម្មជាតិដូចខាងក្រោម៖
១. ស្រ្កាប់ម្សៅបេកឃីងសូដា
យើងអាចលាយម្សៅបេកឃីងសូដាមួយស្លាបព្រាបាយ ជាមួយទឹកក្រូចឆ្មាកន្លះស្លាបព្រាបាយ និងទឹកពីរស្លាបព្រាបាយ រួចកូរឱ្យសព្វ។ បន្ទាប់មកយកល្បាយនេះត្រដុសថ្នមៗលើច្រមុះ ទុកចោល ១៥ ទៅ ២០ នាទី រួចលាងសម្អាតចេញជាមួយទឹកក្ដៅឧណ្ហៗ។ យើងអាចធ្វើបែបនេះពីរដងក្នុងមួយសប្តាហ៍។
ការខាត់ស្បែកច្រមុះជាមួយល្បាយម្សៅបេកឃីងសូដាមិនត្រឹមតែអាចកម្ចាត់រន្ធញើសដែលស្ទះទេ ថែមទាំងអាចធ្វើឱ្យកម្រិត pH នៅស្បែកច្រមុះមានតុល្យភាព និងអាចជួយការពារស្បែកច្រមុះពីការឆ្លងមេរោគទៀតផង។
២. ម៉ាសស៊ុតស និងទឹកឃ្មុំ
យើងអាចលាយស៊ុតសមួយគ្រាប់ជាមួយទឹកឃ្មុំមួយស្លាបព្រាបាយ។ បន្ទាប់មកលាបល្បាយនេះលើច្រមុះ និងគែមច្រមុះ ហើយទុកឱ្យចោលប្រហែល ១៥ ទៅ ២០ នាទី រួចលាងសម្អាតជាមួយទឹកក្តៅឧណ្ហៗ។ យើងគួរធ្វើបែបនេះពីរដងក្នុងមួយសប្តាហ៍។
ភាពស្អិតរបស់ស្ក្រាប់នេះនឹងជួយកម្ចាត់មុនក្បាលខ្មៅ និងភាពកខ្វក់ចេញពីរន្ធញើស ព្រោះស៊ុតសអាចជួយបង្រួមរន្ធញើសដែលធ្វើឱ្យមុនក្បាលខ្មៅចេញមកក្រៅ និងអាចកាត់បន្ថយជាតិខ្លាញ់នៅតំបន់ស្បែកច្រមុះ។ លើសពីនេះទៅទៀត ទឹកឃ្មុំអាចជួយកម្ចាត់បាក់តេរីក្នុងរន្ធញើស និងផ្តល់សំណើមដល់ស្បែកច្រមុះ។
៣. ការឆ្ពុងមុខ
ការឆ្ពុងមុខជាមួយចំហាយទឹកក្តៅឧណ្ហៗបីដងក្នុងមួយសប្តាហ៍អាចជួយបើករន្ធញើស ធ្វើឱ្យស្បែកច្រមុះយើងបែកញើស និងជួយសម្អាតជាតិពុលចេញពីរន្ធញើសដែលជួយឱ្យមុនក្បាលខ្មៅចេញមកក្រៅ។
៤. ប៉េងប៉ោះ
យើងអាចត្រដុសច្រមុះជាមួយចំណិតប៉េងប៉ោះប្រហែល ១ នាទីដើម្បីកម្ចាត់ជាតិខ្លាញ់ និងបង្រួមរន្ធញើស ដើម្បីកម្ចាត់មុនក្បាលខ្មៅ ព្រោះប៉េងប៉ោះសម្បូរទៅដោយវីតាមីន C និង A ហើយថែមទាំងអាចជួយឱ្យស្បែកនៅតំបន់ច្រមុះភ្លឺថ្លាទៀតផង។
៥. ម៉ាសម្សៅឈើអែម និងទឹកក្រូចឆ្មា
យើងអាចលាយម្សៅឈើអែមពីរស្លាបព្រាបាយ ជាមួយទឹកក្រូចឆ្មារពីរស្លាបព្រាបាយ រួចលាបលើច្រមុះ ទុកចោល ២០ នាទី បន្ទាប់មកលាងសម្អាតចេញជាមួយទឹកក្ដៅឧណ្ហៗ។ យើងអាចធ្វើបែបនេះបីទៅបួនដងក្នុងមួយសប្តាហ៍។
ម្សៅឈើអែមអាចជួយបន្តឹងរន្ធញើស បង្កើនចលនាឈាមរត់ ប្រឆាំងអុកស៊ីតកម្ម បាក់តេរី និងមេរោគផ្សិត។ លើសពីនេះទៅទៀត ក្រូចឆ្មាអាចកាត់បន្ថយការរលាក និងជាតិខ្លាញ់នៅលើស្បែក។
មុនក្បាលខ្មៅ គឺងាយស្រួលក្នុងការកម្ចាត់ជាងមុនផ្សេងៗ អ្វីដែលសំខាន់គឺយើងគួរចៀសវាងយកដៃញេច ព្រោះអាចបណ្តាលឱ្យឆ្លងបាក់តេរី និងមានស្នាម៕
ចុចអាន៖មុខក្រហមចេញសរសៃរវាម ពាក់ព័ន្ធនឹងការលាបម្សៅលាយ ស្រីៗត្រូវប្រយ័ត្ន
កោះចំនួន ១៧ នៅខេត្តកោះកុង ទទួលបានគម្រោងវិនិយោគ
រដ្ឋមន្ត្រីការបរទេសហ្គាបុង គាំងបេះដូងស្លាប់ ពេលកំពុងប្រជុំ
ពពក រាងដូចយានអវកាស បង្ហាញខ្លួននៅ តួកគី
អង់គ្លេស ផាកពិន័យនាយករដ្ឋមន្ត្រី ដោយសារជិះឡានមិនពាក់ខ្សែក្រវាត់
រុស្ស៊ី បញ្ជាក់ ២ចំណុច ដែលលោកខាងលិច អាចដោះស្រាយជម្លោះនៅអ៊ុយក្រែន បាន
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
វប្បធម៌ ជំនឿ២ ថ្ងៃ មុនស្រោមសំបុត្រក្រហម (អាំងប៉ាវ) ក្នុងក្ដីសុបិន បញ្ជាក់យ៉ាងដូច្នេះ
-
វប្បធម៌ ជំនឿ១ សប្តាហ៍ មុនដកជើងធូបមានក្បួន កុំចេះតែសែនផ្ដេសផ្ដាស អាចមានគ្រោះដល់ជីវិត
-
វប្បធម៌ ជំនឿ២ ថ្ងៃ មុនរបៀបសែនទេវតា ៣ កន្លែង នាំសុខសប្បាយ និងលាភចូលពេញបរិបូរណ៍ក្នុងថ្ងៃចូលឆ្នាំ
-
វប្បធម៌ ជំនឿ៦ ថ្ងៃ មុនប្រវត្តិយូរលង់នៃការសែនដកជើងធូប តាមជំនឿហុងស៊ុយ ចិន
-
វប្បធម៌ ជំនឿ៤ ថ្ងៃ មុនថ្ងៃទីមួយសែនធំ អ្នកជាប់សែស្រឡាយ ចិន កុំឲ្យខុសត្រណម ៥ យ៉ាងនេះឲ្យសោះ!
-
វប្បធម៌ ជំនឿ២ ថ្ងៃ មុនដង្វាយសែនចូលឆ្នាំ ចិន ៣ ប្រភេទ បង្កប់អត្ថន័យលាភសំណាង ឲ្យម្ចាស់ផ្ទះរកស៊ីមានបាន
-
ព័ត៌មានជាតិ១ សប្តាហ៍ មុនសម្តេចតេជោ ហ៊ុន សែន ជំរុញឱ្យពន្លឿនសិក្សាផ្លូវរថភ្លើងល្បឿនលឿនភ្នំពេញ-ព្រះសីហនុ និងភ្នំពេញ-ប៉ោយប៉ែត
-
សេចក្ដីជូនដំណឹង១ សប្តាហ៍ មុនឯកឧត្តម ឃួង ស្រេង និងឯកឧត្ដម ម៉ប់ សារិន ផ្ញើសារលិខិតគោរពជូនពរ សម្តេចតេជោ ហ៊ុន សែន ក្នុងឱកាសខួប៣៨ឆ្នាំ នៃការចូលកាន់តំណែងជា នាយករដ្ឋមន្ត្រី