Connect with us

KPT+

ទម្លាប់គេងយប់ជ្រៅពេក នឹងជួបហានិភ័យនេះមិនខាន

បានផុស

នៅ

ការទទួលទានដំណេកមិនបានគ្រប់គ្រាន់​ នឹងផ្ដល់ផលប៉ះពាល់ដល់ជាច្រើនដល់រាងកាយ ជាពិសេស កាត់បន្ថយចំណង់ផ្លូវភេទ ប្រព័ន្ធភាពស៊ាំ​ចុះខ្សោយ អសមត្ថភាព​នៃការគិត និងនាំឱ្យឡើង​ទម្ងន់​ជាដើម។

អ្វីដែលកាន់តែធ្ងន់ធ្ងរ វាអាចបង្កើនហានិភ័យនៃជំងឺ​មហារីក ទឹកនោមផ្អែម និង​សូម្បី​គ្រោះថ្នាក់​ចរាចរណ៍​នៅ​តាម​ដងផ្លូវ។ បើសិន​ជាអ្នកគ្មានពេលវេលា​គ្រប់គ្រាន់​ ដើម្បី​ទទួលទាន​ដំណេក​ឱ្យ​បាន​ពេញ​លេញ អ្នក​ត្រូវ​តែ​រៀបចំ​កាលវិភាគ​ឡើងវិញ ដើម្បី​ចៀសវាង​នូវ​ហានិភ័យ​ទាំងអស់​នោះ​ នា​ថ្ងៃ​ខាង​មុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មាន​ខាងក្រោម​ នឹង​លម្អិត​ប្រាប់​អ្នក​បន្ថែម​ទៀត ថាតើមានអ្វីកើតឡើងចំពោះរាងកាយ នៅ​ពេល​ដែល​អ្នកគេង​មិន​បានតាមការកំណត់ត្រឹមត្រូវ។

១. ប្រឈម​នឹង​ភាព​មិនស្រួលខ្លួន

ការគេងមិនគ្រប់គ្រាន់​ នឹងបំផ្លាញនូវប្រព័ន្ធ​ភាព​ស៊ាំ​ការពាររាងកាយរបស់អ្នក ហើយ​អ្នក​នឹង​ឧស្សាហ៍​មាន​អាការៈ​មិន​ស្រួល​​ខ្លួនយ៉ាងងាយស្រួល។ អ្នកជំនាញថែមទាំង​បានរក​ឃើញ​ទំនាក់ទំនង ​រវាង​ការ​គេង​និង​ប្រព័ន្ធ​ភាព​ស៊ាំ​របស់រាងកាយអ្នក ដោយ​បញ្ជក់​ថា អ្នក​នឹងបាត់បង់​ដំណេក​បន្ថែមទៀត ខណៈ​ពេល​ដែល​រាងកាយ ​កំពុង​ប្រយុទ្ធ​ទៅ​នឹង​មេរោគ នៅ​ពេល​ដែល​អ្នក​ឈឺមិន​បាន​គេង​សម្រាក​ភ្នែក​ខ្លះ។

២. ផល​ប៉ះពាល់​ដល់​សុខភាព​បេះដូង

ទាំងការគេងមិន​បានគ្រប់គ្រាន់ (តិចជាង៥ម៉ោង) និង​ការគេងលើសកំណត់ (ច្រើនជាង៩ ម៉ោង) សុទ្ធតែ​ផ្ដល់​ផល​ប៉ះពាល់​អវិជ្ជមាន ​ដល់​សុខភាព​បេះដូង​របស់​អ្នក បើ​តាមការ​វិភាគ​មួយ​ដែល​បាន​ចុះ​ផ្សាយ​នៅ​អឺរ៉ុប។ ជាពិសេស វា​ជា​ឱកាស​មួយ​ដែល​វិវត្ត​ទៅជា​ជំងឺ​សរសៃឈាម​បេះដូង ឬ​ជំងឺ​ដាច់​សរសៃឈាម​ខួរក្បាល ចំពោះ​លទ្ធផល​គេង​មិន​បាន​គ្រប់គ្រាន់។

៣. ហានិភ័យ​ខ្ពស់​ក្នុង​ការ​ប្រឈម​នឹង​ជំងឺ​មហារីក

ការគេងមិនបានគ្រប់តាម​កំណត់​ផ្ដល់​ហានិភ័យ​ខ្ពស់​នៃ​ជំងឺ​មហារីក​សុដន់ មហារីក​ពោះវៀនធំ និង​មហារីក​ក្រពេញប្រូស្តាត ផ្អែកទៅ​លើ​សេចក្តី​ថ្លែងការរបស់​ក្រុមគ្រូពេទ្យជំនាញ​នៅ​សហរដ្ឋអាមេរិក (American Academy of Sleep Medicine)។ លើស​ពី​នេះ សម្រាប់​បុគ្គលិក ឬ​អ្នកធ្វើការ​វេន​យប់​ កាន់​តែ​ប្រឈម​អត្រា​មរណភាព​ខ្ពស់​ជា​ជាង​ក្រុម​អ្នក​ធ្វើការ​ដែល​គេង​បាន​ចាត់​ពី ៧ ម៉ោងឡើងទៅ។

៤. បាត់បង់​សមត្ថភាព​ក្នុង​ការ​គិត

ទោះបី​ការគេងមិនបាន​ពេញលេញ​ក្នុង​ពេល​មួយ​យប់ ​ក៏​អាច​មាន​ផល​ប៉ះពាល់​ដល់​មុខងារ​រាងកាយ​សំខាន់ៗ​ផងដែរ។ ជាក់ស្ដែង​អ្នក​ជំនាញ​ខាង​សុខភាព​ខួរក្បាល បាន​ធ្វើការ​ពិសោធន៍​ទៅលើ​ក្រុមបុរសចំនួន១៨នាក់។ ជា​ដំបូងគេ​ឱ្យ​ពួកគាត់ទាំង១៨នាក់ ​គេង​ឱ្យ​បាន​គ្រប់គ្រាន់​ក្នុង​យប់ទី១ និង​គេង​រំលង​អធ្រាត្រ​នៅ​យប់​បន្ទាប់។ ជាលទ្ធផល មុខងារខួរក្បាល ដូចជា សមត្ថភាព​ក្នុង​ការ​សម្រេចចិត្ត ការដោះស្រាយបញ្ហា មានការចុះខ្សោយ បន្ទាប់​ពី​យប់​ដែល​គេង​មិន​បាន​គ្រប់គ្រាន់។

.ប្រឈម​នឹង​ការ​ឡើង​ទម្ងន់

គេបានធ្វើការសិក្សាអំពីទំនាក់ទំនងរវាងការគេង និង​ទម្ងន់​របស់​មនុស្ស​ពេញ​វ័យ​ចាប់​ពី​អាយុ២០ឆ្នាំឡើងចំនួន ២១៤៦៩ នាក់។ ជា​លទ្ធផល អ្នកដែល​គេង​តិច​ជាង៥ម៉ោងរៀងរាល់​យប់ ​អំឡុង​ពេល៣ឆ្នាំក្នុងរយៈពេលនៃការសិក្សា ទំនង​ជា​មាន​ការ​ឡើង​ទម្ងន់ និង​ករណី​ខ្លះ​អាច​វិវត្ត​ទៅ​ជា​ជំងឺ​ធាត់។ ចំណែក​ឯអ្នកដែលគេងបានពី៧ទៅ៨ម៉ោង គឺ​មាន​ស្ថានភាព​ល្អ​ជាប្រក្រតី។

. ស្បែក​ជ្រៀវជ្រួញ

បើសិនជាអ្នក​មិន​ខ្វល់ខ្វាយ​អំពី​ការប្រឈម​ទាំង​ប៉ុន្មាន​ចំណុច​ខាង​លើ​ទេ យ៉ោង​ហោច​ណាស់​គួរ​តែ​យកចិត្តទុកដាក់​ទៅ​លើ​សម្រស់​ខាងក្រៅ ដូចជា​សុខភាព​ស្បែកជាដើម។ អ្នក​ដែល​គេង​បាន​តិច​ម៉ោង ភាគច្រើន​ជួប​ប្រទះនឹងបញ្ហាស្នាម​ជ្រីវជ្រួញ ពណ៌​ស្បែក​មិន​ស្មើគ្នា និង​បាត់បង់​សំណើម​នៅ​លើ​ស្បែក។ ជាពិសេស អ្នក​ដែល​គេង​មិន​គ្រប់​ទៅ​តាម​កំណត់ ច្រើនតែ​មិន​ពេញចិត្ត​ជាមួយ​នឹង​រូបរាង និង​សម្រស់​របស់​ពួកគេ ជាជាង​អ្នក​ដែល​មាន​ទម្លាប់​គេង​បាន​ឆ្អែត​រាល់​យប់៕

ប្រែសម្រួល៖ លីលី

ចុចអាន៖ផ្លាស់ប្ដូរបទពិសោធន៍ថ្មី បោះតង់ជាមួយគូស្នេហ៍ កុំភ្លេចចំណុចទាំងនេះ

ចុចអាន៖៥ ចំណុចនេះហើយ តែងធ្វើឲ្យជីវិតមានភាពច្របូកច្របល់ គ្មានគោលដៅច្បាស់លាស់នឹងគេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២ នាទី មុន

ក្រោយត្រូវមិត្តប្រុសស្គាល់គ្នា១០ឆ្នាំបោះបង់ចោល Fan Bingbing វិលមកវិញកាន់តែខ្លាំង

ព័ត៌មានជាតិ១១ នាទី មុន

​ចរាចរណ៍ប្រាក់រៀល​កើនឡើង ១៥ ភាគរយ​ ក្នុងមួយឆ្នាំ​ នាអំឡុង២ទសវត្សរ៍ចុងក្រោយ​

សន្តិសុខសង្គម២៤ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ៣៧ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ១ ម៉ោង មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

Sokha Hotels

ព័ត៌មានពេញនិយម