Connect with us

KPT+

រក្សាតុល្យភាពការងារ ជីវិត និងការសិក្សា ដោយអនុវត្តតាមជំហានទាំង ៣ នេះ

បានផុស

នៅ

បច្ចុប្បន្ន និស្សិតភាគច្រើនចូលចិត្តធ្វើការបណ្តើរ និងរៀនបណ្តើរ ដើម្បីទទួលបានទាំងចំណេះដឹង បទពិសោធន៍ និងថវិការខ្លះសម្រាប់ផ្គត់ផ្គង់ខ្លួនឯង។ ស្របពេលជាមួយគ្នា កត្តា​ទាំង​នេះ​បាន​ក្លាយ​ជា​បន្ទុក និង​ផ្ដល់​សម្ពាធ​ដល់​និស្សិត​ដែល​មិន​ទាន់​ចេះ​លៃលក​ពេលវេលា និង​បែងចែក​កាលវិភាគ​បាន​ត្រឹមត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បី​រក្សា​បាន​តុល្យភាព​ទាំង ការងារ ការសិក្សា និងមានពេលវេលា​សម្រាក​ផ្ទាល់ខ្លួន​ខ្លះ អ្នកអាចសាកល្បងអនុវត្តតាម៤ចំណុចខាងក្រោម។ 

១. គ្រប់គ្រង​ពេលវេលា​ឱ្យ​បានច្បាស់លាស់

បើសិនជាអ្នកចង់ឱ្យទាំងជីវិតការងារ និងការរៀនសូត្រ មានតុល្យភាព អ្នកត្រូវដាក់​សំណួរ​ឱ្យ​ខ្លួនឯង​ជារឿយៗថា តើអ្នកអាចលះបង់ពេលវេលាបានប៉ុន្មានទៅលើកិច្ចការអ្វីខ្លះ។ ដោយរឿង​សំខាន់​មួយ​ក្នុងការរៀបចំ និងបែងចែកពេលវេលាឱ្យមានប្រសិទ្ធិភាព គឺជាការស្គាល់​ខ្លួនឯង​ឱ្យ​បាន​ច្បាស់ចំពោះការកំណត់ពេលវេលារៀនសូត្រ ដែលសិក្តសមសម្រាប់អ្នក។ បើសិន​ជា​អ្នក​សម្រេចចិត្ត​ថា​ធ្វើការ​ផង និងរៀនផង អ្នកត្រូវតែ​លះបង់​ពេលវេលា​សុខស្រួល​ផ្ទាល់ខ្លួនចេញខ្លះ ដូចជា​ត្រូវចូល​គេងយឺត និង​ភ្ញាក់លឿន​ខុស​ពីធម្មតា ទោះបីនៅចុង​សប្ដាហ៍ ក៏ដោយ។ ម៉្យាង អ្នក​អាច​រៀបចំ​ពេល​វេលា​ទុកមុនមួយ​សប្តាហ៍ ថាតើអ្នកត្រូវធ្វើអ្វីខ្លះ​នៅ​ដើម​សប្ដាហ៍ បន្ត​ដល់​ចុង​សប្ដាហ៍​ជា​រៀងរាល់​ខែ។

. ចរចា​ជាមួយ​និយោជក​របស់អ្នក

យើងអាចខ្លាចចិត្តថ្នាក់លើ​ នៅពេលដែលយើងកំពុងធ្វើការ ហើយ​មាន​កិច្ចការ​បន្ទាន់​នៅ​ឯ​សាលារៀន។ ប៉ុន្តែអ្នកគួរតែឆាប់ជូនដំណឹងទៅចៅហ្វាយរបស់អ្នក នៅពេលណាអ្នក​ត្រឡប់​ទៅ​សាលារៀន​វិញ ឬមានកិច្ចការសំខាន់បន្ទាន់ ចៀសវាង​ការ​យល់​ច្រឡំ ណាមួយកើតឡើង។ ការធ្វើបែបនេះ​នឹងធ្វើឱ្យថ្នាក់​លើ​កាន់តែយល់ពីអ្នកចំពោះ ភាព​ស្មុគស្មាញ និង​សម្ពាធ​ផ្សេងៗ ក្នុងនាមជានិស្សិតដែលរៀនផង និងធ្វើការផង។ ជាពិសេស អ្នក​ត្រូវ​និយាយ ដោយ​បើកចំហ និង​ស្មោះត្រង់​នៅ​ពេល​ណា​រវល់​នឹង​កិច្ចការ​សាលា ហើយ​មិន​អាច​មក​បំពេញ​ការងារ​បាន​ក្នុង​ករណី​ចាំបាច់​ណា​មួយ។

៣. សម្រាក​ឱ្យបានគ្រប់គ្រាន់ និង​ជ្រើសរើស​អាហារ​ដែល​មាន​ជីវជាតិ

គន្លឹះ​ដើម្បី​ទទួល​បាន​ជោគជ័យ​ទាំង​ការ​រៀនសូត្រ និងការបំពេញការងារ អ្នកត្រូវ​រក្សាសុខភាព​ផ្លូវកាយ និងផ្លូវចិត្តឱ្យបានល្អ។ អ្នកត្រូវចងចាំថា រាងកាយមនុស្សតែងតែ​វិវត្តពីមួយថ្ងៃ ទៅមួយថ្ងៃ។ ដូចច្នេះ អ្នកត្រូវសម្រាកឱ្យបាន ៧ ទៅ ៨ ម៉ោង រៀងរាល់យប់ និង​បរិភោគ​អាហារ​ណា​ដែល​មាន​ប្រយោជន៍ ទើបរាងកាយ និងខួរក្បាលមានថាមពលបន្តការងារទៅមុខបាន។ កាលណា​អ្នកមានសុខភាពល្អ ប្រព័ន្ធភាពស៊ាំ​របស់អ្នកនឹងមានភាពរឹងមាំ រួមជាមួយ​ការចងចាំ​បានល្អ ដែល​ជួយ​អ្នក​ទប់ទល់នឹង​ភាព​តានតឹង​ចំពោះ​ការងារ និងការសិក្សា។

ជារួម ចំពោះ​អ្នក​ធ្វើការ និង​សិក្សា​ក្នុង​ពេល​តែ​មួយ គួរព្យាយាមអនុវត្តគន្លឹះទាំង៣​នេះ​ដើម្បី​ជួយ​សម្រាល​សម្ពាធ​ក្នុង​ជីវិត​អ្នក​ឱ្យ​មាន​ភាព​ងាយស្រួល៕

ប្រែសម្រួល៖ លីលី

ចុចអាន៖៥ យ៉ាងនេះ ធ្វើឲ្យអ្នកស្គាល់ខ្លួនឯងកាន់តែច្បាស់

ចុចអាន៖ការងារចេះតែគ្មានផលិតភាព គួរប្រញាប់ធ្វើរឿងនេះភ្លាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម